Morgunblaðið - 21.01.2009, Qupperneq 17

Daglegt líf 17
MORGUNBLAÐIÐ MIÐVIKUDAGUR 21. JANÚAR 2009
Eftir Andrés Skúlason
Frá því fjármálakreppangekk í garð hefur um-ræðan gagnvart lands-byggðinni tekið umtals-
verðum stakkaskiptum og ekki
laust við nú um stundir að það gæti
talsvert meiri jákvæðni almennt
gagnvart smærri byggðarlögum en
áður. Í dag gerir þjóðin sér grein
fyrir mikilvægi sjávarbyggðanna
þegar þrengir að og þar finna íbú-
arnir kannski til meira öryggis en
annars staðar á byggðu bóli.
Djúpivogur er ein þeirra sjávar-
byggða sem hafa þurft að glíma við
tímabundna erfiðleika í gegnum ár-
in eins og mörg önnur smærri sam-
félög, en þrátt fyrir mótbyr á
stundum hefur þó alltaf ríkt mikill
kraftur, bjartsýni og vilji meðal
heimamanna að leita lausna hverju
sinni og íbúar því ávallt verið reiðu-
búnir að takast á við nýjar áskor-
anir.
Fjölgunin mest á Djúpavogi
Það er eitthvað óútskýranlegt að-
dráttarafl við Djúpavog sem hefur
gert það að verkum að þéttbýlis-
kjarninn hefur staðist vel tímans
tönn og fólkið með. Samkvæmt töl-
um frá Hagstofunni fækkaði fólki í
þéttbýlinu á Djúpavogi um 5,9% frá
árinu 1997-2007, en það má segja
að þau ár séu að stórum hluta tíma-
bilið þegar hið meinta góðæri átti
sér stað hér á landi og sogkraft-
urinn á þenslusvæðin var í hámarki.
Á sama árabili fækkaði reyndar
mun meira í flestum í öðrum þétt-
býliskjörnum á landinu af sambæri-
legri stærð og Djúpivogur. Fækkun
íbúa í dreifbýli í Djúpavogshreppi
varð hinsvegar hlutfallslega mun
meiri en í þéttbýlinu og skýrir það
um 12% fækkun í sveitarfélaginu
öllu á fyrrgreindu tímabili. Á árinu
2008 fjölgaði hinsvegar mest á
Djúpavogi af öllum sveitarfélögum
á Austurlandi, en umtalsverð fækk-
un varð á flestum öðrum svæðum í
fjórðungnum á síðasta ári.
Á árunum 2006-2008 hafa orðið
mjög jákvæð umskipti á Djúpavogi,
en á þessum síðustu árum hefur
umtalsverður fjöldi af ungu fjöl-
skyldufólki fest ráð sitt og hefur
jafnhliða fjárfest í íbúðarhúsnæði á
staðnum og þá hafa nýbyggingar á
íbúðarhúsnæði á Djúpavogi einnig
litið dagsins ljós eftir nokkur mög-
ur ár í þeim efnum. Eftirspurn hef-
ur því verið umtalsverð á síðustu
árum eftir íbúðarhúsnæði og hefur
sveitarfélagið m.a. selt margar
íbúðir til bæði einstaklinga og ekki
síður til ungs fjölskyldufólks. Í
flestum tilvikum er því þannig farið
með það unga fólk sem hefur flust á
staðinn, að annar eða báðir aðilar
eiga rætur til Djúpavogs, þannig að
endurheimtur verða að teljast góð-
ar í þeim efnum.
Í nær öllum tilvikum er hér einn-
ig um að ræða, að unga fólkið hefur
verið að mennta sig og kemur heim
aftur og kýs að nýta menntun sína í
heimabænum.
Í dag eru nær allar íbúðir í þétt-
býlinu setnar og þrátt fyrir al-
menna niðursveiflu í þjóðfélaginu
og krepputal, ríkir hinsvegar al-
menn bjartsýni á Djúpavogi og ekki
síst meðal hinna ungu íbúa sveitar-
félagsins.
Leikskólinn nær fullur
Einn af jákvæðum fylgifiskum
aukinnar íhlutunar yngra fjöl-
skyldufólks í bænum eru barn-
eignir, en frá og með árinu 2006
hefur barneignum fjölgað mikið á
svæðinu og virðist ekkert lát á
nema síður sé.
Á árinu 2008 litu 11 nýir Djúpa-
vogsbúar dagsins ljós og það sem af
er árinu 2009 segja nokkuð áreið-
anlegar heimildir að a.m.k. 8 ungar
konur eigi von á sér og er árið þó
aðeins rétt að byrja, þannig að enn
er nógur tími til að bæta um betur.
Nú er svo komið að nýi leikskólinn
á Djúpavogi sem sumir töldu of
stóran þegar ráðist var í byggingu
hans fyrir fáeinum árum, er nú um
stundir nær fullbókaður. Í leikskól-
anum er boðið upp á fulla vist fyrir
börn frá 1 árs og aðlögun þegar
þau ná 11 mánaða aldri.
Á hverjum laugardegi eru leikja-
tímar í Íþróttamiðstöðinni á Djúpa-
vogi þar sem foreldrar mæta og
leika við börnin og er engin gjald-
taka fyrir þessa tíma. Leikja-
tímarnir eru mjög vel sóttir enda er
þessi skemmtilega samverustund
auðvitað líka nýtt vel af foreldrum
til að hittast og bera saman bækur
sínar, svo er oft farið í sundlaugina
eftir tíma þar sem er frábær að-
staða fyrir alla aldurshópa. Í sund-
laugina fá allir 16 ára og yngri með
lögheimili í Djúpavogshreppi
ókeypis aðgang.
Samantekin ráð?
Síðasta laugardag hittist hluti
foreldra barna sem fæddust á síð-
asta ári í leikjatímanum, sem og
mættu óléttar sömuleiðis þ.e. aðrar
en þær sem eru þegar komnar með
annan fótinn á fæðingardeildina.
Er spurt var af hverju þetta
unga fólk hefur kosið að flytja aftur
á Djúpavog var það samdóma álit
að Djúpivogur sé einstaklega barn-
vænt samfélag og uppeldisaðstæður
í alla staði mjög góðar. Atvinnu-
ástand hefur líka verið gott og
flestir getað fengið góða vinnu við
sitt hæfi.
Þá sé þjónusta einnig almennt í
góðu meðallagi í bænum og félags-
og menningarlíf í fínu standi. Síðast
en ekki síst er náttúrufegurðin mik-
il á Djúpavogi og svo eru frábær
útivistarsvæði í göngufæri við þétt-
býlið.
En af hverju þessi kraftur í barn-
eignum á Djúpavogi, eru þetta sam-
antekin ráð? Nei, það telja viðmæl-
endur úr hópnum ekki, hinsvegar
megi kannski segja að það sé
ákveðin samstaða um að fjölga í
samfélaginu og svo séu þau bara öll
mikið fyrir börn og vilja leggja sitt
af mörkum til samfélagsins í þess-
um efnum.
Kraftur í unga fólkinu
Í litlu bæjarfélagi eins og Djúpa-
vogi þykir það eðli málsins sam-
kvæmt mjög jákvætt fyrir sveitar-
félagið að það skuli vera jafn mikill
kraftur í unga fólkinu og raun ber
vitni. Aðspurður segir Björn Haf-
þór Guðmundsson sveitarstjóri, í
ljósi þess hve mikið af ungu fjöl-
skyldufólki hefur flust inn á svæðið
á allra síðustu árum, telja að það
sýni fyrst og fremst trú þessa hóps
á samfélagið sem það vill búa í.
Sveitarstjórn Djúpavogshrepps
hefur á síðustu árum haft það efst á
stefnuskrá sinni að styðja við og
byggja upp öflugt og fjölskyldu-
vænt umhverfi með áherslu á vist-
væn og vinaleg gildi og er sífellt
verið að vinna að því hvernig megi
með sem bestum hætti koma til
móts við unga fólkið eins og aðra í
samfélaginu.
Allar stærstu fjárfestingar í
sveitarfélaginu á síðustu árum hafa
miðað að því að bæta umhverfi
þessa hóps og er ekki annað að sjá
en að það hafi með ótvíræðum og
jákvæðum hætti skilað sér inn í
samfélagið. Frá árinu 2001 hefur
m.a. verið byggt upp einsetið skóla-
umhverfi, þá hefur verið tekin í
noktun glæsileg sundlaug, spark-
völlur og leiksvæði og síðast en
ekki síst nýr leikskóli. Nýtt íþrótta-
hús var byggt árið 1994.
Þá hefur sveitarfélagið staðið
þétt við bakið á öflugu íþróttastarfi
í bænum svo og tónlistarlífi. Má þar
nefna að Djúpavogshreppur rekur
tónlistarskóla og þar að auki hefur
sveitarfélagið nú á að skipa sér-
menntuðum tónlistarkennara fyrir
leikskólabörn og hefur það mælst
afar vel fyrir.
Þá er félagsmiðstöð unglinga vel
virk í bænum og hefur ungt lista-
fólk á Djúpavogi getið sér gott orð
og hið sama má segja um afrek á
sviði íþrótta.
Morgunblaðið/Andrés Skúlason
Mörg börn Það er líf og fjör í barnabænum Djúpavogi. Foreldrar hittast í leik við börnin í íþróttamiðstöðinni á hverjum laugardegi. Ófrísku konurnar mæta líka.
Barnabærinn Djúpivogur
Íbúum á Djúpavogi fjölg-
aði mest af öllum sveitar-
félögum á Austurlandi á
síðasta ári enda virðist
barneignaræði hafa grip-
ið unga fólkið á staðnum.
Ellefu börn komu í heim-
inn á síðasta ári og áreið-
anlegar heimildir herma
að a.m.k. átta hafi staðfest
komu sína á þessu ári.
Barnalán Ágústa Arnar-
dóttir og Andrea Kissné
Révfalvi með ungabörn-
in allt um kring.
Djúpivogur er
barnvænt sam-
félag og upp-
eldisaðstæður
mjög góðar.
Tvíburar Berglind
Elva Gunnlaugsdóttir
og Nanna Ósk Jóns-
dóttir, Nanna gengur
með tvíbura.
Jóna Guðmundsdóttir helduráfram limruleik sínum á
Moggablogginu á nýju ári. Eftir
ræðu forsetans og
forsætisráðherrans orti hún:
Tími flottheita og framfara var
fjármálabullinu samfara.
Nú kemur ár með trega og tár og
tímabil efnahagshamfara.
Í ritdómi Jóns Ólafssonar um
forsetabók Guðjóns Friðrikssonar
sagði að ást Guðjóns til forsetans
væri rauðu þráðurinn í bókinni.
Már Högnason bloggvera orti á
Moggablogginu:
Hingað leitar hugurinn
hjartað á sér leyndan stað;
Guðjón elskar Ólaf sinn:
Ætli Dorrit viti það?
VÍSNAHORN pebl@mbl.is
Af limruleik
og forseta