Morgunblaðið - 01.02.2009, Blaðsíða 26
26 Tíska
MORGUNBLAÐIÐ SUNNUDAGUR 1. FEBRÚAR 2009
Eftir Ingu Rún Sigurðardóttur
ingarun@mbl.is
H
erratískuviku í París er nýlokið
en þar sýndu hönnuðir vetrar-
tískuna eins og þeir sjá hana
fyrir sér næsta haust. Tísku-
húsin virtust flest hafa það í
huga að bjóða upp á eitthvað söluvænlegt á
þessum samdráttartímum og var meira um
svartan lit en venjulega. Fyrir utan dökku lit-
ina var líka eitthvað um rauða tóna til að
lífga upp á fötin.
„Það er dýpri merking hérna en venjulega.
Það er sköpun í gangi en raunveruleikinn er
samt sem áður tekinn með í reikninginn,“
sagði Jean-Jacques Picart, reynd-
ur ráðgjafi á sjötugsaldri sem
starfar m.a. fyrir lúxusfyr-
irtækið LVMH í samtali við
fréttastofu AFP.
Athygli vekur að í sýn-
ingunum var lítið um
bindi, kannski til marks
um efnahagslægðina
og það að störfum í
bankageiranum
fer fækkandi.
Þess í stað
voru strák-
arnir með
alls kyns
trefla og
klúta
sem oftar
en ekki
voru
bundnir á
skemmtilegan
hátt.
„Maður verður að
reyna að vera bjartsýnn á
þessum tímum. Og maður
verður að hlusta á hvað
fólkið vill,“ sagði Lucas
Ossendrijver, hönnuður
Lanvin en lína tískuhúss-
ins þótti mjög vel heppnuð.
Listrænn stjóri Lanvin tók í
sama streng. „Núna þarf
maður að vera bjartsýnn og
vekja upp þrá hjá fólki.
Hvort er betra að taka pillur
eða kaupa jakka?“ sagði Al-
ber Elbaz, sem útskýrði að
tískuhúsið hefði getað gert
dökka og þunglyndislega línu
en hefði þess í stað ákveðið að
hafa bjartsýnina að leiðarljósi. Von-
andi skilar viðhorfið sér til viðskiptavin-
anna.
LOUIS VUITTON
Þessum verður ekki kalt
um hálsinn.
DIOR
Svart- og hvítt og
ekkert múður.
HERMES
Rauði jakkinn setur sterkan
svip á heildarútlitið.
AP
LANVIN
Klúturinn er bundinn á
skemmtilegan hátt.
LANVIN
Rautt og líflegt
en kannski ekki
fyrir alla.
AP
Bindin flugu burt
LOUIS
VUITTON
Dökkt en ekki
drungalegt.
LANVIN
Listamannalegt og
græni hatturinn er
punkturinn yfir i-ið.