Fréttablaðið - 25.06.2011, Qupperneq 16

16 25. júní 2011 LAUGARDAGUR
Kirkjan í óvissuferð
Ég fæ ekki lengur orða bund-ist vegna þess hve aumkun-
arlega og ókirkjulega yfirstjórn
íslensku kirkjunnar hefur tekið
á því máli er varðar afleiðingar
kynferðisafbrota sr. Ólafs bisk-
ups Skúlasonar og eftirrekstur
þess allan. Yfirstjórn kirkjunn-
ar hefur með framgöngu sinni
skapað sundrungu um hlutverk
og eðli kirkjunnar sem ég sætti
mig ekki við.
Frá barnsaldri hef ég lært af
tveimur prestum í fjölskyldu
minni, föður mínum prestvígð-
um, sr. Jóni Hnefli Aðalsteins-
syni og þá ekki síður afa mínum,
þeim velþekkta kennimanni sr.
Jakobi Jónssyni, að kirkjan væri
stofnun er stæði vörð um kær-
leiksboðskap Krists og staðfesti
hann í athöfnum sínum, orðum
og gerðum – messuhaldi, skírn,
fermingu, giftingum og jarðar-
förum. Og þess í milli í sáluhjálp
til safnaðarins og svo einfaldlega
í því að vera til sem afl kærleik-
ans í samfélaginu.
Þessir mætu þjónar kirkjunnar
kenndu mér að þetta kirkjunnar
starf væri aldrei sjálfgefið held-
ur stöðug barátta, sem snerist
um það að ávallt lyfta á hæsta
stall þeim gildum sem Kristur
kenndi – jöfnuði milli manna,
fyrirvaralausum kærleika til
náungans, samúð með smælingj-
anum.
Nú ber aftur á móti svo við að
biskupinn yfir Íslandi, sr. Karl
Sigurbjörnsson, talar um að
kirkjan hafi í sinni löngu sögu
ekki „haft farveg“ áður til að
taka á málum eins og því sem
varðar kynferðisafbrot forvera
hans í embætti og sem hefur
orðið tilefni heillar rannsóknar-
skýrslu. Þessu til staðfestingar
kveðst sr. Karl hafa án árangurs
reynt að koma á sáttum milli sr.
Ólafs og þeirra kvenna sem hann
kom ósæmilega fram við.
Ég skil þetta ekki. Ég fæ hrein-
lega ekki skilið hvernig hægt er
yfir höfuð að hugsa um sættir
milli kynferðisafbrotamanns og
fórnarlamba hans. Hefði Kristur
kallað á „sáttafund“ í slíku máli?
Mér er það til efs – sum mál eru
þess eðlis að sættir, ætlaðar að
vernda stöðu annars málsaðila,
eru beinlínis óviðeigandi. Þarf
einhvern „farveg“ til að skilja
það?
Kristur hefði sett fórnarlömb-
in í fókus og verið nokkuð rösk-
ur að. Samkvæmt þeim sem mér
kenndu hefði Kristur með orðum
sínum og æði tekið sér stöðu við
hlið kvennanna og aldrei komið
sér í þau ámátlegu vandræði að
þurfa að biðja þær fyrirgefning-
ar. Hvernig biður maður fórn-
arlamb kynferðisofbeldis fyrir-
gefningar?
Hefði Kristur sagst „skilja
vonbrigði kvennanna“ og síðan
haldið áfram að sýsla við sitt
með lærisveinunum í yfirstjórn
safnaðarins? Ég held ekki. Ég hef
ekki lært það þannig. Ég trúi því
ekki.
Sr. Karl Sigurbjörnsson bisk-
up er auðvitað ekki einhver ein-
staklingur eða embættismaður
sem hægt er að varpa fyrir róða
vegna þessa máls og þar með sé
aftur hægt að horfa fram á veg.
Þetta mál er miklu stærra en svo
og varðar framkomu og ímynd
kirkjunnar. Það er öll yfirstjórn
kirkjunnar, sem er ábyrg, með-
ábyrg, meðvirk í þessu ömurlega
máli.
Yfirstjórn kirkjunnar hefur
með framgöngu sinni ákveðið að
sýna það að kirkjan á Íslandi er
ekki lengur hæf að þjóna Kristi,
telur sig stikkfrí frá kærleiks-
boðskap hans og hefur þar með
í raun lýst því yfir að kirkjan
hafi engu hlutverki að gegna í
nútímasamfélagi.
Íslenska kirkjan er þar með
komin í einhvers konar óvissu-
ferð þar sem vond öfl ráða för og
Kristi og kærleiksboðskap hans
er haldið í óviðeigandi gíslingu.
Trúmál
Jakob S.
Jónsson
leikstjóri
Ég skil þetta ekki. Ég fæ hreinlega ekki
skilið hvernig hægt er yfir höfuð að
hugsa um sættir milli kynferðisafbrota-
manns og fórnarlamba hans.
SAMSUNG MINI
27.900 kr.
SAMSUNG GIO
39.900 kr.
SAMSUNG ACE
54.900 kr.
siminn.is
2.620 kr.
á mánuði dreift á
12 mánuði *
3.620 kr.
á mánuði dreift á
12 mánuði *
4.870 kr.
á mánuði dreift á
12 mánuði *
1.000 kr.
inneign á mán.
í 12 mán. fylgir.
1.000 kr.
inneign á mán.
í 12 mán. fylgir.
1.000 kr.
inneign á mán.
í 12 mán. fylgir.
Símalán-afborgun: Símalán-afborgun: Símalán-afborgun:INNEIGN INNEIGN INNEIGN
*Ef greitt er með kreditkorti er hægt að dreifa eftirstöðvunum vaxtalaust á allt að 12 mánuði. Greiðslugjald er 295 kr./mán. **Gildir meðan birgðir endast.
E
N
N
E
M
M
/
S
ÍA
/
N
M
4
6
6
7
2
Það hefur ýmislegt komið í huga minn undanfarnar vikur um
málefni eldri borgara á landinu.
Erum við annars eða þriðja
flokks fólk?
Skýrsla sem birtist fyrir nokkr-
um um aðbúnað eldra fólks á
hjúkrunarheimilum á Íslandi
skelfir mann, er það virkilega svo
að eldra fólk hér á landi eigi ekki
betra skilið en þar kemur fram?
Eigum við sem skópum þetta þjóð-
félag, þessa velferð með vinnu-
framlagi okkar, sköttum til ríkis
og sveitarfélaga ekki betra skilið?
Mér finnst að ráðamenn þjóðarinn-
ar verði að taka á þessum málum
og það strax.
Er ég tala um velferðarríki, þá
sé ég ekki þetta velferðarþjóðfélag
hér á landi, eins og ég þekki til í
Þýskalandi t.d., þar sem fjölskyldur
fá tannlækningar fríar, sjúkraþjálf-
un fría, hjón fá barnabætur með
börnum sínum til 24 ára aldurs ef
þau búa í heimahúsi og stunda t.d.
háskólanám. Er sambærileg velferð
hér á landi, ekki sé ég það.
Held við ættum að athuga okkar
gang, hætta að ræða um hvað vel-
ferðarstjórn eða velferðarríkis-
stjórn er hér á landi, það tel ég
algjört öfugmæli.
Einu hefur skotið upp í kolli
mínum undanfarnar vikur. Stétt-
arfélög hafa staðið í samningavið-
ræðum um kaup og kjör. Hvergi hef
ég séð að eldri borgarar hafi innan
samninganefnda, hvorki atvinnu-
veitenda eða launþega, fulltrúa í
þessum samninganefndum en slíkt
þekkist á Norðurlöndum t.d.
Ég skora því á ASÍ, BSRB, BHM
og stóru stéttarfélögin, t.d Rafiðn-
aðarsamband Íslands og Félag
íslenskra hjúkrunarfræðinga og
kennarasamtökin, að athuga þessi
mál og huga betur að málefnum
sinna eldri félaga, því langflestir
verða sem betur fer aldraðir.
Það er sárgrætilegt að hugsa
til þess hvernig ríkisvaldið hefur
leikið eldri borgara á liðnum mán-
uðum og árum. Er ef til vill komið
að þeim tímapunkti að eldri borg-
arar bjóði fram sérstaklega til
Alþingis og sveitarstjórna? Í Ísrael
var sett á fót framboð eldri borg-
ara fyrir um það bil tveimur árum
og þeir náðu nokkrum þingmönn-
um þannig að réttar raddir heyrð-
ust frá eldri borgurum þar í landi.
Þar fékk þetta framboð allgóðan
stuðning frá börnum og barna-
börnum.
Við skulum minnast þess að
Adenauer, Churchill og De Gaulle
voru upp á sitt besta um áttrætt í
pólitík.
Það er verið að ræða um virð-
isaukaskatt þessa dagana. Hvergi
hef ég séð að lækka eigi virðis-
aukaskatt á lyfjum sem eru mikil
útlát fyrir eldri borgara, við
gleymumst þar sem annars staðar.
Í sambandi við ályktanir frá
eldri borgurum virðist vera mjög
erfitt að koma þeim á framfæri
við fjölmiðla, hvað veldur? Á sama
tíma geta alls konar ungliðahreyf-
ingar komið sínum ályktunum
mjög fljótt á framfæri, hvað veld-
ur?
Við erum þó yfir 20% af kosn-
ingabærum þjóðfélagsþegnum og
allir vilja atkvæði okkar í kosn-
ingum.
Nóg að sinni.
Hugsað upphátt
Samfélagsmál
Jón Kr.
Óskarsson
formaður Félags eldri
borgara í Hafnarfirði