Fréttablaðið - 17.12.2010, Blaðsíða 90

66 17. desember 2010 FÖSTUDAGUR
SUND Ragnheiður Ragnarsdóttir,
KR, bætti eigið Íslandsmet í 100
metra skriðsundi á HM í sundi í
25 metra laug sem fer nú fram í
Dubai. Hún komst þó ekki í undan-
úrslit í greininni.
Ragnheiður synti á 54,44 sek-
úndum, varð í 21. sæti og var
hálfri sekúndu frá því að kom-
ast í undanúrslitin. Hún bætti
Íslandsmetið sem hún setti á
Íslandsmeistarmótinu í 25 m laug
fyrir rúmum mánuði um 0,21
sekúndu.
Ragnheiður og Hrafnhildur
Lúthersdóttir kepptu svo báðar í
100 m fjórsundi og voru nálægt
því að komast í undanúrslitin.
Hrafnhildur varð í 21. sæti á
1:01,91 mínútu og Ragnheiður í
22. sæti, sjö hundraðshlutum úr
sekúndu á eftir Hrafnhildi. Þær
voru rúma hálfa sekúndu frá sæti
í undanúrslitunum.
Hrafnhildur bætti í gær met
Erlu Daggar Haraldsdóttur í 50 m
bringusundi en met Erlu Daggar
í 100 m fjórsundi stóð í dag. Það
munaði þó litlu en metið er 1:01,77
mínútur. - esá
Ragnheiður og Hrafnhildur í eldlínunni á HM í sundi:
Ragnheiður setti met
RAGNHEIÐUR RAGNARSDÓTTIR Synti vel en komst samt ekki í undanúrslit.
FRÉTTABLAÐIÐ/VALLI
FÓTBOLTI Dregið verður í 16 liða
úrslit Meistaradeildarinnar
klukkan 11.00 í dag og verður
drátturinn í beinni útsendingu á
Vísi. Ekkert lið getur mætt liði úr
sínum eigin riðli eða liði frá sama
landi. Sigurvegarar riðlanna geta
heldur ekki mæst.
Hér fyrir neðan má sjá mögu-
leikana hjá hverju félagi sem
verður í pottinum í dag.
Fyrri leikirnir fara fram
15./16. og 22./23. febrúar og
seinni leikirnir fara fram 8./9. og
15./16. mars. - óój
Meistaradeildin í fótbolta:
Þessi lið geta
dregist saman
MEISTARAR 2010 Inter sló Chelsea út úr
16 liða úrslitunum í vor. FRÉTTABLAÐIÐ/AFP
Möguleikarnir í dag:
Sigurvegarar riðlanna
A-riðill: Tottenham Hotspur FC
Getur mætt: Lyon, Valencia, FC
Kaupmannahöfn, Roma, Marseille, AC
Milan.
Besti árangur: Undanúrslit.
B-riðill: FC Schalke 04
Getur mætt: Inter, Valencia, FC
Kaupmannahöfn, Roma, Marseille, AC
Milan, Arsenal.
Besti árangur: Átta liða úrslit.
C-riðill: Manchester United FC
Getur mætt: Inter, Lyon, FC Kaup-
mannahöfn, Roma, Marseille, AC Milan.
Besti árangur: Meistari þrisvar sinnum.
D-riðill: FC Barcelona
Getur mætt: Inter, Lyon, Roma,
Marseille, AC Milan, Arsenal.
Besti árangur: Meistari þrisvar
sinnum.
E-riðill: FC Bayern München
Getur mætt: Inter, Lyon Valencia, FC
Kaupmannahöfn, Marseille, AC Milan,
Arsenal.
Besti árangur: Meistari fjórum sinnum.
F-riðill: Chelsea FC
Getur mætt: Inter, Lyon, Valencia, FC
Kaupmannahöfn, Roma, AC Milan.
Besti árangur: 2. sæti.
G-riðill: Real Madrid
Getur mætt: Inter, Lyon, FC Kaup-
mannahöfn, Roma, Marseille, Arsenal.
Besti árangur: Meistari níu sinnum.
H-riðill: FC Shakhtar Donetsk
Getur mætt: Inter, Lyon, Valencia, FC
Kaupmannahöfn, Roma, Marseille, AC
Milan.
Besti árangur: Riðlakeppni.
Liðin sem lentu í 2. sæti
A-riðill: FC Internazionale Milan
Getur mætt: Schalke, Man United,
Barcelona, Bayern, Chelsea, Real
Madrid, Shakhtar.
Besti árangur: Meistari þrisvar sinnum.
B-riðill: Olympique Lyon
Getur mætt: Tottenham, Man United,
Barcelona, Bayern, Chelsea, Real
Madrid, Shakhtar.
Besti árangur: Undanúrslit.
C-riðill: Valencia CF
Getur mætt: Tottenham, Schalke,
Bayern, Chelsea, Shakhtar.
Besti árangur: 2. sæti.
D-riðill: FC Kaupmannahöfn
Getur mætt: Tottenham, Schalke, Man
United, Bayern, Chelsea, Real Madrid,
Shakhtar.
Besti árangur: Riðlakeppnin.
E-riðill: AS Roma
Getur mætt: Tottenham, Schalke,
Man United, Barcelona, Chelsea, Real
Madrid, Shakhtar.
Besti árangur: 2. sæti.
F-riðill: Olympique de Marseille
Getur mætt: Tottenham, Schalke,
Man United, Barcelona, Bayern, Real
Madrid, Shakhtar.
Besti árangur: Meistari einu sinni.
G-riðill: AC Milan
Getur mætt: Tottenham, Schalke, Man
United, Barcelona, Bayern, Chelsea,
Shakhtar.
Besti árangur í keppninni: Meistari
sjö sinnum.
H-riðill: Arsenal FC
Getur mætt: Schalke, Barcelona,
Bayern, Real Madrid
Besti árangur í keppninni: 2. sæti.
FÓTBOLTI Mikil spenna verður í loft-
inu í Nyon í Sviss í dag þegar kemur
í ljós hvaða lið mætast í sextán liða
úrslitum Meistaradeildarinnar.
Einn Íslendingur mun sitja sérstak-
lega spenntur fyrir framan skjá-
inn en það er Sölvi Geir Ottesen,
sem hefur ásamt félögum sínum í
danska liðinu FC Kaupmannahöfn
náð besta árangri í sögu danska fót-
boltans með því að komast alla leið
í sextán liða úrslitin.
„Menn hafa alveg sínar skoðan-
ir á því hverjum þeir vilja mæta en
það væri fínt að mæta Schalke eða
Shakhtar Donetsk. Þetta eru allt
saman topplið en mestu möguleik-
arnir fyrir okkur væru á móti þess-
um tveimur liðum. Shakhtar er líka
í fríi eins og við þegar sextán liða
úrslitin eru spiluð,“ segir Sölvi en
hann viðurkennir þó að það væri
ekki leiðinlegt að mæta stórliðum
eins og Manchester United, Chelsea
eða Real Madrid.
Stóðum okkur rosalega vel
á móti Barcelona
„Það væri líka gaman að lenda á
móti þessum stóru liðum og fá tæki-
færi á því að spila á móti þeim bestu.
Við stóðum okkur líka rosalega vel
á móti Barcelona. Við gerðum jafn-
tefli hérna heima á móti þeim og við
hefðum þess vegna getað stolið sigr-
inum úr þeim leik. Það er gríðarlegt
sjálfstraust í liðinu og við höfum trú
á því að við getum gert góða hluti á
móti þessum liðum,“ segir Sölvi en
hann hefði þó sérstaklega gaman af
að slá út eitt lið.
„Mér er eiginlega alveg sama á
móti hvaða liðum við lendum en eins
og ég hef sagt áður væri ég alveg til
í að slá út Manchester United þar
sem ég er Liverpool-aðdáandi,“
segir Sölvi í léttum tón.
Danir eru mjög ánægðir með
árangur síns liðs og áhuginn á því
er mikill þessa dagana. „Það er
gríðarlegur áhugi á liðinu alls stað-
ar í Danmörku. Við erum búnir að
ná besta árangri dansks liðs frá
upphafi, bæði í deildinni og í Meist-
aradeildinni. Liðsandinn og allt
í kringum þetta getur ekki verið
mikið betri. Menn hafa gaman af
þessu, skemmta sér vel á æfingum
og það er mjög létt yfir þeim.“ segir
Sölvi.
Þurfa að spila marga æfingaleiki
Danska deildin verður í vetrarfríi
fram í mars og því þurfa leikmenn
FC Kaupmannahöfn að halda lið-
inu í leikformi fram að leikjunum
í Meistaradeildinni.
„Við munum spila fullt af æfinga-
leikjum og fara í æfingaferðir þar
sem við munum spila á móti hinum
og þessum liðum. Við förum meðal
annars til La Manga þar sem við
spilum á mjög sterku móti. Þar verð-
ur Rosenborg að spila og kannski
einhver rússnesk lið. Liðið hefur
farið í svona æfingaferðir áður og
þarna eru alltaf mjög sterkir móth-
erjar. Það væri betra að vera ennþá
að spila í deildinni en veðrið býður
bara ekki upp á það núna. Það er
ekki hægt að gera þetta einhvern
veginn öðruvísi,“ sagði Sölvi en
mjög snjóþungt hefur verið í Dan-
mörku síðustu vikur.
Þeir vita alveg hvað ég get
Sölvi Geir var fastamaður í danska
liðinu þar til hann varð fyrir því
að handleggsbrotna í leik á móti
Bröndby.
„Höndin er orðin góð en nú kemur
frí og ég held að menn byrji bara
á núlli aftur. Ég ætla að reyna að
grípa tækifærið. Eftir að ég braut
hendina héldu þeir áfram að standa
sig rosalega vel og það var erfitt
fyrir mig að koma aftur inn í liðið.
Það má segja að maður hafi ekki
gripið tækifærið þegar það gafst
en það er bara eins og gengur og
gerist í fótboltanum. Maður verður
bara að vera tilbúinn núna þegar
þetta byrjar aftur,“ segir Sölvi og
bætir við:
„Ég stóð mig mjög vel fram að
handleggsbrotinu þannig að þjálfar-
arnir vita alveg hvað ég get,“ segir
íslenski miðvörðurinn.
Nýorðinn pabbi
Sölvi Geir segist njóta lífsins í Dan-
mörku og ekki spillti fyrir að hann
varð pabbi á dögunum. „Það er einn
nýfæddur hjá okkur og það gengur
allt rosalega vel. Það er bara ein-
tóm gleði hérna í Danmörku,“ segir
Sölvi.
Leikmenn FC Kaupmannahafn-
ar eru eins og áður sagði komnir í
vetrarfrí og verða því ekki saman
þegar dregið verður í dag. „Við
höfum ekki verið að horfa á þetta
saman enda eru menn í fríi út um
allan heim og það yrði því erfitt að
smala þeim saman á morgun. Ég
geri samt fastlega ráð fyrir því að
við fylgjumst allir spenntir með
drættinum, hvar sem við erum,“
segir Sölvi að lokum.
ooj@frettabladid.is
Alveg til í að slá út Man. United
Sölvi Geir Ottesen og félagar í FC Kaupmannahöfn verða í pottinum þegar dregið verður í 16 liða úrslit
Meistaradeildar Evrópu. Sjö lið eru hugsanlegir andstæðingar danska liðsins. Sölvi segir FCK eiga mestu
möguleikana á móti þýska liðinu Schalke og úkraínska liðinu Shakhtar Donetsk.
Á FERÐINNI MEÐ FCK Sölvi Geir Ottesen hefur spilað sex leiki með FC Kaupmannahöfn í Meistaradeildinni á þessu tímabili (með
forkeppninni) og eina markið hans tryggði liðinu sæti í riðlakeppninni. MYND/NORDICPHOTOS/GETTY
Mér er eiginlega alveg
sama á móti hvaða
liðum við lendum en eins og
ég hef sagt áður þá væri ég
alveg til í að slá út Manchest-
er United þar sem ég er
Liverpool-aðdáendi.
SÖLVI GEIR OTTESEN
UM ÓSKAMÓTHERJANN SINN