Morgunn - 01.06.1993, Qupperneq 45

MORGUNN
orku atómsins á mismunandi stigi, en með því að fara út
fyrir þennan viðurkennda ramma náttúrulögmálanna er
þessum „framúrstefnu“- vísindamönnum mögulegt að fara
inn á rannsóknasvið á óefnislegum eiginleikum mannsins,
orkusvið hans og rannsaka þetta á nýjum grundvelli. Hjá
þeim hefur skapast grundvöllurinn að þeim nýja skilningi
að heilinn sé rafeindafræðileg samsetning, líkt og tölva,
en stjórnandi hennar óefnisleg eining sem notar heilann
aðeins tímabundið, þ.e. hugurinn sé raunverulega óháður
heilanum og haldi áfram að starfa eftir að heilinn er
orðinn óvirkur. Metascience lætur í té þann skilning að
orku slíkrar vitundar eða huga sé ekki hægt að skilgreina
innan ramma þeirra vísinda sem byggjast á viðurkenndum
orkusviðum vísindanna í dag.
Samkvæmt þessum nýju viðmiðunum veitist mögu-
leiki á að skilja á annan hátt en áður þann raunveruleika
sem tími og rúm fela í sér því að hér skapar ljóshraðinn
ekki lengur þau takmörk sem miða verður við þegar um er
að ræða fjarlægðir í tíma og rúmi eða önnur svið til-
verunnar. Hin nýja eðlisfræði - skammtafræðin - er í dag
að nálgast þessi viðhorf og sumir eðlisfræðingar telja
raunar að við stöndum á þröskuldi stórkostlegra upp-
götvana til skilnings á eðli alheimsins og stöðu mannsins
innan hans.
Einn þeirra er David Bohm sem telur efnið vera eins
konar frávarp frá öðrum og æðri veruleika en sá veruleiki
sé hin raunverulega undirstaða efnisheimsins. Þegar hér er
komið er ekki ólíklegt að lesandann sé farið að gruna
hvort verið geti að hér séum við raunverulega komin að
hinu sanna upphafi allra æðri trúarhugmynda um að lífið
sé eilíft og að baki búi annar og æðri veruleiki - sem við
erum vön að kalla Guð? í bók sinni skýrir Meek frá þeim
niðurstöðum sem rannsóknir hans og samstarfsmanna
hans hafa leitt í ljós og gerir skilmerkilega grein fyrir
43