Morgunn - 01.06.1993, Qupperneq 40

Esther Vagnsdóttir
Rannsóknir á framhaldslífi mannsins
Bandaríski uppfinninga- og vísindamaðurinn George W.
Meek hefur varið mörgum árum ævi sinnar ásamt miklum
fjármunum til rannsókna á þvr hvað okkar allra bíði að
þessu lífi loknu. Fram að þeim tíma er hann fyrir alvöru
fór að fást við rannsóknir af þessu tagi var hann mikils-
virtur verkfræðingur og hönnuður hjá bandarísku stór-
fyrirtæki sem sérhæfir sig í þróun alls konar tækjabúnaðar
í tengslum við iðnað og mengunarvamir og vann hann þar
að rannsóknum og þróun á því sviði. Sextugur að aldri
ákvað hann að draga sig í hlé frá sínum fyrri störfum og
helga sig rannsóknum sem varpað gætu ljósi á möguleika
mannsins á framhaldslífi að þessu lífi loknu. Honum var
fullvel ljóst hversu erfitt verkefni hann átti í vændum og
að þegar höfðu farið fram miklar rannsóknir og tilraunir
hvað framhaldslífið varðaði þó að þær rannsóknir hefðu
fram að því aðallega tengst miðlum og starfsemi þeirra.
Meek ætlaði sér nýtt hlutverk - að reyna að sanna á
vísindalegan og áþreifanlegan hátt hvort um framhaldslíf
væri raunverulega að ræða og til þessara rannsókna ætlaði
hann að fá í lið með sér fleiri áhugasama vísindamenn
sem vildu vinna að þessum rannsóknum með honum.
Hann seldi einkaleyfi að ýmsum uppfinningum sínum, að
verðmæti um hálfri milljón dollara, og hófst síðan handa.
Aður hafði hann kynnt sér talsvert hin ýmsu mismunandi
svið vísinda en nú tók hann sér tíma til að stunda
bókasöfn og reyndi að komast yfir flest það sem fáanlegt
var um hin ýmsu efni sem hann taldi snerta væntanlegar
38