Fréttablaðið - 17.12.2010, Blaðsíða 13

FÖSTUDAGUR 17. desember 2010 13
islandsbanki@islandsbanki.is
www.islandsbanki.is
Sími 440 4000
Eignastýring Íslandsbanka
eignastyring
9
Helstu samstarfsaðilar
Tækifæri í fjárfestingum erlendis
Sterkir samstarfsaðilar
Aðstoð við flutning eigna heim
Aðstoð við flutning íslenskra króna heim
Fáðu ráðgjöf
DÓMSMÁL Tveir ungir menn hafa
verið ákærðir fyrir Héraðsdómi
Norðurlands eystra, meðal annars
fyrir fíkniefnasölu.
Alls eru fjórir ungir menn
ákærðir í málinu. Einn þeirra ók
um götur Akureyrar undir áhrif-
um fíkniefna þar til lögreglan
stöðvaði akstur hans. Hinir þrír
voru í bílnum með honum, einn
með lítilræði af marijúana en
hinir tveir með mun meira magn
af efninu, bæði í bílnum og heima
hjá sér.
Öðrum hinna síðastnefndu er
gefið að sök að hafa nokkrum
vikum áður keypt um 150 grömm
af marijúana og selt hluta efnis-
ins. Hinn aðstoðaði við söluna. - jss
MARIJÚANA Mennirnir voru að selja
marijúana.
Fjórir ungir menn ákærðir:
Tveir fíkniefna-
salar fyrir dóm
DÓMSMÁL Kona á þrítugsaldri
hefur verið dæmd í átta mánaða
fangelsi, þar af sex á skilorði,
fyrir að kasta bjórglasi í höfuðið
á lögreglukonu. Þá var hún dæmd
til að greiða lögreglukonunni 100
þúsund krónur í miskabætur.
Atvikið átti sér stað við veit-
ingastaðinn 800 Bar í Árborg.
Lögregla var þar við skyldustörf
vegna æsts manns sem dyraverð-
ir voru með þar í tökum. Hann
var settur í lögreglubifreið.
Þegar lögreglukonan hugðist
fara inn á staðinn að ræða við
dyraverði var konan þar fyrir og
kastaði glasinu í hana. - jss
LÖGREGLAN Lögreglukonan var við
skyldustörf við skemmtistaðinn 800 Bar.
Í átta mánaða fangelsi:
Kastaði glasi í
höfuð lögreglu
SAMGÖNGUR Borgarráð hefur skorað á utanrík-
isráðuneyti og flugmálayfirvöld að beita sér
fyrir því að umferð herflugvéla um Reykja-
víkurflugvöll verði stöðvuð. Áskorun þessi
var samþykkt einróma á fundi ráðsins í gær.
Í tilkynningu frá Reykjavíkurborg segir að
samkvæmt tölum Isavia, sem annast rekstur
og uppbyggingu allra flugvalla og lendingar-
staða á Íslandi, hafi 37 skilgreindar herflug-
vélar lent á Reykjavíkurflugvelli á árinu, en í
fyrra voru þær 28 talsins. Þar á meðal eru til
dæmis ferjuflug, þyrluflug og eftirlitsflug.
Í tilkynningunni segir að flugmálayfirvöld
hafi ekki heimildir til að afla upplýsinga
um farm herflugvéla í styttri stoppum, þar
á meðal hvort vélarnar beri hættuleg vopn,
sprengiefni eða kjarnavopn.
Þá er vísað til friðarhefðar Íslendinga og
framlags Reykjavíkurborgar í baráttunni
fyrir friði, meðal annars með uppsetningu
friðarsúlu Yoko Ono og nýlegrar aðildar að
samtökunum Mayors for Peace. Þá segir í
tilkynningunni: „Friðsöm og ábyrg borgar-
yfirvöld geta ekki unað við óbreytt ástand á
Reykjavíkurflugvelli.“ - þj
Borgarráð samþykkti áskorun til utanríkisráðuneytis og flugmálayfirvalda um flugumferð:
Vilja allar herflugvélar burt af vellinum
HERINN BURT Borgarráð hefur skorað á flugmálayfir-
völd og utanríkisráðuneyti að stöðva umferð herflug-
véla um Reykjavíkurflugvöll.
FRÉTTABLAÐIÐ/PJETUR
DÓMSMÁL Karlmaður á þrítugs-
aldri hefur verið ákærður fyrir
að brjótast inn í þrjú íbúðarhús
og stela þar munum að verðmæti
um tvær milljónir króna. Hann
er nú í gæsluvarðhaldi á Litla-
Hrauni. Maðurinn sóttist einkum
eftir flatskjám, tölvubúnaði og
myndavélum auk skartgripa.
Á einum staðnum stal hann að
auki 980 evrum, 250 Bandaríkja-
dölum og 260 sterlingspundum. Á
öðrum stað greip hann svo með
sér kuldagalla frá 66°Norður, auk
annars þýfis. - jss
Innbrotsþjófur ákærður:
Stal góssi fyrir
tvær milljónir
Endurskinsmerkin nauðsyn
Lögreglan á höfuðborgarsvæðinu
beinir þeim vinsamlegu tilmælum
til hlaupara að þeir noti endurskins-
merki enda er þessi hópur oft á ferð
í myrkri á eða við umferðargötur. Þá
vill lögregla benda á mikilvægi þess
að ljósabúnaður hjóla sé í lagi en á
því er nokkur misbrestur.
LÖGREGLUFRÉTTIR