Árdís - 01.01.1935, Side 21

Syng mig heim!
(9%ö)
Syng mig heim til sæludala
Sögu lands við notðurpól!
Krýnd þar hátign hvítra sala
Hefur reist sinn konungsstól.
Syng mig heim til hrauns og hvera,
Heim í móðurjarðar skaut,
Þars í fangi bylgjur bera
Bjartra kvelda gullið skraut,
Syng mig heim til helgra lunda,
Hljótt þars hvísla laufin smá.
Þar sem ótal unaðs stunda,
Er að minnast til og frá,
Heim í skautið fríðra fjalla
Fjóluhvamm og berja laut,
Heim, þars söngva hljómar kalla
Hug til sín frá dagsins þraut.
Syng mig heim að vík og vogi
Vestan sól og fjalla blæ,
Þar sem frelsis friðarbogi
Faldar gulli land og sæ.
Heim þars fegurð himins lána
Heiðtær vötn við dala lönd ;
Heim þars fríðir firðir blána
Fyrir kærri ættlands strönd.