Morgunn - 01.06.1984, Qupperneq 71

HINN SÁLRÆNI GRUNDVÖLLUR . . .
69
var sá atburður, að sálræn fyrirbrigði gerðust í loftsalnum,
þar sem andinn birtist í aðdynjanda sterkviðris og tungur,
eins og af eidi væru, sáust yfir höfðum postulanna.
Meginvon kristins mans er sú, að látinn lifi. Á ekkert
vald trúir hann fremur en á bænasamfélagið. Kirkjan
kennir æskulýðnum að Jesús sé getinn á yfirvenjulegan
hátt. Trúin á himneska boðun Maríu vottar tilhneigingu
til að gjöra konuna vegsamlega. Kristindómurinn kennir,
að englar hafi boðað fæðingu frelsarans, að vitrun Jósefs
úm að flýja, hafi bjargað barninu nýfædda frá bráðum
bana, að himnesk rödd hafi heyrst, þegar Jesús var skírður,
og að hvarvetna hafi kraftaverkin gerst á leið hans frá
Nazaret og til Golgata. Kirkjan heldur á lofti því fyrirheiti
Krists, að þessi dásemdarverk eigi að vera förunautur trú-
aðra lærisveina hans um allan aldur, og hún vottar sýnir
°g viranir helgra kvenna og karla.
Vísindamaðurinn Louis Anspacher spurði einhverju
sinni: „Hvernig getur rétttrúaður kristinn maður neitað
að trúa á telepathíuna (fjarhrifin), þar sem hann iðkar
hana hverju sinni, þegar hann biður? Hvernig getur trú-
aður kristinn maður neitað að trúa á birtingar framliðinna,
úr því Jesús birtist lærisveinunum í Emmaus? Hvernig
getur rómv. kaþólskur maður neitað að trúa á hlutskyggni
(psychometrie), þegar hann trúir því að í beinum og leif-
úm heilagra manna búi læknandi orka, eins og í Lourdes
og St. Anne de Beaupre?“
Hvar á meðal hinna 850 milljóna kristinna manna finnst
sá maður, að hann trúi ekki því, að a. m. k. einhver hluti
hinna helgu ritninga sé innblásinn af Guði? Meira að segja
Múhameðstrúarmenn trúa því.
Múhameðstrúarmenn trúa því einfaldlega vegna þess, að
þeir eru sannfærðir um að hin heilaga bók þeirra Kóraninn,
sé algerlega innblásin af Guði og gefin mönnum fyrir milli-
göngu Gabríels engils. Þeir trúa því, að leiðsögn Kóransins
til rétts lífernis og sáluhjálpar sé óumdeilanleg, vegna þess
að Kóraninn hafi verið til á himnum í upphafi aldanna.