Fréttablaðið - 17.12.2010, Blaðsíða 12
12 17. desember 2010 FÖSTUDAGUR
DÓMSMÁL Töluverðar breytingar
þyrfti að gera á málatilbúnaði
slitastjórnar Glitnis gegn svo-
kallaðri sjömenningaklíku Jóns
Ásgeirs Jóhannessonar ef ákveðið
yrði að höfða málið á Íslandi. Þetta
segir Steinunn Guðbjartsdóttir,
formaður slitastjórnarinnar, en
tekur jafnframt fram að hún telji
að það mundi ekki útheimta ýkja
mikla vinnu.
Dómarinn Charles E. Ramos
vísaði málinu frá dómi í New
York á þriðjudag og sagði það eiga
heima á Íslandi, þar sem stefndu
væru allir Íslendingar og Glitnir
íslenskt fyrirtæki. Í málinu var
Jóni Ásgeiri, Hannesi Smárasyni,
Ingibjörgu Pálmadóttur, Pálma
Haraldssyni, Lárusi Welding, Jóni
Sigurðssyni og Þorsteini M. Jóns-
syni stefnt til að endurgreiða tvo
milljarða dala, jafnvirði um 230
milljarða króna, sem sjömenn-
ingarnir voru sakaðir um að hafa
sogið út úr bankanum í flóknu
samsæri.
Slitastjórnin hefur lýst því yfir
að haldið verði áfram með málið.
Ekki liggur fyrir hvar það verður
gert. Enn á eftir að ákveða hvort
frávísuninni verður áfrýjað og
hefur Steinunn aðspurð ekki viljað
útiloka að málið geti verið höfðað
annars staðar en á Íslandi ákveði
slitastjórnin að una frávísuninni,
til dæmis í London.
Stefnan í New York er berorð og
mun harðorðari en þær sem tíðk-
ast hér. Þar er jafnframt notast
við hugtök sem ekki eru þekkt í
íslenskum rétti. Sumir stefndu eru
sagðir hafa verið skuggastjórnend-
ur Glitnis og ítrekað er vísað til
þess að Ingibjörg Pálmadóttir sé
hliðarsjálf eiginmanns síns.
„Það má alveg reikna með því
að málið yrði lagt upp öðruvísi á
Íslandi,“ segir Steinunn. Hún vill
ekki segja til um að hvaða leyti
málið yrði frábrugðið hér heima.
„En atburðarásin sem er lýst í
stefnunni er auðvitað eins og hún
er,“ segir hún.
Hún segir að þótt málið tæki
breytingum yrði vinnan við það
ekki sérlega flókin.
Guðmundur Sigurðsson, laga-
prófessor við Háskólann í Reykja-
vík, segir ljóst að stefnan hér
heima þurfi að byggja á íslenskum
rétti. Það ætti þó ekki að vera neitt
stórmál. „Auðvitað yrðu menn að
færa málið í búning sem harmón-
erar við íslenskan skaðabótarétt,“
segir hann. Hann þekki stefn-
una ytra þó ekki í þaula og geti
því ekki sagt til um nákvæmlega
hvaða breytingar þyrfti að gera.
Hann segir að vel kunni að vera
að yfirbragð stefnunnar úti helgist
af því að málinu hafi verið ætlað
að fara fyrir kviðdóm. Líklegt sé
að það yrði tónað niður hér heima.
„Ég held að það yrði engin flug-
eldasýning hérna fyrir íslenskum
dómstólum.“ stigur@frettabladid.is
Gera yrði breytingar
á málinu hér heima
Reikna má með því að mál slitastjórnar Glitnis gegn sjömenningaklíku Jóns Ás-
geirs yrði lagt upp öðruvísi á Íslandi en í New York. Þetta segir formaður slita-
stjórnarinnar. Engin flugeldasýning fyrir íslenskum dómstólum, segir prófessor.
GLITNIR Sjömenningarnir eru sakaðir um að hafa haft hundruð milljarða króna út úr
Glitni með óheiðarlegum aðferðum. FRÉTTABLAÐIÐ/VALLI
ÚTIVIST Allt stefnir í að slegið
verði þátttökumet í sundi hjá
Görpum í Sunddeild Breiðabliks
á Þorláksmessu. Að þessu sinni
verður stóra útilaugin undirlögð
af um 50 keppendum sem allir
keppa í einu, um fimm á hverri
braut.
Garpar eru sundmenn eldri en
25 ára og hefur Þorláksmessu-
sundið verið þreytt í tvo áratugi.
Einnig mætir til leiks góður
hópur þríþrautarmanna, en 1.500
metrar eru einmitt vegalengdin
sem synt er í ólympískri þríþraut.
Keppni hefst klukkan 8.20
á Þorláksmessu og fer fram í
Kópavogslaug.
Garpasund á Þorláksmessu:
Fimmtíu keppa
á tíu brautum
KÓPAVOGSLAUG Keppt hefur verið í
sundi í lauginni á Þorláksmessu í 20 ár.
ALÞINGI Ólafur Þór Gunnarsson,
varaþingmaður VG, kvaddi sér
hljóðs á Alþingi í vikunni til þess
að leiðrétta mismæli sem honum
urðu á í ræðu-
stól Alþingis í
síðustu viku.
Þar sagði hann
að stöður í
menntun heim-
ilislækna hér
á Íslandi væru
ekki að fullu
mannaðar.
„Það er rangt,
stöður mennt-
aðra heimilislækna á Íslandi eru
ekki að fullu mannaðar.“ Ólafur
Þór sagði fulla ástæðu til að halda
þessu mismæli sínu til haga þar
sem mikil umræða færi nú fram
um skort á heimilislæknum hér á
landi og fyrrgreind ummæli hans
urðu meðal annars tilefni frétta
hér í Fréttablaðinu nýverið. - pg
Ólafi Þór urðu á mistök:
Leiðréttir sig
ÓLAFUR ÞÓR
GUNNARSSON
Gengur til liðs við SKÝRR
Gunnar Ingimundarson mun um
næstu áramót láta af störfum sem
framkvæmdastjóri upplýsingatækni-
fyrirtækisins HugarAx. Gunnar mun
ganga til liðs við Skýrr og stýra þar
markaðs- og vörumóttökusviði. Við
starfi Gunnars tekur Jón Helgi Einars-
son, einn af stjórnendum þar. Þetta
var kynnt á starfsmannafundi hjá
HugAx í gærmorgun.
VIÐSKIPTI
KRAFAN SKÝR Mótmæli gegn stríðs-
rekstri Bandaríkjamanna í Írak og
Afganistan fóru fram í gær fyrir framan
Hvíta húsið í Washington. NORDICPHOTO/AFP