Morgunn - 01.06.1993, Síða 47

Anna María Hilmarsdóttir
Móðir Meera
Móður Meera er ung indversk kona sem er sögð vera ein
af núlifandi holdgunum hinnar guðlegu móður. Hún er
það sem kallað er Avatar.
Hvað er avatar?
Avatar er sá sem kemur beint frá Guði í eina jarðvist til
hjálpar mannkyninu og býr yfir mætti og ljósi Guðs.
Avatar er því guðleg vera í jarðneskum líkama, þó að
jarðlíkaminn sé takmörkunum háður getur Avatar kallað
til allan þann guðdómlega mátt sem hann þarf hvenær sem
er og í hvaða tilgangi sem er.
Móðir Meera líkir avatar við demant. Hann er einn
flöturinn á demantnum en um leið allur demanturinn í
heild sinni. Við sjáum aðeins eina hliðina en allur demant-
urinn er á bak við hana og umhverfis hana.
Sérhver avatar hefur sínu sérstæða hlutverki að gegna,
en þeir hafa allir, ásamt guruum þann tilgang að færa
mannkynið nær Guði en nota til þess ólíkar leiðir og
uðferðir.
Munurinn á avatar og guru er sá að guru öðlast þroska
sinn gegnum mannlega reynslu til þess að öðlast guðs-
vitund en avatar hefur alltaf haft vitundina um Guð og
kemur með hana með sér í jarðvist sína. Sagt hefur verið
að guru sé sem ein nögl á þúsund höndum avatars. Svo
miklu meiri er máttur avatars til að breyta heiminum.
Avatar væntir einskis af tilbeiðendum sínum eða heim-
'num fremur en Guð og sinnir sínu starfi án tillits til
45