19. júní - 19.06.1974, Page 48

lék Lára undir við kvikmyndasýningar
í Gamla biói, svo sem tíðkaðist á tímum
})öglu myndanna. Lára tók mikinn þátt
í félagsstarfi, og hófst það þegar á æsku-
árunum vestur á ísafirði. Hún var ártnn
saman í K.R.F.Í. og mjög mikið starf-
aði hún í Rebekkustúku Oddfellowa og
hafði þar formennsku á hendi. Mörg ár
var hún formaður í stjórn Landsspítala-
sjóðs og að fleiri mannúðar- og líknar-
málum vann hún svo sem t. d. málefn-
um blindra. —- Lára var gift Steingrími
Jónssyni rafmagnsstjóra, hinum þekkta
brautryðjanda á sviði raforkumála hér
á landi. Félagslyndi eiginkonunnar náði
í rikum mæli til þess er snerti félagskap
stéttar hans. Þau eignuðust 5 börn.
Lilja Magnúsdóttir var fædd 6. febrú-
ar 1898 vestur í Dölum, dáin 9. desem-
ber 1972 í Reykjavík. Foreldrar hennar
voru Helga Gísladóttir og Magnús Krist-
jánsson bóndi í Snóksdal. Lilja ólst að
mestu upp hjá vandalausum, en naut
þó góðs atlætis og umhyggju. Ung að
aldri réðst hún til læknishjónanna á
Hvammstanga, Ólafs Gunnarssonar og
Rögnu Gunnarsdóttur. Batt hún við þá
fjölskyldu ævilanga vináttu. Henni mun
í fyrstu einkum hafa verið ætlað það
starf að gæta barnanna á heimilinu og
kom það raunar mikið í hennar hlut
öll árin, sem hún var þar, enda hafði
Lilja einstakt lag á börnum og sýndi
þeim óvenjulegt ástriki. Var þetta svo
ætíð bæði gagvart hennar eigin hörn-
um og öðrum. Lilja var fróðleiksfús, og
þótt hún ætti ekki kost á skólagöngu,
aflaði hún sér dágóðrar þekkingar með
lestri góðra bóka og mun hafa verið
allfróð um bókmenntir Islendinga bæði
fornar og nýjar. Iálja var árum saman
félagi í K.R.F.I. -— Lilja var gift Guð-
mundi Finnbogasyni járnsmið. Þau
bjuggu allan sinn búskap i Reykjavík.
Þau eignuðust 6 börn.
Margrét G. Breiðpjörð var fædd í
Reykjavik 25. júni 1903, dáin í Reykja-
vík 6. september 1973. Foreldrar henn-
ar voru hjónin Sigriður Benediktsdóttir
og Guðmundur Þorsteinsson prentari, en
hann var einn af stofnendum prentsmiðj-
unnar Gutenberg. Á unga aldri var
Morgrét i skóla i Haslev i Danmörku.
Hún hóf störf í prentsmiðjunni Guten-
berg þegar sem unglingur, en hætti þar
um skeið, er hún giftist. Hún missti
mann sinn i sjóslysi eftir aðeins 6 ára
hjónaband. Litlu síðar fór Margrét aft-
ur að vinna í prentsmiðjunni í nokkur
ár. Siðan hóf hún að starfa á skrifstofu
fyrirtækisins og vann þar við miklar
vinsældir árum saman, eða þar til hún
lét af störfum fyrir aldurs sakir litlu
fyrir dauða sinn. Auk þess, sem Margrét
var í K.R.F.Í. starfaði hún að sjálfsögðu
í stéttarfélagi sínu. Hún var einnig mik-
ill áhugamaður um íþróttir og var í
l.R. Hún var í fimleikaflokki hins ágæta
iþróttakennara Björns Jakobssonar. Þetta
var fyrsti fimleikaflokkur íslenskra
kvenna, sem fór í sýningarferð til út-
landa, en það var árið 1927. Flokkurinn
sýndi bæði i Noregi og Svíþjóð og þótti
takast ágætlega vel. — Margrét var gift
Sigurði J. Breiðfjörð stýrimanni. Þau
eignuðust 3 börn.
Sigríður Einars frá Munaðarnesi var
fædd í Hlöðutúni í Stafholtstungum 14.
október 1893, dáin 10. júlí 1973 í Reykja-
vík. Foreldrar hennar voru Málfríður
Björnsdóttir og Einar Hjálmsson bóndi,
lengst í Munaðarnesi í Stafholtstungum
og við þann bæ kenndi Sigríður sig jafn-
an. Ung fór Sigríður til Guðmundar
Björnssonar móðurbróður sins, sýslu-
manns á Patreksfirði, og vann hjá hon-
um skrifstofustörf. Eigi hafði hún fengið
tækifæri til skólagöngu, en þessi frændi
hennar mun hafa kennt henni margt,
sem kom sér vel síðar á ævinni. Sigriður
dvaldi um skeið i Þýskalandi og varð
góð i þýsku. Lengst ævinnar átti hún
heima í Reykjavik og vann fyrir sér
með ýmsum störfum. Stundum stundaði
hún saumaskap, var einnig matráðskona
við mötuneyti, en samhliða þessu fékkst
hún við ritstörf og varð þekktur rithöf-
undur. Komu út eftir hana fjórar ljóða-
bækur, einnig lauk hún við að þýða
Kalevala-kvæðin, sem Karl Isfeld var
að þýða, en hafði ekki lokið við þegar
hann andaðist. Sigriður var árum sam-
an í K.R.F.l. og gegndi þar ýmsum
trúnaðarstörfum. Hún var t. d. um skeið
i ritnefnd 19. júní, og geymir þetta rit
bæði ljóð og annað efni eftir hana. Einn-
ig vann hún nokkur ár á skrifstofu fé-
lagsins. Sigriður hafði mikinn áhuga á
þjóðmálum og starfaði að áhugamálum
sinum meðan kraftar entust. — Sigríður
og Karl Isfeld rithöfundur eignuðust
einn son.
Soppía Jakobsen var fædd í Reykjavík
13. desember 1888, dáin 28. april 1973
í Reykjavik. Fereldrar hennar voru
hjónin Guðrún Sigurðardóttir og Helgi
Helgason smiður og tónskáld. Soffía fór
ung til Ameríku og dvaldi þar um tíma
og vann fyrir sér við verslunarstörf
og mun þá hafa aflað sér haldgóðrar
þekkingar á þvi sviði. Eftir heimkomuna
réðst hún til starfa hjá verslun Egils
Jakobsen. Tveimur árum síðar giftist
Soffia eiganda verslunarinnar Agli Jak-
obsen. Hann lést, er þau höfðu verið
tíu ár í hjónabandi. Eftir dauða hans
rak Soffía verslunina af miklum iugn-
aði. Hún naut mikillar virðingar innan
stéttar sinnar, og var einn af stofnendum
kaupmannasamtakanna. Soffía lét einnig
stjórnmál til sín taka. Hún var mörg
ár í stjórn Sjálfstæðiskvennafélagsins
Hvatar og starfaði þar mikið. Hún var
árum saman í K.R.F.l. Systurdóttir
Soffíu, Lillian Teitsson, sem kom ung
heim frá Ameríku, var henni mikil
stoð í umsvifamiklu starfi, enda voru
þær hvor annari sem móðir og dóttir.
— Hjónin Soffia og Egill Jakobsen eign-
uðust tvo syni.
Valgerdur Björg Björnsdóttir var
fædd 24. maí 1899 að Grund í Svarfað-
ardal, dáin 27. janúar 1974 í Reykjavík.
Foreldrar hennar voru hjónin Lilja Dan-
ielsdóttir og Björn Zóphonías Sigfússon
bóndi og sjómaður. Valgerður sá aldrei
föður sinn, þvi að hann lést af sjóslysi
áður en hún fæddist. Hún ólst upp með
móður sinni og frændfólki. Móðir henn-
ar giftist aftur norskum manni Edvard
Sólnes að nafni. Reyndist hann Valgerði
góður stjúpfaðir meðan hans naut við,
en hann andaðist einnig löngu fyrir ald-
ur fram. Valgerður fór i æsku til máms
i Noregi á lýðháskólann í Voss, og einn-
ig gekk hún á bókhaldsnámskeið i Berg-
en. Eftir að hún kom heim gerðist
Valgerður bankaritari á Akureyri um
árabil, eða þar til hún giftist Hannesi
Guðmundssyni lækni í Reykjavik, syni
Guðmundar Hannessonar prófessors. Þau
stofnuðu heimili sitt að Hverfisgötu 12
húsi Guðmundar prófessors og dvaldi
hann þar hjá syni og tengdadóttur til
dauðadags. Eftir að Valgerður giftist var
starfsvettvarigur hennarmestmegnis inn-
an veggja heimilisins. Maður hennar,
Hannes læknir, lést á besta nldri og kom
þá að sjálfsögðu að mestu í hennar hlut
að vera börnum þeirra stoð og stytta
við nám þeirra. — Valgerður og Hann-
es læknir eignuðust 4 börn.
Guð blessi minningu allra þessara
mætu félaga.
G. H.
19. JÚNÍ
46