Fréttablaðið - 22.12.2010, Síða 2

2 22. desember 2010 MIÐVIKUDAGUR
EFNAHAGSMÁL Erfðafjárskýrslum,
til að hægt sé að greiða út arf
fyrir fram, hefur fjölgað mikið
undanfarnar vikur. Erfðafjár-
skattur mun hækka úr fimm
prósentum í tíu um áramótin.
Sýslumanns embættin í Reykja-
vík, Kópavogi, Hafnarfirði og
á Akureyri finna fyrir þessari
aukningu.
„Það er mikil aukning. Skattur-
inn á að hækka um helming um
áramót þess vegna er fólk að gera
þetta núna,“ segir Guðgeir Eyj-
ólfsson, sýslumaður í Kópavogi og
Hafnarfirði. Hann segir að byrj-
að hafi að fjölga í kringum þann
tíma sem hugmyndir um hækk-
un skattanna heyrðust. Engar
tölur eru til um fjölgunina enn
sem komið er, en sem dæmi voru
fimmtán erfðafjárskýrslur lagðar
fram í Kópavogi á mánudag. Það
þykir mjög mikið. Guðgeir segist
reikna með að áfram verði allt á
fullu fram að áramótum. „Það er
æskilegt að fólk komi sem fyrst
með þetta til þess að það takist að
afgreiða allt.“
Sömu sögu er að segja hjá sýslu-
mannsembættinu í Reykjavík. Þar
er mjög mikið um að fólk leggi
fram erfðafjárskýrslur í þessum
tilgangi nú, að sögn Þuríðar Árna-
dóttur skrifstofustjóra. Fyrst og
fremst hafi orðið vart við fjölgun
mála í desember. „Við sjáum fram
á að það verði áfram þessa daga
fram að jólum og svo milli jóla og
nýárs,“ segir hún. Reynt verði að
fara yfir allar skýrslur sem ber-
ist. „Við leggjum okkur öll fram
við það og vonandi tekst það.“
Björn Jósef Arnviðarson, sýslu-
maður á Akureyri, segir það til-
finningu sína að heldur meira hafi
verið um mál af þessu tagi upp á
síðkastið. Að hans sögn er þó allt-
af mikið að gera í erfðafjármál-
um undir lok árs.
Samkvæmt fjárlögum næsta
árs mun erfðafjárskattur hækka
úr fimm prósentum í tíu prósent
um áramótin. Þegar um dánarbú
er að ræða er ein milljón króna
undanþegin skatti nú en sú upp-
hæð hækkar í eina og hálfa millj-
ón við breytingarnar. Áætlað er
í fjárlögum að þessar breyting-
ar muni skila ríkissjóði einum
milljarði króna í viðbótartekjur
á næsta ári.
thorunn@frettabladid.is
Ásókn í greiðslu arfs
fyrir skattahækkun
Sýslumannsembætti segja gerð erfðafjárskýrslna til þess að hægt sé að greiða
út arf fyrirfram hafa færst í aukana undanfarnar vikur. Fjölgunin er rakin til
þess að erfðafjárskattur hækkar úr fimm í tíu prósent um áramótin.
SÝSLUMAÐURINN Í REYKJAVÍK Yfirleitt er það svo að mest er að gera í þessum
málum rétt fyrir áramót en sýslumannsembættin sem Fréttablaðið ræddi við töldu
mun meira að gera í ár en áður. FRÉTTABLAÐIÐ/STEFÁN
LÖGREGLUMÁL „Þetta var mjög óhugnanleg lífs-
reynsla,“ segir leigubílstjóri sem Fréttablaðið ræddi
við í gær. Hann varð fyrir því í fyrrinótt að farþegi
ógnaði honum með sprautunál og rændi síðan. Bíl-
stjórinn vill ekki koma fram undir nafni, þar sem
það gæti valdið honum frekari óþægindum.
Leigubílstjórinn skýrir svo frá að það hafi verið
upp úr miðnætti í fyrrakvöld sem hann var með bíl-
inn kyrrstæðan í nágrenni við 10-11 verslunina við
Dalveg.
„Ég sé að maður kemur labbandi og spyr mig
hvort bíllinn sé laus. Ég jánkaði því og hann settist
inn. Þegar ég sá framan í hann hugsaði ég með mér:
„Hvað er ég búinn að taka upp í?“ því ég sá strax að
hann var dópaður og ruglaður.“
Maðurinn sagðist hafa verið að vinna í næsta húsi
og þyrfti að komast í Trönuhjalla. Leigubílstjórinn
gerði sem hann var beðinn um.
„Þegar við vorum komnir á áfangastað spurði hann
mig hvort ég gæti skipt fimm þúsund kalli. Ég teygði
mig í veskið sem var í hurðinni og þá notaði hann
tækifærið, teygði sig í bíllykilinn og drap á bílnum.
Ég sá þá að hann hélt á notaðri, ógeðslegri sprautu
með nál í hendinni alveg við hliðina á mér.“
Maðurinn heimtaði peninga af leigubílstjóranum.
Eitthvað hafði hann upp úr krafsinu, stökk út úr bíln-
um, fleygði lyklunum frá sér og hvarf út í myrkrið.
„Ég hringdi þegar í lögreglu, sem mætti á staðinn
með það sama,“ segir bílstjórinn. „Mitt næsta verk
verður að fá mér myndavél í bílinn.“
Ræninginn var ófundinn síðdegis í gær, en lög-
regla leitaði hans. - jss
LEIGUBÍLAR Leigubílstjórinn sem Fréttablaðið ræddi við segir
99 prósent farþega í góðu lagi.
Ræningi ógnaði leigubílstjóra með sprautunál og hafði af honum peninga:
Þetta var óhugnanleg lífsreynsla
Skatturinn á að
hækka um helming
um áramót þess vegna er
fólk að gera þetta núna.
GUÐGEIR EYJÓLFSSON
SÝSLUMAÐUR
DÝRAVERND Kisurnar níu sem fundust í kart-
öflupoka í Heiðmörk á fimmtudaginn eru nú
allar í umsjón dýravinanna í Kattholti. Dýrin
voru svo illa haldin eftir meðferð fyrri eig-
anda að þau eru enn þá hvekkt og bregðast
illa við þegar reynt er að láta vel að þeim.
„Tvær eru þó byrjaðar að mala hjá mér,“
segir Elín G. Folha, starfsmaður í Kattholti,
og segir það gott batamerki.
Fréttablaðið greindi frá því á laugardaginn
að maður sem var á gangi með hundinn sinn
í Heiðmörk gekk fram á poka sem í reyndust
vera níu kettir. Þeir voru frá þriggja mánaða
til eins árs gamlir. Hann ætlaði sér að reyna
að finna eigendur fyrir fjóra af þessum níu
en það bar ekki árangur. Hann kom köttun-
um þess vegna til starfsfólksins í Kattholti í
gær.
„Núna eru þeir allir hérna vesalingarnir
litlu,“ segir Elín. Hún segir engar tilraunir
hafa verið gerðar til að finna þeim ný heim-
ili þar sem þeir séu ekki tilbúnir undir slík
vistaskipti. Elín vill halda þeim í Kattholti
fyrst um sinn en veit ekki hversu lengi. Það
gætu þó verið mánuðir þangað til úr rætist.
Í Kattholti eru þessa dagana um hundrað
heimilislausir kettir en þeir hafa flestir verið
á milli 150 og 200. „Þeir eldri dvelja oft lengi
hérna hjá okkur því það eru kettlingarnir
sem fólk vill,“ segir Elín. Hún segir að það
algjöra þrautalendingu að láta svæfa dýrin,
en stundum verði það ekki umflúið. - shá
Um 100 heimilislausir kettir gista í Kattholti og bíða nýrra eigenda:
Kartöflupokakisurnar eru ennþá í Kattholti
Í GÓÐUM HÖNDUM Tvær af kisunum eru byrjaðar að
mala, sem er gott batamerki. FRÉTTABLAÐIÐ/ANTON
DÓMSMÁL Fjórir karlmenn á þrí-
tugsaldri hafa verið dæmdir í
Héraðsdómi Reykjaness fyrir
að ræna manni af heimili hans í
Hafnarfirði í júlí 2008, misþyrma
honum og skilja hann eftir í Heið-
mörk.
Mennirnir bönkuðu þá upp á hjá
fórnarlambinu og byrjuðu strax
að misþyrma honum. Þeir þving-
uðu hann inn í bifreið þar sem
þeir héldu áfram að berja hann
og óku með hann í Heiðmörk. Þar
skildu þeir manninn lemstrað-
an eftir. Mennirnir fjórir hlutu
dóma frá þremur mánuðum upp
í fimmtán mánaða fangelsi. Þrír
dómarnir voru að hluta á skilorði,
en sá fjórði skilorðsbundinn. - jss
Heiðmerkurdólgar dæmdir:
Börðu mann
og stungu af
BRETLAND, AP Siim Kallas, sam-
göngustjóri Evrópusambands-
ins, gagnrýnir rekstur flugvalla
í Bretlandi og víðar fyrir að hafa
ekki nægan viðbúnað þegar snjóar
mikið, eins og gerst hefur í Evr-
ópulöndum undanfarna daga.
Farþegar eru margir hverjir
furðu lostnir yfir töfum sem orðið
hafa á flugi.
David Cameron, forsætisráð-
herra Bretlands, tekur undir
gagnrýnina og bauð fram aðstoð
breska hersins við að ryðja snjó af
Heathrow-flugvellinum í London.
- gb
ESB gagnrýnir flugvelli:
Vanbúnir þegar
snjóar mikið
Á HEATHROW Erfiðlega gekk að koma
flugvélum í loftið. NORDICPHOTOS/AFP
SAMGÖNGUR Vinir Þórsmerkur
hafa að undanförnu skoðað þá
hugmynd að byggð verði göngu-
brú yfir Markarfljót, að því er
segir í erindi hópsins til sveitar-
stjórnar Rangárþings eystra.
„Um er að ræða um það bil
140 metra brú yfir Markarfljót
milli Húsadals og Fljótshlíðar.
Áætlað er að þessi framkvæmd
verði unnin í nokkrum þrepum á
næstu þremur árum,“ segja Vinir
Þórsmerkur sem hafa óskað eftir
fjármagni frá Alþingi og aðstoð
frá Ferðamálastofu vegna brúar-
byggingarinnar. - gar
Framkvæmdir í Þórsmörk:
140 metra brú
yfir Markarfljót
HÚSADALUR Í ÞÓRSMÖRK Áhugamenn
vilja göngubrú úr Fljótshlíð í Húsadal.
LÖGREGLUMÁL Ökumaður á tvítugs-
aldri sem lenti í umferðaróhappi
skammt sunnan við Blönduós í
fyrrakvöld reyndist vera með 300
grömm af kannabisefnum falin í
bíl sínum.
Ýmislegt í fari ökumanns hafði
vakið grunsemdir lögreglunnar.
Var hann færður á lögreglustöð-
ina á Blönduósi þar sem hann gaf
sýni sem sýndi að hann hafði ekið
undir áhrifum fíkniefna. Hann
sagðist þó ekki hafa nein slík með-
ferðis. Fíkniefnahundurinn Freyja
var þá látin kanna bílinn og fann
hún fíkniefnin falin í innréttingu
hans. Þau voru ætluð til sölu á
Akureyrarsvæðinu. - jss
Fíkniefnahundur skilaði sínu:
Freyja fann
kannabisefni
Eiríkur, á ekki bara að fá gaur-
inn í bandið?
„Nei. Strákurinn hefur talent, en ég
held að hann myndi bara skyggja of
mikið á okkur.“
Gossip Girl-stirnið Ed Westwick tók lagið
með trúbadornum Eiríki Hafdal og bróður
hans Magnúsi á English Pub um helgina.
SPURNING DAGSINS
Gleðileg jól!