Morgunn - 01.06.1993, Page 49

MORGUNN
venjuleg manneskja. Tveggja-þriggja ára sagðist hún fara
til ljóssins þegar hún þurfti huggunar við. Hún var ekki
nema sex ára gömul þegar hún upplifði fyrst samadhi sem
er andleg uppljómun á háu stigi. Atta ára var hún send til
að vinna á heimili kaupsýslumanns. Hann hafði snúið baki
við auðlegð sinni til að stunda andlegt líferni. Hann hét
Venkat Reddy. Hann hafði séð innra með sér sýn þar sem
hann hitti hina guðlegu Móður og hafði í 25 ár leitað
hennar og settist loks að í fræðslusetri Sri Aurobindo í
Pondicherry. Vegna dauðsfalls í fjölskyldunni sneri hann
heim til fjölskyldu sinnar árið 1972 og fann þar Kamala
Reddy. Hann varð strax gagntekinn af nærveru hennar.
Tólf - fjórtán ára gömul sat hún í andlegri uppljómun allt
að fjórtán stundum og fólk kom til að sitja í nálægð
hennar. Henni lærðist loks að vera stöðugt í slíku ástandi
án þess að það sæist, með opin augun.
Reddy tók hana undir sinn verndarvæng og Móðir
Meera hefur sagt að hann hafi komið til Jarðarinnar með
það sérstaka hlutverk að uppgötva hana, vernda og kynna
fyrir mannkyninu. Hún kallaði hann „vibhuti“ á sínu máli,
- sál með sérstakt guðlegt verkefni. Reddy fór með hana
til fræðsluseturs Aurobindos þegar honum varð ljóst að
hún var Móðirin sem hann hafði leitað öll þessi ár. Þar
byrjaði hún að gefa darshan þar sem hún í þögn sendir frá
sér frið og ljós til fólks hvaðanæva úr heiminum. Hún
hefur verið búsett í Thalheim í Þýskalandi síðan 1981 en
þangað fór hún með vini sínum Reddy til að hitta fylgj-
endur. Meðan á dvöl þeirra stóð þurfti hann að gangast
undir nýrnaaðgerð. Hann hvatti hana til að kaupa hús í
Thalheim og þar hefur hún búið síðan. Reddy dó árið
1985.
Starf MóÖur Meeru
Móðir Meera tekur á móti fólki víðs vegar að fjögur kvöld
47
L