Faxi - 01.12.1960, Blaðsíða 12

156
F A X I
SJÚKRAHÚSMÁL
Á árunum kringum 1940 var nokkurs
áhuga tekið að gæta hér í Keflavík og
annars staðar um Suðurnes fyrir því, að
bæta aðstöðu þeirra manna, er njóta þurftu
sjúkrahúsvistar. — Eftir því sem fólkinu
fjölgaði hér, var líka sú þörf augljósari en
áður, að ekki mátti við svo búið láta sitja
lengur, að ekki væri hægt að veita sjúkum
mönnum aðhlynningu — og í sumum til-
fellum skjóta hjálp — án þess að þeir
væru áður fluttir í önnur héruð.
Sjúklingar, sem vera þurftu að stað-
aldri undir læknishendi, eða þörfnuðust
uppskurðar, urðu að fara á sjúkrahús í
Reykjavík, og gat þá oft gengið seint að
fá inni fyrir þá þar, vegna þröngbýlis í
þeim stofnunum. Af þessu leiddi eðlilega
umræður og ráðagerðir um byggingu
sjúkrahúss, og þá helzt í Keflavík, stofn-
unar, sem tekið gæti á móti sjúklingum
hér að sunnan fyrst og fremst. Um þær
mundir voru peningaráð manna minni en
síðar varð, og var það því í upphafi ljóst,
að glíma þurfti við fjárhagsörðugleika, og
beinan skort á fé. Bjartsýnir menn og góð-
viljaðir settu þetta þó ekki fyrir sig, held-
ur mátu málefnið um fram erfiðið. Já-
kvætt viðhorf til menningar- og mannúð-
armáls réði úrslitum, og eftirtölur um
sóun fjár voru lagðar á hilluna.
Bygging sjúkrahússins í Keflavík hófst
1944. Höfðu þá tveir aðilar hafið fjársöfn-
un og gert nokkurn undirbúning í þessu
sambandi: Rauða krossdeild Keflavíkur
og Kvenfélag Keflavíkur. En síðan tóku
sveitarfléögin á Suðurnesjum að sér fjár-
mál og framkvæmdir byggingarinnar, og
fyrir framlag þeirra, nokkurt gjafafé, rík-
isstyrk og lán var sjúkrahúsið í Keflavík
byggt. Var farið að tillögum heilbrigðis-
málastjórnarinnar um byggingarfyrir-
komulag og stærð hússins. Að áliti hennar
mun það hafa verið talið af heppilegri
stærð, og sniðið eftir því, sem gerðist um
minni sjúkrahús úti á landi. Það var ætlað
fyrir 21 sjúkrarúm, með skurðstofu, mót-
tökuherbergi læknis, herbergi fyrir hjúkr-
unarkonu, eldhúsi o. fl.
Á byggingartíma hússins og eftir því
sem hann leið, komu í ljós ýmsir van-
kantar á fyrirkomulagi byggingarinnar, og
var það á vissan hátt eðlilegt, því þróun
þessara mála er ör, og breytist frá ári til
árs. Kröfum um aukna tækni, þægindi og
fullkomnari búnað fleygði fram með
Valtýr Guðjónsson
hraða. Eitt af því, sem t. d. var ekki á upp-
haflegri teikningu hússins, var lyfta, sem
þó þótti sjálfsagt að hafa, og varð að taka
af plássi í húsinu, sem ætlað var til ann-
ars, til að koma henni fyrir. Urbætur á
einu sviði urðu þá til að draga úr nota-
gildi á hinu. Ymsar aðrar fyrirkomulags-
breytingar voru gerðar frá upphaflegri
teikningu, til þess að húsið fullbúið kæm-
ist nær því að svara kröfum tímans.
Húsið var svo tekið í notkun haustið
1954. Varð það brátt fullskipað af sjúku
fólki, sem þurfti sjúkrahússvistar við. —
Góður læknir, hjúkrunarlið og þjónustu-
fólk hóf störf í sjúkrahúsinu í þágu þessa
fólks. Ráðsmaður sjúkrahússins sá um
fjárhald og aðdrætti, og eru öll þessi störf
fyrir stofnunina hin mikilvægustu. Hér
var loks komin aðstaða til að veita viðtöku
fólki, sem áður þurfti að flytja burtu úr
byggðarlaginu til þess að það fengi hjálp.
Nú þurfti ekki lengur að senda slasaða
menn til Reykjavíkur til aðgerða, það var
dregið úr því tvísýna kapphlaupi við tím-
ann, þegar oltið getur á nokkrum mínút-
um um skilin milli lífs og dauða. Mjög
merkum áfanga í heilbrigðismálum lækn-
ishéraðsins var náð, með fjá-rhagslegri
fórn og góðu starfi.
Stefnt var í rétta átt, að réttu marki.
Hefur fjölda manna verið bætt mein sín
að fullu í stofnuninni, og þar hafa þegar
verið leyst af hendi stórvirki í aðgerðum
á sjúkum mönnum, sem hin stærstu
sjúkrahús þjóðarinnar og fullkomnustu
væru fullsæmd af.
Að því er vikið hér að framan, hversu
örar breytingar verða á kröfum um að-
stöðuhæfni, sem gera verður til sjúkra-
húsanna. Er það því sízt með ólíkindum,
að sjúkrahúsið í Keflavík sé þar á meðal,
að þurfa að fylgja tímanum og halda
áfram að vaxa. Reynsla af rekstri þess er
t. d. þegar búin að sýna, að ekki er hægt
að reka það nema með miklum halla,
vegna þess hvað það er lítið, hvað það
getur tekið á móti fáum sjúklingum. —
Starfsmannahald þess, sem nægja mundi
40—50 sjúklingum, verður of dýrt á hvern

*«««
f| ft B B ö ***•
í ’ ««**
Sjúkrahúsið í Keflavík