Morgunn - 01.06.1993, Blaðsíða 10

MORGUNN
kvarða vísindalegrar gagnrýni.
Engin vísindaleg aðferðafræði er sögð af gagnrýnis-
röddunum viðhöfð í hreyfingunni og enn minna sé hugsað
á nótum raunverulegra vísindamanna við viðfangsefni
sálarrannsóknafélaganna en ástæða þætti til. Sagt er að
þrátt fyrir erfiðleikana við að klófesta mannshugann niður
í vísindalegar mælieiningar og hið meinta samband hans
við aðra heima þá sé slíkt vel gerlegt, auðvitað þar sem
annars staðar í eðlisfræðinni. En hinn raunverulega áhuga
fyrir því skorti nær alveg hvað sem öllum útjöskuðum vís-
indaklisjum í ræðum flestra félagsmeðlima annars líður.
Hvað er til ráða?
En hvað er þá til ráða? Á að leggja hreyfinguna niður? Á
að breyta nafni hennar í Spíritistafélagið eða Spíritista-
kirkjuna? Eða á bara að hafa þessar þversagnir í núverandi
heiti hennar og starfsháttum áfram? Eða er kannski hægt
að stunda og framkvæma raunverulegar vísindalegar rann-
sóknir samhliða ýmissi miðlaþjónustu félaganna til félags-
manna sinna? Mín skoðun er sú að slíkt sé vel gerlegt.
En fyrst verða menn að játast undir að vilja virkilega
kljást bæði í orði og í verki, sem og fjárhagslega, við
vísindalegar hliðar viðfangsefna alvörusálarrannsókna
áður en lengra er haldið. Slík stefnubreyting er í rauninni
eina leiðin út úr þeirri sjálfheldu sem málefnið óneitan-
lega er komið í og sýnt hefur sig best á hinum stöðuga
flótta okkar undan gagnrýnisröddum vísindamanna, nú
sem fyrr.
Að öðrum kosti bíður sálarrannsóknahreyfingarinnar
lítið annað en hægur og rólegur dauðdagi undan hinni
símalandi grjótkvörn upplýsingastefnunnar, sem í daglegu
tali almennings er stundum kölluð vísindahyggja nútím-
ans.
En valið er félagsmanna sálarrannsóknafélaganna.
8