Fréttablaðið - 25.06.2011, Page 6
25. júní 2011 LAUGARDAGUR6
Sveitarfélagið Árborg auglýsir
stöðu leikskólastjóra
Sveitarfélagið Árborg hefur sameinað leikskólana Brimver á Eyrar-
bakka og Æskukot á Stokkseyri og auglýsir eftir leikskólastjóra til
starfa við hinn sameinaðan leikskóla.
Brimver og Æskukot starfa eftir hugmyndafræði heilsustefnunnar.
Helstu verkefni og ábyrgðarsvið:
• Stjórnar og ber ábyrgð á daglegum rekstri, starfi og
fjármálum leikskólans
• Stjórnar og ber ábyrgð á starfsmannamálum
• Ber ábyrgð á að leikskólastarfið sé í samræmi við lög,
reglugerðir, aðalnámskrá leikskóla, stefnu sveitarfélagsins,
skólanámskrá og önnur gildandi fyrirmæli
Menntunar- og hæfniskröfur:
• Leikskólakennaramenntun
• Viðbótarmenntun í stjórnun eða reynsla af stjórnun
leikskóla
• Sjálfstæði í starfi, frumkvæði og skipulagshæfni
• Hæfni í mannlegum samskiptum og þjónustulund
Laun eru samkvæmt kjarasamningi Sambands íslenskra sveitar-
félaga og Kennarasambands Íslands vegna Félags stjórnenda
leikskóla.
Umsóknir með upplýsingum um menntun, starfsreynslu og um-
sagnaraðila berist Ástu Stefánsdóttur, framkvæmdastjóra Sveit-
arfélagsins Árborgar, á netfangið asta@arborg.is eigi síðar en 9.
júlí 2011. Æskilegt er að viðkomandi geti hafið störf sem fyrst.
Verkefnisstjóri heimaþjónustu
Félagsþjónusta Akraneskaupstaðar hefur með höndum heima-
þjónustu. Markmið þjónustunnar er að veita einstaklingum sem
þess þarfnast stuðning við heimilishald og daglegt líf.
Meginhlutverk verkefnisstjóra heimaþjónustu
• Stýra og bera ábyrgð á daglegri starfsemi, fjármálum
og rekstri
• Veita málaflokknum faglega forystu
• Bera ábyrgð á stefnumörkun og þróun heimaþjónustu
Menntunar- og hæfniskröfur
• Menntun sem nýtist í starfi
• Framhaldsmenntun t.d. á sviði stjórnunar
• Reynsla af stjórnun og rekstri
• Frumkvæði, skipulagshæfileikar og sjálfstæði í vinnubrögðum
• Fjölbreytt starfsreynsla er kostur
• Hæfni til að veita faglega forystu og frumkvæði
• Færni í mannlegum samskiptum
Æskilegt er að viðkomandi geti hafið störf sem fyrst.
Umsóknarfrestur er til 10. júlí. Nánari upplýsingar um starfið
veitir Inga Ósk Jónsdóttir, starfsmannastjóri í síma 433 1000,
netfang inga.osk.jonsdottir@akranes.is. Umsóknir skulu berast
bæjarskrifstofu, Stillholti 16-18, 300 Akranesi.
Kemur hækkandi fasteignamat
þér til góða?
Já 13,7%
Nei 86,3%
SPURNING DAGSINS Í DAG:
Er jákvætt að færa veitingu
smástyrkja frá alþingis-
mönnum?
Segðu skoðun þína á visir.is
STJÓRNLAGARÁÐ Forsetinn mætti
ekki synja staðfestingar fjárlögum,
skattalögum og lögum sem sett eru
til að framfylgja þjóðréttarskuld-
bindingum, samkvæmt annarri af
tveimur tillögum Stjórnlagaráðs
um málskotsrétt forsetans. B-
nefnd ráðsins lagði meðal annars
fram tvær tillögur um málskots-
réttinn á fundi ráðsins í gær.
Samkvæmt fyrri tillögunni held-
ur 26. grein stjórnarskrárinnar,
sú sem kveður á um málskotsrétt-
inn, að mestu gildi sínu. Forsetinn
heldur sjálfstæðum málskotsrétti
en ekki í öllum málum. Þannig er
gert ráð fyrir því að heimild til
synjunar á staðfestingu laga eigi
ekki við um „fjárlög, fjáraukalög
og lög um skattamálefni, lög um
ríkisborgararétt og lög sem sett
eru til að framfylgja þjóðréttar-
skuldbindingum“.
Í tillögunni fær forsetinn viku
frest frá því að hann fær frum-
varp í hendurnar til þess að ákveða
hvort hann hyggst synja lögum eða
staðfesta þau. Ákvörðun sína á for-
setinn að tilkynna forseta Alþingis
með rökstuðningi. Þótt hann stað-
festi þau ekki verða þau að lögum
en setja þarf þau í þjóðaratkvæða-
greiðslu innan þriggja mánaða.
Hin tillagan gerir ráð fyrir því
að í stað þess að forseti geti vísað
lögum í þjóðaratkvæðagreiðslu
geti hann innan viku frá mót-
töku ákveðið að senda þau á ný til
Alþingis, með rökstuddu áliti sínu.
Á Alþingi verði lögin afgreidd á ný
við eina umræðu. Ef þingið stað-
festir lögin á ný fá þau gildi án
staðfestingar forsetans.
Fulltrúar í Stjórnlagaráði höfðu
skiptar skoðanir á tillögunum við
umfjöllun í gær. Dögg Harðar-
dóttir stakk til að mynda upp á því
að báðir valkostirnir yrðu sam-
einaðir þannig að ef forseti neit-
aði að skrifa undir lög færu þau
til þingsins, sem gæti breytt þeim
og sent aftur til forseta. Ef þingið
vildi ekki breyta þeim færu lögin í
þjóðaratkvæðagreiðslu.
Allar þrjár nefndir Stjórnlaga-
ráðs lögðu fram tillögur í áfanga-
skjal um breytingar á stjórnar-
skránni á fundinum í gær, ýmist
til kynningar eða afgreiðslu.
thorunn@frettabladid.is
Má ekki neita að stað-
festa lög um fjármál
Önnur tillaga B-nefndar Stjórnlagaráðs gerir ráð fyrir því að forsetinn geti ekki
synjað lögum um fjármál og vegna þjóðréttarskuldbindinga staðfestingar. Hin
tillagan gerir ráð fyrir að hann geti aðeins vísað lögum aftur til þingsins.
AF FUNDI Stjórnlagaráð ræddi tillögur fyrir áfangaskjal um breytingar á stjórnarskránni á löngum fundi sínum í gær. FRÉTTABLAÐIÐ/GVA
STJÓRNMÁL Breytingar á úthlutun
styrkja frá Alþingi til samtaka,
félaga og einstaklinga eru enn eitt
höggið sem landsbyggðin þarf að
taka á sig. Þetta segir Höskuldur
Þórhallsson, þingmaður Fram-
sóknarflokksins og fulltrúi í fjár-
laganefnd. Hann hafnar því jafn-
framt að styrkirnir, sem heita
safnliðir á fjárlögum, hafi verið
kjördæmapot.
Fréttablaðið greindi frá því á
fimmtudag að frá og með næsta
ári myndi Alþingi hætta að úthluta
þessum styrkjum. Styrkirnir hafa
verið gagnrýndir sem kjördæma-
pot og fyrir-
greiðslufyrir-
komulag.
„Þetta hefur
ekki verið kjör-
dæmapot heldur
tæki lýðræðis-
lega kjörinna
fulltrúa til að
auka menning-
arstarfsemi á
landsbyggðinni,
fyrst og fremst,“ segir Höskuldur.
Hann segir að mörg lítil verkefni á
landsbyggðinni hefðu aldrei orðið
að veruleika með öðrum hætti.
Hann telur það skref í ranga
átt að færa ákvörðunarvald um
þessa styrki frá Alþingi til ráðu-
neyta. Þannig sé verið að flytja
enn meira vald til embættismanna
í stað kjörinna fulltrúa. Embættis-
mannakerfið sé allt staðsett í
Reykjavík „og hefur hingað til
ekki sýnt landsbyggðinni neinn
skilning. Landsbyggðin heyr gríð-
arlega varnarbaráttu með þessa
ríkisstjórn við stjórnvölinn. Þetta
er enn eitt höggið sem landsbyggð-
in þarf að taka á sig á móti höfuð-
borgarsvæðinu“.
- þeb
Embættismenn í Reykjavík sýna landsbyggðinni ekki skilning:
Styrkir eru ekki kjördæmapot
HÖSKULDUR
ÞÓRHALLSSON
SÝRLAND, AP Að minnsta kosti tólf
manns létu lífið í Sýrlandi í gær
þegar her og lögregla gripu til
vopna og skutu á fólk, sem kom
saman til að krefjast afsagnar
Bashir Assads forseta.
Mótmælin hafa staðið linnu-
lítið mánuðum saman þrátt fyrir
harkaleg viðbrögð Assads og
stjórnarhersins.
Að venju hélt fólk út á götur
víðs vegar um land að loknum
föstudagsbænum. Meðal hinna
látnu voru að minnsta kosti tvö
börn. - gb
Óeirðir í Sýrlandi:
Herinn skaut á
mótmælendur
SJÁVARÚTVEGSMÁL „Við erum með
hagkvæmt fiskveiðistjórnunar-
kerfi sem horft er til. Það er sjálf-
bært og ekki ríkisrekið. Ef breyta
á kerfinu þarf það að verða jafn
hagkvæmt,“ segir Haraldur Ingi
Birgisson, aðstoðarframkvæmda-
stjóri Viðskiptaráðs Íslands.
Viðskiptaráð birti Skoðun í vik-
unni þar sem fram kemur að sýnt
hafi verið fram á kosti núverandi
kvótakerfis og það séu hagsmunir
allra að viðhalda verðmætasköpun
í greininni.
Fallist er á niðurstöður nýlegr-
ar greinargerðar starfshóps sex
hagfræðinga sem skipaður var
af sjávarútvegs- og landbúnaðar-
ráðherra. Niðurstaða hópsins er í
flestu þvert á þær breytingar sem
stjórnvöld hafa lagt til að gerðar
verði á kvótakerfinu.
Viðskiptaráð segir fyrirætl-
anir um byltingu á kvótakerfinu
ábyrgðarlausar, sérstaklega þegar
ekki liggi fyrir að eftir breyting-
ar verði fiskveiðistjórnunarkerfið
í það minnsta jafn hagkvæmt og
áður.
„Sú hugmynd að beita eigi mik-
ilvægustu atvinnugrein Íslands
til að ná fram óljósum pólitískum
markmiðum er í besta falli var-
hugaverð,“ segir að lokum í Skoð-
un Viðskiptaráðs. - jab
Óljós pólitísk markmið og kvótakerfið eiga enga samleið, að mati Viðskiptaráðs:
Kvótakerfið er fyrirmynd víða
TROLL DREGIÐ Á DEKK Varhugavert er
að beita sjávarútveginum til að ná fram
óljósum pólitískum markmiðum, að
mati Viðskiptaráðs.
KJÖRKASSINN