Fréttablaðið - 17.12.2010, Blaðsíða 78

54 17. desember 2010 FÖSTUDAGUR
Nýráðinn ritstjóri rússnesku útgáfu tísku-
ritsins Vogue ætlar að hefja ferilinn með
stæl. Forsíðufyrirsæta fyrsta heftis ársins
2011 er Alina Kabajeva en hún er sögð ást-
kona forsætisráðherra Rússlands, Vladi-
mírs Pútín.
Þegar forsíðan á janúarútgáfu rússneska Vogue lak
á netið tóku Rússar andköf þegar þeir sáu hver var
forsíðustúlka tískuritsins. Hin 27 ára gamla Alina
Kabajeva er þekkt fimleikastjarna í Rússlandi en
ein heitasta slúðursaga þar í landi er meint ást-
arsamband hennar og Vladimírs Pútín forsætis-
ráðherra. Einnig er talið að hann sé faðir tveggja
ára gamals sonar hennar.
Alina Kabajeva hefur verið sigursæl í fimleikum
og á tvær medalíur frá Ólympíuleikunum, átján úr
heimsmeistaramótum og 25 úr Evrópukeppnum.
Það sem fyrst kveikti í slúðrinu var þegar Pútín
bað um sérstakan einkafund með dömunni árið
2000 eftir að hún hafði misst fyrsta sætið á
Ólympíuleikunum í Sidney úr höndum sér. Pútín
vildi hughreysta hana.
Nýr ritstjóri Vogue, Viktoría Davídova, ræðst því
ekki á garðinn þar sem hann er lægstur með val sitt
á forsíðufyrirsætu en Pútín er ekki þekktur fyrir
að hafa mikla þolinmæði gagnvart fréttaumfjöllun
sem er ekki honum í hag. Fyrir tveimur árum birti
slúðurblaðið Moskovsky Korrespondent forsíðu-
frétt um að Pútín hygðist skilja við eiginkonu sína
til 27 ára og ganga að eiga fimleikadrottninguna.
Skemmst er frá því að segja að blaðið lagði upp
laupana strax daginn eftir. Það er því mál manna
í Rússlandi að ritsjóri Vogue eigi að stíga varlega
til jarðar og að þessi ákvörðun gæti orðið henni að
falli. Það verður fróðlegt að sjá hvað framtíð rúss-
neska Vogue ber í skauti sér. alfrun@frettabladid.is
Meint ástkona Pútíns verð-
ur forsíðustúlka Vogue
UMDEILD FORSÍÐA Forsíða janúarheftis rússneska Vogue er
óneitanlega glæsileg en það er val blaðsins á forsíðufyrirsætu
sem vekur einna mesta athygli.
Á GÓÐRI STUNDU Vladimír Pútín sést hér heilsa fimleikastjörnunni og meintri ástkonu sinni, Alinu Kabajevu. Forsætisráðherrann
hefur verið kvæntur í 27 ár eða jafnmörg ár og Kabajeva hefur lifað. NORDICPHOTOS/AFP
Nicole Richie bauð fyrr-
verandi bestu vinkonu
sinni, glamúrdrottn-
ingunni Paris Hilton,
ekki í brúðkaup sitt
og Joel Madden á
laugardaginn. „Við
vildum fagna áfang-
anum með fólk-
inu sem við elsk-
um og þykjum vænt
um,“ sagði Richie
í viðtali við erlent
slúðurtímarit.
Stöllurnar kynnt-
ust á leikskóla og
voru óaðskiljan-
legar um langt
skeið. Þær léku
í raunveruleika-
þættinum The Simple Life, þar
sem þær þurftu að segja skilið
við glamúrlífið og flytja inn
til venjulegra fjölskyldna
og vinna við hversdagsleg
störf.
Nicole og Paris greindu
aldrei almennilega frá því
hvað hefði komið upp á
milli þeirra og sögðu að
þær hefðu einfaldlega
hætt að vera vinkonur.
Nicole bauð Paris
ekki í brúðkaupið
EKKI LENGUR BESTU
VINKONUR Nicole
Richie bauð Paris
Hilton ekki í brúðkaup
sitt á laugardaginn.
Leikkonan Denise Richards hefur
farið á nokkur stefnumót með
bassaleikara hljómsveitarinnar
Mötley Crue, Nikki Sixx. Richards
var áður gift vandræðapésanum
Charlie Sheen og á með honum
tvær dætur, Sam og Lolu.
Richards og Sixx hafa búið í
sama hverfi í nokkur ár og þekkj-
ast því ágætlega að sögn heim-
ildarmanna. „Þau hafa þekkst í
nokkurn tíma. Þau eiga margt
sameiginlegt en ætla að taka þessu
með ró og eru ekki að ana út í eitt
eða neitt,“ sagði heimildarmaður í
samtali við tímaritið US Weekly.
Parið sást borða morgunverð
saman á kaffihúsi í Kaliforníu og
virtist fara mjög vel á með þeim.
„Nikki sagði sögur og Denise hló
mikið að því sem hann sagði,“ var
haft eftir sjónarvotti. Richards
virðist laðast að vandræðapés-
um og rokkstjörnum því fyrrver-
andi eiginmaður hennar, Sheen,
hefur lengi glímt við fíkniefna-
vanda og Sixx er fyrrverandi
heróínfíkill og þekktur fyrir ýmis
skammarstrik.
Féll fyrir öðrum
vandræðapésa
ÁSTFANGIN Denise Richards sást snæða
morgunmat með rokkaranum Nikki Sixx
um daginn. NORDICPHOTOS/GETTY
Bíó ★★★★
The Last Exorcism
Leikstjóri: Daniel Stamm
Aðalhlutverk: Patrick Fabian,
Ashley Bell, Louis Herthum, Iris
Bahr, Caleb Landry Jones.
Cotton Marcus er prestur fyrir
peninginn eingöngu. Í gamla daga
var hann einlægur þjónn Drottins
en í dag er hann kaldhæðinn og
efins. The Last Exorcism er „fals-
heimildarmynd“ (mockumentary)
um þennan óvenjulega prest sem
fær bón um að særa illan anda
úr táningsstúlku. Hann tekur
tveggja manna kvikmyndatökulið
með sér sem mun fylgjast með því
hvað raunverulega fer fram þegar
illir andar eru reknir úr fólki.
Það er gaman að geta sagt það
um leikara í hrollvekju að þeir séu
frábærir, því oftast eru þeir það
ekki. Aðalleikarinn Patrick Fabi-
an er sérstaklega góður og ég von-
ast til þess að sjá meira af honum
hið fyrsta. Hin unga Ashley Bell
er einnig fantagóð, og aldrei er
það alveg ljóst hvort stúlkan er
andsetin eða veik á geði. Þessa
óvissu skapar hún virkilega vel.
Leikstjórinn Eli Roth er titlað-
ur meðframleiðandi myndarinn-
ar, en líkt og margir aðrir tengi
ég nafn hans ævinlega við mik-
inn óhugnað og ofbeldi. The Last
Exorcism notar ofbeldið sparlega
og er í raun ekki sú hrollvekja
sem auglýsingaherferð myndar-
innar gefur til kynna heldur nokk-
uð lúmsk háðsádeila á bandaríska
ofsakristni. Andsetnir unglingar
eru nefnilega ekki nærri því jafn
óhuggulegir og sértrúarsöfnuðir,
og kvikmyndin spilar með þann
ótta frekar en að fara offari í
blóðsúthellingum.
Ég var hæstánægður með
myndina og tel hana eina af
betri hrollvekjum ársins. Viljir
þú öskra af hræðslu er The Last
Exorcism samt líklega ekki fyrir
þig. Hræðslumáttur hennar er
annar og öðruvísi.
Haukur Viðar Alfreðsson
Niðurstaða: Flott og öðruvísi mynd
fyrir þá sem nenna.
Prestar og aðrir púkar
Tónlistarmaðurinn
Beck stjórnaði upptök-
um á nýjustu sólóplötu
Thurstons Moore, for-
sprakka rokksveitar-
innar Sonic Youth. Plat-
an nefnist Benediction
og kemur út á vegum
Matador á næsta ári.
Beck syngur einn-
ig og spilar á plötunni
auk þess sem fiðlu- og
hörpuleikarar koma við
sögu.
Meðan á upptökunum
stóð dvöldu Moore og
hljóðfæraleikarar hans
heima hjá Mike D úr
rappsveitinni Beastie
Boys.
Beck og Moore hafa
verið góðir vinir lengi
og unnið saman að
ýmsum verkefnum.
Stutt er síðan Moore
aðstoðaði Beck í útgáfu
hans af lagi Yanni, Live
at the Acropolis.
Tveir góðir saman
BECK Stjórnaði upptökum
á nýjustu sólóplötu
Thurstons Moore.
50%
AFSLÁTTUR„Lipurlega skrifuð spennu-
saga sem nýtir sér höfundar-
verk Tolkiens á snjallan hátt.
Góð persónusköpun og
Íslandi eftir hrunið lýst með
glöggu gestsauga.“
„Glæsilega gert, Michael
Ridpath ... frábært sambland
af morðgátu, goðsögn og
nútímaglæpum.“
ALÞJÓÐLEG
METSÖLUBÓK
TILBOÐSVERÐ
2.850 kr.
*Fyrra verð: 5.690
GILDIR AÐEINS Í DAG
Á meðan birgðir endast
Opið til
22:00
öll kvöld