Morgunblaðið - 02.04.2009, Side 36

36 MenningFRÉTTIR
MORGUNBLAÐIÐ FIMMTUDAGUR 2. APRÍL 2009
DOREEN Achieng segir blaða-
manni The Independent að sam-
tímalist sé nothæf – að minnsta kosti
fyrir hana. Achieng býr í bárujárns-
kofa í Kibera-fátækrahverfinu í Nai-
róbíborg í Kenýa og á þakið hjá
henni hefur verið strengdur stór
vatnsþéttur dúkur. Hann heldur
regninu úti en er líka hluti af stóru
listaverki; á honum er risastór ljós-
mynd af augum Achieng sjálfrar.
Á húsþökum í kring eru fleiri stór-
ar, svarthvítar myndir, af augum eða
andlitum fólks sem þar býr. Lista-
maðurinn er franskur, kallar sig JR,
segist vera „stærsti listamaður í
heimi“ og verk hans hafa verið
strengd upp á ýmsum stöðum, frá
Tate Modern til múrveggsins sem
aðskilur Ísrael og vesturbakkann.
Þessi „innsetning“ JR í Nairóbí
hefur vakið umtalsverða athygli.
Ljósmyndirnar eru ekki bara á þök-
um húsa í hverfinu heldur líka á
vögnum einnar lestar sem rennur
gegnum hverfið einu sinni á dag.
Þegar lestin fer í gegn renna mynd-
irnar á henni og nokkrum þakanna í
eitt og myndirnar verða heilar – það
sést bara á einum stað í hverfinu.
Ásjónur
íbúanna
JR vinnur með fá-
tæku fólki í Kenýa
Stefnumót Lest rennur gegnum fá-
tækrahverfið og andlitin verða heil.
HVERFISRÁÐ
Southwark í
London hefur
samþykkt tillögu
um nýbyggingu
við Tate Modern-
safnið í London.
Samkvæmt tillög-
unni verður þetta,
að sögn The Gu-
ardian, ellefu
hæða bygging,
einskonar píramídi klæddur hleðslu-
grjóti, sem opnast eins og japönsk
origami-brotamynd. Svissnesku arki-
tektarnir Herzog og de Meuron, sem
breyttu fyrrverandi rafstöðinni við
Thames-á í Tate Modern fyrir rúm-
um áratug, hafa hannað nýbygg-
inguna.
Þrátt fyrir að fyrstu teikningar
hafi verið samþykktir er ennþá lang-
ur vegur í að byggingunni verði lokið.
Heildarkostnaður er áætlaður 215
milljónir punda, um 40 milljarðar
króna, og enn vantar 145 milljónir til
að dæmið gangi upp. Þegar hefur tíu
milljónum punda verið eytt í und-
irbúning verksins.
Vinsældir Tate Modern hafa farið
fram úr björtustu vonum ráðamanna.
Þegar safnið var opnað árið 2000 var
búist við því að fjöldi gesta yrði að há-
marki 1,8 milljónir á ári. Í fyrra
mættu tæplega fimm milljónir gesta.
Þrátt fyrir að rafstöðin fyrrverandi
sé gríðarstór, er talið að þessi mann-
fjöldi geri stækkun óumflýjanlega.
Safnstjórinn, Nicholas Serota, ger-
ir ráð fyrir að nýju byggingunni verði
lokið árið 2013 eða 2014 – ekki sé
raunhæft að hún verði opnuð árið
2012 þegar Ólympíuleikarnir verða
haldnir í borginni.
Tate Mod-
ern stækkar
Tölvuteikning af
nýbyggingunni.
INDVERSKI myndlistarmað-
urinn Bonoprosonno verður
með fjórar listasmiðjur fyrir
börn í Listasafni Árnesinga
6.–8. apríl. Fyrir börn á aldr-
inum 8–12 ára eru annars veg-
ar Froskar á Íslandi sem er
skemmtilegt pappírsklipp og
hins vegar Umbreyting hluta
þar sem úreltir hlutir ganga í
endurnýjun lífdaga. Fyrir 10-
12 ára er í boði námskeið sem
heitir Skordýraljós. Þar vinna börnin með papp-
írsklipp og útbúa lampa. Yngstu börnin, 4-7 ára,
fá síðan að vinna renning með Baniprosonno.
Nánari upplýsingar og skráning á www.lista-
safnarnesinga.is og í síma: 4831727 kl. 12–18.
Myndlist
Listasmiðjur fyrir
börn í Hveragerði
Baniprosonno
ÞÓRA Einarsdóttir sópran og
Antonía Hevesi píanóleikari
koma fram á hádegistónleikum
í Hafnarborg í dag kl. 12.
Tónleikarnir bera yfirskrift-
ina Mozart og ástin og eru arí-
ur eftir Mozart á dagskrá.
Þetta eru þriðju tónleikar
ársins í hádegistónleikaröðinni
en frá árinu 2003 hefur Hafn-
arborg staðið fyrir tónleikum í
hádeginu, fyrsta fimmtudag
hvers mánaðar, frá september til maí.
Tónleikarnir standa yfir í um hálfa klukkustund
og eru hugsaðir sem tækifæri fyrir fólk til að njóta
góðrar tónlistar í hádegishléi. Enginn aðgangs-
eyrir og allir velkomnir.
Tónlist
Mozart og ástin
í Hafnarborg
Þóra Einarsdóttir
KVINTETT Þorvaldar Þórs
Þorvaldssonar leikur í djass-
klúbbnum Múlanum í kvöld,
fimmtudagskvöld, og hefjast
tónleikarnir klukkan 21.
Trommuleikarinn Þorvald-
ur Þór Þorvaldsson kemur
fram ásamt fjögurra manna
hljómsveit en með honum
leika þeir Eyþór Gunnarsson
píanóleikari, Óskar Guð-
jónsson saxófónleikari, Ómar
Guðjónsson gítarleikari og bandaríski rafbassa-
leikarinn Jon Estes. Á efnisskránni verður ein-
göngu ný tónlist eftir Þorvald, en tónleikarnir
eru liður í undirbúningi fyrir upptökur á fyrstu
sólóplötu hans.
Tónlist
Kvintett Þorvaldar
Þórs á Múlanum
Þorvaldur Þór
Þorvaldsson
Eftir Ingveldi Geirsdóttur
ingveldur@mbl.is
„HÁTÍÐIN í ár er mjög fjölbreytt
og sjónum er ekki beint að einni
ákveðinni listgrein eins og hefur ver-
ið,“ segir Hrefna Haraldsdóttir, list-
rænn stjórnandi Listahátíðar í
Reykjavík. „Hátíðin verður sýnileg
úti á götum og hún fer heim í stofur
og út á ystu nöf, hún er mjög víð-
feðm og stór en það eru um sjötíu
viðburðir á tveim-
ur vikum í boði
með þátttöku um
500 listamanna.“
Undirbúningur
hátíðarinnar hef-
ur gengið mjög
vel að sögn
Hrefnu. „Við höf-
um þurft á mikilli
jákvæðni og
bjartsýni að
halda í vetur á
þessum erfiðleikatímum í efnahags-
málunum. Nokkrir helstu samstarfs-
aðilar okkar eru ekki lengur til svo
við þurftum að stokka spilin upp á
nýtt og það hefur gengið ótrúlega
vel,“ segir Hrefna. „Hátíðin verður
kraftmikil og tekur á ýmsum málum
bæði í samtímanum og lítur líka til
fortíðar. Ég tel að það sé okkur mik-
ilvægt á þessum tímum að halda
kraftmikla listahátíð til að efla okkur
og auðga í andanum og byggja upp
jákvætt orðspor.
Við höfum farið þá leið að horfa
inn á við og leita kjarnans í þessum
litlu viðburðum eins og stofu-
tónleikum og húslestrum. Við horf-
um líka út á við, eins og hlutverk
listahátíðar verður alltaf að vera, og
svo leitum við okkur nýrra leið-
arljósa með myndlistarsýningunni
Brennið þið vitar sem er í fjórum vit-
um, einum í hverjum landsfjórð-
ungi,“ segir Hrefna sem er þegar
farin að undirbúa næstu Listahátíð,
árið 2010.
Um sjötíu viðburðir á Listahátíð í Reykjavík sem fer fram dagana 15. til 31. maí
Kraftmikil og víðfeðm hátíð
Morgunblaðið/Árni Sæberg
Fjölbreytt listahátíð Félagar úr hljómsveitinni Hjaltalín komu fram ásamt gestum á kynningu Listahátíðar í
Reykjavík á Kjarvalsstöðum í gær, en sveitin mun troða upp með strengjasveit í Íslensku óperunni á hátíðinni.
Hrefna
Haraldsdóttir
HEILDARDAGSKRÁ Listahátíðar í
Reykjavík 2009 var kynnt á Kjar-
valsstöðum í gær.
Einn hápunktur hátíðarinnar er
flutningur fyrstu færeysku óp-
erunnar hér á landi, Í Óðam-
ansgarði eftir færeyska tónskáldið
Sunleif Rasmunssen. Íslenska óper-
an Hel eftir Sigurð Sævarsson verð-
ur líka frumsýnd og Þjóðmenning-
arhúsið tekið yfir af 50 manna
leikhópi sem sýnir þar Orbis terræ.
Mexíkósk-kanadíska söngkonan
Lhasa de Sela heldur tónleika með
hljómsveit á Nasa, hún er lagahöf-
undur og sagnaskáld sem hefur
verið nefnd kvenkynsútgáfan af
Tom Waits.
Stórsveit Reykjavíkur kemur nú í
fyrsta sinn fram á Listahátíð og
með sveitinni verður saxófónleik-
arinn Bob Mintzer, Grammyverð-
launahafi frá Bandaríkjunum.
Víkingur Heiðar Ólafsson píanó-
leikari heldur einleikstónleika í Há-
skólabíói þar sem hann frumflytur
eigin sönglagaumskrifanir á ís-
lenskum sönglögum.
Hjaltalín ásamt kammersveit
heldur tónleika í Íslensku óperunni
undir stjórn Daníels Bjarnasonar.
Margt fleira verður í boði, t.d
götulistamenn, gjörningar og fjöl-
breyttar myndlistarsýningar.
Nokkrir dagskrárliðir hafa þeg-
ar verið kynntir, þar á meðal tón-
leikar Deborah Voight, breska tríó-
ið Tiger Lillies og þeir 36
stofutónleikar og húslestrar sem
fara fram í heimahúsum víðsvegar
um borg.
Hátíðin verður sett á Kjarvals-
stöðum 15. maí og þá um leið opnuð
sýning á verkum Nínu Tryggva-
dóttur og Louisu Matthíasdóttur.
Miðasala á alla viðburði hátíð-
arinnar hófst í gær á netinu,
www.listahatid.is.
Dagskrárbrot
NÝJA testamentið kemur í dag út á hljóðbók í
fyrsta sinn á Íslandi.
„Útgáfan er samstarfsverkefni á milli Forlags-
ins, Hins íslenska biblíufélags og Blindra-
bókasafns Íslands,“ segir Atli Bollason, kynning-
arstjóri Forlagsins. „Þetta er allt Nýja
testamentið eins og það leggur sig, er á tveimur
diskum og tekur 24 klukkustundir og 2 mínútur í
hlustun.“
Lesarar eru Guðrún Ásmundsdóttir, sr. Hjört-
ur Pálsson, hr. Karl Sigurbjörnsson, hr. Sig-
urbjörn Einarsson, Þórunn Hjartardóttir, Ævar
Kjartansson og sr. Örn Bárður Jónsson. Um er að
ræða lestur á nýju Biblíuþýðingunni frá 2007.
Lestur hr. Sigurbjörns Einarssonar á Lúk-
asarguðspjalli er með síðustu verkum hans.
„Örn Bárður, Hjörtur og Karl lesa svo hin guð-
spjöllin þrjú, en Ævar, Guðrún, Örn Bárður, og
Þórunn skipta bréfunum, sem eru mun styttri, á
milli sín.“
Atli segir hljóðbókina hugsaða fyrir alla sem
vilja hlusta á fallegan Biblíulestur þó hljóðbækur
komi blindum, sjónskertum og öldruðum að
mestu gagni.
Spurður hvort von sé á fleiri hljóðbókum frá
Forlaginu segir Atli að ekkert sé neglt niður.
„Við gerum okkur grein fyrir því að hljóð-
bókaútgáfa mun koma til með að aukast. Það er
orðið ódýrara og þægilegra að framleiða þær og
miðla og ég spái því að hljóðbókaútgáfa verði
stærri hluti af okkar útgáfu á næstu árum. Ef
Nýja testamentið gengur vel verður án efa ráðist í
Gamla testamentið líka.“
ingveldur@mbl.is
Nýja testamentið á hljóðbók
Morgunblaðið/RAX
Nýja testamentið Hr. Sigurbjörn biskup Ein-
arsson les Lúkasarguðspjall á hljóðbókinni.
Hr. Sigurbjörn Einarsson
les Lúkasarguðspjall
Hvað varðar „90’s“
partí þá geta þau
ekki eignað sér þessa
tegund tónlistar. 39
»