Fréttablaðið - 26.05.2011, Page 62

26. maí 2011 FIMMTUDAGUR42
sport@frettabladid.is
EYJÓLFUR HÉÐINSSON skoraði síðara mark SönderjyskE sem vann 2-1 sigur á Álaborg í dönsku
úrvalsdeildinni í gær. Eyjólfur spilaði allan leikinn, rétt eins og Ólafur Ingi Skúlason, liðsfélagi hans.
SönderjyskE er í sjötta sæti deildarinnar fyrir lokaumferð deildarinnar um helgina.
TRYGGÐU ÞÉR MIÐA STRAX
AUKASÝNINGAR
„Þessi leiksýning hefur allt
sem þarf til að skapa vel heppnað
og eftirminnilegt leikverk.“
I.Þ., Mbl.
„Þetta var geggjuð flott sýning,
eins og gelgjan sagði.
Og hvað viljið þið meira?“
B.S., pressan.is „Critics choice“
Time Out, London
Miðasala | 568 8000 | borgarleikhus.is
FÓTBOLTI Lítið var um óvænt úrslit
í þeim leikjum sem fóru fram í
32-liða úrslitum Valitor-bikar-
keppninnar í gær. Af úrvals-
deildarfélögunum lentu Valsmenn
í mesta baslinu en þeir þurftu
framlengingu til að bera sigur úr
býtum gegn 1. deildarliði Víkings
frá Ólafsvík.
Staðan var 1-1 að jöfnum venju-
legum leiktíma en Haukur Páll
Sigurðsson tryggði Val svo sigur
þegar fimm mínútur voru til loka
framlengingarinnar.
32-liða úrslitunum lýkur í kvöld
með fimm leikjum en úrslit gær-
kvöldsins má sjá ofar á síðunni.
Grindvíkingar gerðu góða ferð
norður til Akureyrar þar sem liðið
vann 2-1 sigur á KA. Þeir geta þó
sjálfum sér um kennt fyrir að gera
leikinn spennandi. Michal Pospi-
sil skoraði bæði mörk gestanna
í Boganum á Akureyri en Hall-
grímur Mar Steingrímsson minnk-
aði muninn. Grindvíkingar fengu
urmul færa til að klára leikinn en
KA barðist allt til loka, án þess að
ná að jafna.
„Við skutum sjálfa okkur í fót-
inn með því að gefa þeim mark og
ákveðna spennu undir lokin. Við
fengum fullt af færum, dauðafæri,
og áttum að klára þetta miklu fyrr.
Við vorum sjálfum okkur verstir
en þetta var bæting frá síðustu
leikjum. Bikarinn snýst bara um
eitt og það er að vinna,“ sagði Ólaf-
ur Örn Bjarnason, spilandi þjálfari
Grindavíkur.
Haukur Heiðar Hauksson, fyrir-
liði KA, var ekki upplitsdjarfur í
leikslok. „Þeir voru sterkir í byrj-
un og við vorum lengi að vakna.
Þeir voru hættulegir en við hefð-
um líka getað skorað. Mér hefði
fundist sanngjarnt hefðum við
komist í framlengingu en líklega
vantaði ákveðið bit í sóknina,“
sagði fyrirliðinn. - esá, - hþh
Valur í basli en Grindavík vann KA á Akureyri:
Fátt um óvænt úrslit
HETJAN Haukur Páll Sigurðsson tryggði Val sæti í 16-liða úrslitunum með marki í lok
framlengingarinnar gegn Víkingi frá Ólafsvík í gær. FRÉTTABLAÐIÐ/DANÍEL
FÓTBOLTI KR-ingum hefur gengið
illa að landa sigrum á „teppinu“ í
Garðabæ en þeir voru öflugir þar
í gær og unnu sanngjarnan sigur.
Þessi lið mættust um síðustu
helgi á sama stað og þá fóru leik-
ar 1-1. Bæði lið hafa verið að spila
skemmtilegan fótbolta í sumar og
því var búist við fjörugum leik.
Það reyndist líka vera raunin því
fyrri hálfleikur var bráðfjörugur.
KR-ingar óðu hreinlega í færum í
hálfleiknum en virtist fyrirmunað
að skora.
Það var ekki fyrr en á lokamín-
útu hálfleiksins sem Viktor Bjarki
náði að stanga inn sendingu Ósk-
ars Arnar. Stjarnan átti sín færi en
oftar en ekki vantaði herslumun-
inn á sóknarlotur þeirra. Umdeilt
atvik átti sér stað eftir um 22 mín-
útna leik er Daníel Laxdal slapp
í gegn. Baldur Sigurðsson hékk í
honum og kom honum úr jafnvægi.
Ekkert var dæmt en hefði verið
dæmt hefði Baldur fokið af velli.
„Ég sá þetta mjög vel. Baldur
kemur oft við axlirnar á honum
og Daníel er klárlega ekki í jafn-
vægi er hann tekur skotið. Þarna
átti að vera aukaspyrna og rautt
spjald. Það hefði kannski breytt
leiknum,“ sagði Bjarni Jóhanns-
son, þjálfari Stjörnunnar.
Þrátt fyrir þetta umdeilda atvik
var KR alltaf sterkari aðilinn á
öllum svæðum vallarins og hefði
að ósekju átt að skora meira. Tvö
mörk komu í síðari hálfleik hjá
KR-ingum á meðan Stjörnumenn
voru óvenju orkulitlir og ekki
líkir sjálfum sér. Auðvitað vant-
aði sterka menn í þeirra lið og það
augljóslega háði liðinu mikið sem
segir að breiddin sé ekkert allt of
mikil hjá Stjörnunni.
Hjá KR var Viktor Bjarki magn-
aður en hann leikur við hvurn sinn
fingur þessa dagana. Dofri var
afar sprækur í bakverðinum, varn-
arlínan afar sterk og miðjan í topp-
formi með Bjarna öflugan. Guðjón
var síðan síógnandi frammi þó
svo að honum hafi verið mislagðir
fætur fyrir framan markið.
„Þetta var auðvelt þegar leið
á leikinn. Það var hætta í byrjun
enda þeir sterkir í föstum leik-
atriðum. Fyrsta markið braut ísinn
hjá okkur og þegar við komumst
í 2-0 var þetta aldrei spurning,“
sagði Rúnar Kristinsson, þjálfari
KR, en sigurinn var kærkominn.
„Vonandi erum við að snúa geng-
inu á teppinu okkur í hag en það er
erfitt að spila hérna. Það var ekk-
ert verra að spila hér um daginn
og koma svo strax aftur.“
Bjarni hefði viljað sjá sína menn
grimmari og viðurkenndi að liðið
hefði saknað lykilmanna illilega.
„Eftir að við fengum á okkur
fyrsta markið var á brattann að
sækja. Það munaði um máttar-
stólpana okkar og svo missum við
Jesper út af þar sem hann stífn-
ar upp. Það vantaði samt græðgi í
okkur í teignum. Þegar við nýttum
það ekki slokknaði smám sama á
okkur.“ henry@frettabladid.is
KR númeri of stórt fyrir Stjörnuna
KR er komið í sextán liða úrslit Valitor-bikarsins eftir öruggan 0-3 sigur á Stjörnunni í Garðabæ. Viktor
Bjarki heldur áfram að fara á kostum með KR en Stjörnumenn söknuðu lykilmanna í leiknum í gær.
SIGRINUM FAGNAÐ Bjarni Guðjónsson, fyrirliði KR, leiðir sína menn í fögnuðinum á
Stjörnuvelli í gær. FRÉTTABLAÐIÐ/DANÍEL
Valitor-bikarkeppni karla
32-LIÐA ÚRSLIT
Valur - Víkingur Ó. 2-1
1-0 Jón Vilhelm Ákason (12.), 1-1 Brynjar Krist-
mundsson (43.), 2-1 Haukur Páll Sigurðsson
(115.).
Framlengt, staðan eftir venjulegan leiktíma var
1-1.
Stjarnan - KR 0-3
0-1 Viktor Bjarki Arnarsson (45.), 0-2 Dofri
Snorrason (65.), 0-3 Viktor Bjarki Arnarsson (71.),
Berserkir - Fram 1-3
Kristján Andrésson – Guðmundur Magnússon 2,
Tómas Leifsson.
ÍR - Þróttur R. 1-2
Karl Brynjar Björnsson – Sveinbjörn Jónasson 2.
Framlengt, staðan eftir venjulegan leiktíma var
1-1.
Fjölnir - Selfoss 1-0
Viðar Guðjónsson
KA - Grindavík 1-2
0-1 Michal Pospisil (13.), 0-2 Michal Pospisil
(62.), 1-2 Hallgrímur Mar Steingrímsson (76.).
Haukar - KF 2-0
Grétar Atli Grétarsson, Hilmar Emilsson.
Njarðvík - HK 0-1
Orri Sigurður Ómarsson.
BÍ/Bolungarvík - Reynir S. 5-1
Kevin Brown 2, Birkir Sverriss., Jónmundur Grét-
arsson, Colin Marshall – Þorsteinn Þorsteinsson.
Kjalnesingar - ÍBV 0-3
Þórarinn Ingi Valdimarsson, Yngvi Borgþórsson
(víti), Ian Jeffs.
Upplýsingar að hluta frá Fótbolta.net.
LEIKIR KVÖLDSINS
Höttur - Keflavík Fellavöllur, kl. 17.30
Breiðablik - Völsungur Kópavogsv., kl. 19.15
KV - Víkingur KR-völlur, kl. 19.15
Þór - Leiknir F. Boginn, kl. 19.15
FH - Fylkir Kaplakrikavöllur, kl. 20.00
Hamar er einnig komið áfram í 16-liða
úrslitin en dregið verður á morgun.
ÚRSLIT