Morgunn - 01.06.1993, Qupperneq 34

Yogi Amrit Desai
Að taka ábyrgð á lífi sínu.
Þegar ég segi „þú ert ábyrgur fyrir lífi þínu“, þá á ég ekki
við „ábyrgur“ í þeim skilningi að þú eigir að hafa
sektarkennd vegna alls sem komið hefur fyrir þig. Fólk
notar hugtakið „ábyrgur“ til að refsa sér, fremur en að
nota það á uppbyggilegan hátt til þess að styrkja sig.
Þegar við sjáum takmarkanir og höft sem birtast í lífi
okkar og reynum að ryðja þeim úr vegi, þá tengjumst við
hinni raunverulegu ábyrgðartilfinningu. Við breytum því
sem okkur fannst áður ógerlegt. Við töpum krafti vegna
þess að við teljum okkur trú um að einhverjar manneskjur
eða einhver reynsla hafi mótað okkur eða að það sé
einhver áunninn löstur sem komi í veg fyrir að „við lifum
eftirsóknarverðu lífi“. Og síðan höldum við að það sé
ekkert við þessu að gera. Sannleikurinn er sá að við getum
aðeins leyst vandamál okkar þegar við hættum að kenna
✓
öðrum um. Asökun, skömm og sektarkennd er það sem
kemur í veg fyrir að við finnum hinar sönnu lausnir í lífi
okkar.
Við fœðumst leitandi aðfrelsi og alsœlu
Sálin er á ferðalagi í áttina að sínu sanna sjálfi sem er
frumuppspretta ástar, þekkingar, frelsis og alsælu. Þegar
við lærum að fjarlægja allt sem heftir okkur frá þessari
uppsprettu getum við nýtt okkur hæfileika okkar til fulls
og eytt sjálfsköpuðum þjáningum okkar. Allur óuppgerður
ótti hindrar okkur í að tengjast uppsprettu okkar. Við
eigum öll „óuppgerð mál“, sársaukafulla atburði úr
32