Morgunn - 01.06.1993, Page 17

MORGUNN
sem erlendis í nafni hreyfingarinnar, heldur ekki síður að
hefja opinbera umræðu aftur um þessi merkilegu mál.
Meðal annars um það hvað megi líta á sem bráðabirgða-
niðurstöður íslenskra og erlendra sálarrannsókna um
mögulegar gerðir og eðli handanheimanna.
Einnig þarf líka að líta á þau viðfangsefni sem sálar-
rannsakendur tuttugustu aldarinnar hafa að miklu leyti
ekki getað svarað, eftir að fyrstu spumingunni var svarað,
þ.e. hvort raunverulegt og persónulegt vitsmunalíf hvers
og eins einstaklings eftir dauðann sé til. En næstu spum-
ingar eru nánast alveg eftir. Eins og t.d. hvernig þetta
næsta líf „hinum megin” sé og hvar það fari fram og
hvemig er samfélagi mannanna þar sé háttað? Lifir fólk
fjölskyldulífi þar svipað því og hér gerist? Borðar það? Á
ntaður þess kost á að hitta alla þá sem maður óskar eftir
að hitta „hinum megin”? Jafnvel Ingólf Arnarson (sem
reyndar hvorki var fyrsti landnámsmaðurinn né hét
Ingólfur en það er aftur önnur saga), o.s.frv. Semsagt
könnun þessara andaheima eða handanheima með nokkuð
skipulögðum hætti.
Alltoflítið áunnist á 90 árum
sálarrannsóknafélagsins
Þrátt fyrir níutíu ára linnulítið starf sálarrannsókna á
Islandi hefur flestum þessum grundvallarspurningum ekki
enn verið svarað á viðhlítandi hátt. Að ekki sé nú talað um
spurningar í þá áttina hver sé tilgangur heimsins og nánari
útlistun ofurfróðra handanheimsviðmælenda á því
fyrirbæri sem við köllum Guð og eðli þess og uppruna.
Fróðleikur um þessi fyrirbæri ætti alveg að komast í dag í
gegnum þær „símalínur“ sem við nú þegar höfum byggt
UPP á milli þessara heima okkar og hinna framliðnu.
Eg er semsagt þeirrar skoðunar að þessum mark-
miðum þurfi kerfisbundið að stefna að. En hvernig það er
15