Árdís - 01.01.1935, Síða 32

30
félag”, er enn starfar, og Þórdís var kosin forseti félagsins og
gegndi hún því embætti meðan hún lifði, jafnvel þótt seinustu
árin lægi hún rúmföst.
Félagið hélt reglulega fundi og aflaði fjár með samkomum og
tomtbólum. í fyrstu var fé þessu varið einungis til hjálpar bág-
stöddúm; en eftir að kirkjan á Mountain var bygð gaf kvenfélagið
prédikunarstól og bekki í hana og hefir síðan einnig aðstoðað
söfnuðinn á ýmsan hátt. Mun þetta vera fyrsta kvenfélag meðal
Íslendinga í Vesturheimi.
AÐALSMERKIÐ
Ellin á sér aðalsmerki: “Inndæl bros í gegnum tárin”.
Öldungurinn er hinn sterki: Unga huggar, græðir sárin.
Látum þá því aldrei eina. — Ofurlitla gleði færum
þeim, sem lífsins raunir reyna. — Raun er mörg und gráum hærum.
Þeir, sem æðsta vinna verkið, veika styðja, mýkja sárin,
sjálfir eignast aðalsmerkið: “Inndæl bros í gegnúm tárin”.
0.S.