Morgunn - 01.06.1993, Side 52

MORGUNN
legar verur hjálpa okkur við að leysa þessa hnúta. Þegar
Móðir Meera heldur um höfuð þeirra sem til hennar koma
er hún að leysa upp þessa hnökra og fjarlægja hindranir á
andlegri braut þeirra og ljósið berst upp eftir hvítum
þráðunum. Það er það sem hún kallar pranam.
Þegar Móðir Meera horfir í augu leitandans, skoðar
hún í öll horn verundar hans. Hún gáir hvar hjálpar er
þörf; hvar hún getur gefið heilun og mátt. Hún veitir ljósi
í sérhvern hluta verundarinnar og opnar hann til Ljóssins.
Þegar hún horfir í augu fólks sér hún erfiðleikana í lífi
þess og hvað það er sem hindrar það á andlegri braut.
Þegar hún heldur um höfuð fólks er hún að vinna á dýpri
þáttum sálarinnar en með því að horfa í augun á fólki er
hún að hjálpa því í persónulegu lífi þess.
Hún segir að ekki sé nauðsynlegt að koma til sín til að
meðtaka ljós hennar; Það nægir að vera einlægur í háleitri
þrá sinni. Það er því hægt að tengjast henni þótt hún sé
fjarri. Hún getur veitt hjálp sína hvar sem er. Það sem
tengir okkur við guðdóminn er kærleikur, einlægni og há-
leit þrá. En þegar fólk kemur til hennar er nærvera hennar
því áþreifanlegri. En það er eingöngu fólksins vegna,
hennar vegna skiptir fjarlægð eða nálægð ekki máli. Starf
hennar er í því fólgið að hún er stöðugt að gefa darshan og
pranam - nótt og dag. Sumir hafa jafnvel upplifað darshan
í draumi.
Heimsóknin
Eg frétti fyrst af Móður Meeru þegar ég las um hana í
Ganglera. En þar hafa birst greinar um hana. Hún hafði
strax mikil áhrif á mig og þá sérstaklega myndin af henni.
Seinna heyrði ég hversu auðvelt það er að komast til
hennar og ákvað að fara. Það héldu mér í rauninni engin
bönd. Mér finnst ómetanlegt hversu auðvelt og
fyrirhafnarlítið það er að nálgast hana. Það þarf ekki
50