Sameiningin - 01.04.1960, Page 29

Sameiningin
27
Forsvarsmenn Araba voru fljótir til svars:
1) Engin þjóð getur gert kröfu til landsins, sem hún
byggir, nema vegna langrar búsetu á umræddu svæði. Þeir
gera samanburð, sem má orða á þessa leið: Hvaða réttindi
bafa Kanadamenn, Ameríkumenn eða íslendingar til að
kalla löndin, sem þeir byggja, „sitt land“, nema vegna þess
að þeir hafa dvalizt í þessum löndum í nokkur hundruð ár?
Allstórir hópar Gyðingar hafa ávallt átt heima í Palestínu.
Þeir hafa aldrei verið ofsóttir þar, en hafa búið í sátt og
samlyndi við meiri hluta íbúanna og notið sömu borgara-
legra réttinda eins og þeir. Hliðstæð dæmi eru Indíánarnir
í Ameríku og Eskimóarnir í Kanada. Með hvaða rétti er
hægt að heimta það, að meiri hlutinn víkji fyrir minni
hlutanum? Hversu lengi þarf þjóðflokkur að dvelja í landi
til þess að geta kallað það móðurmold sína og fósturjörð
á þjóðréttarlegum grundvelli? Mundu ekki tvö þúsund ár,
þótt ekki sé lengra farið aftur í tímann, nægja til þess að
tryggj a löglegan eignarrétt á landinu?
2) Palestína hefir nákvæmlega sömu trúarbragðalega
og andlega þýðingu fyrir kristna menn og Múhameðstrúar-
menn eins og fyrir Gyðinga. Kristnir menn og Múhameðs-
trúarmenn geta með sömu réttindum gert sams konar kröfur
og Gyðingar í þessu efni. Palestína er „landið helga“ frá
sjónarmiði trúarbragðanna fyrir alla eingyðistrúarmenn.
Fyrirheit það, sem Gyðingum var gefið, samkvæmt trúar-
bók þeirra, um endanlega „heimkomu úr herleiðingunni“,
var uppfyllt, er þeir komu til Palestínu eftir herleiðinguna
í Babylon. Þá settust þeir að í Judeu, reistu borgarmúra
Jerúsalem, endurbyggðu musterið. Síðar voru þeir sjálf-
stæðir um hríð á dögum Makkabeanna. Spádómarnir og
fyrirheitin um endurkomuna hafa þannig verið uppfylltir.
Það fyrirfinnast engir spádómar eða fyrirheit um endur-
komu í annað sinn. Kröfur Gyðinga um ríkisréttindi í Pal-
estínu, sem byggja skal á sáttmálum og fyrirheitum liðinna
alda, eru því að engu hafandi.
3) Það er naumast hægt að halda því fram í alvöru, að
Gyðingar séu „landlaus" þjóð. Hvernig er hægt að stað-