Morgunn - 01.06.1993, Síða 62

MORGUNN
þessum sömu stöðum er að finna fomar upplýsingar sem
þær vilja varðveita. Þegar þær sjá fram á að mennirnir
ætla að raska ró þessara staða á einhvern hátt, þá grípa
þær til sinna ráða til að hindra þau áform. Þið þekkið
sjálfsagt hvemig þetta gerist, tæki bila, fólk slasast o.s.frv.
Þegar rætt er um huldufólk kemur ýmislegt upp sem
vert er að hafa í huga. Eins og áður sagði þá eru verur eða
andar náttúrunnar fjölbreyttar og birtingarmyndir þeirra
því æði misjafnar. Það hvemig þessar verur birtast ólíkum
mönnum tekur gjarnan á sig mynd þess sem viðtakandinn
getur skilið. Samskipti manna við þessar verur eru og geta
verið mjög raunveruleg en flokkun ykkar er ekki alltaf
eins klippt og skorin í raun og þið viljið vera láta. Það er
því í fyllsta máta eðlilegt þegar fólk segir frá samskiptum
sínum við það sem kallað er huldufólk að það skynji
eitthvað slíkt í raun og vem. Það er ekki þar með sagt að
alltaf sé um raunverulegt huldufólk að ræða sem býr í
híbýlum svipuðum manna, stundar landbúnaðarstörf og
hefur hunda, hesta og kýr. Miklu oftar er um það að ræða
að mennskar verur skynja einfaldlega þessar hjálparverur
lífríkisins og mannlífsins þar með og þær birtast þeim á
þann hátt sem er þeim skiljanlegur. Huldufólk hjálpar,
varar við og refsar mannverum samkvæmt þjóðsögunum
en oftast er þar um að ræða hjálparverur úr náttúrunni sem
hafa verk að vinna, líkt og að gæta umhverfisins eða
hjálpa fólkinu. Þær koma skilaboðunum á framfæri við
okkur í skiljanlegum myndum, en það þýðir ekki endilega
að það lifi lífi hliðstæðu ykkar og reki búsmala á beit.
Vegna þeirrar orku sem er í landinu og þá sérstaklega á
tilteknum stöðum þá er hulan milli efnisheimsins og
heims þessara anda ákaflega þunn. Þess vegna eru
samskipti af þessu toga svo fyrirferðarmikil í landinu
ykkar. Þetta er, eins og fyrr var greint frá, höfuðástæðan
fyrir því að Paparnir sóttu til landsins ykkar. En vegna
60