Morgunblaðið - 03.04.2009, Síða 10
10 Fréttir
MORGUNBLAÐIÐ FÖSTUDAGUR 3. APRÍL 2009
Það er vægt til orða tekið að segjaað Sigurður Einarsson, fyrrver-
andi stjórnarformaður Kaupþings,
sé seinheppinn í orðavali, þegar
hann ákveður á annað borð að láta
hafa eitthvað eftir sér á opinberum
vettvangi.
Á forsíðu Morgunblaðsins í gærvar frétt þess efnis að Sigurður
tók lán hjá VÍS
gegn 200 milljóna
króna veði í hálf-
byggðu sveita-
setri hans við
Veiðilæk í Borg-
arfirði.
Í fréttinni kemurfram að Morg-
unblaðið hafi sent
Sigurði fyrir-
spurn um veðsetninguna.
Orðrétt segir í fréttinni: „Í svariSigurðar segir að hann líti á
persónulegar fjárreiður sínar sem
einkamál og að hann sjái „ekki
ástæðu til að fjalla um þær op-
inberlega. Bygging hússins að
Veiðilæk og málefni einkahluta-
félagsins sem stofnað var vegna
þeirra framkvæmda er hluti af per-
sónulegum fjárfestingum mínum og
ég vil ekki svara spurningum þar að
lútandi“.“
Það var og. Hvað ætli sérstakursaksóknari segi um svona svör?
Ætli Sigurður veiti sérstökum sak-sóknara sambærileg svör þeg-
ar til hans verður leitað? Var eðli-
lega staðið að fjármögnun við
framkvæmdirnar í Þverárhlíð, þar
sem Sigurður stofnaði einkahluta-
félag þar sem hann einn var hluthafi
og tók lán hjá tryggingafélagi?
Þurfa þeir sem fóru fyrir græðgis-væðingu og skuldsetningu upp í
rjáfur ekki að fara að svara af auð-
mýkt og hreinskilni þegar til þeirra
er leitað? Ja, þegar stórt er spurt …!
Sigurður
Einarsson
Seinheppinn í orðavali
HÉÐINN Steingrímsson er nýtt
nafn í hópi þeirra íslensku skák-
manna, sem borið hafa sigur úr
býtum í Reykjavíkurskákmótinu,
en saga þess nær allt aftur til árs-
ins 1964. Aðrir í hópnum eru Frið-
rik Ólafsson, Guðmundur Sig-
urjónsson, Helgi Ólafsson, Jóhann
Hjartarson, Jón L. Árnason og
Hannes Hlífar Stefánsson, sem
einnig var meðal sigurvegara að
þessu sinni.
Helgi Ólafsson stórmeistari seg-
ir að bæði Héðinn og Hannes hafi
teflt mjög vel á þessu móti. Hann
segir að Héðinn hafi verið hætt
kominn í sjöundu umferð en náð
að bjarga tapaðri stöðu í jafntefli.
„En til þess að ná svona áfanga
þurfa menn að vera farsælir,“ seg-
ir Helgi.
Helgi kveðst ekki telja rétt að
úrskurða menn sigurvegara á
grundvelli stigaútreiknings. Engin
hefð sé fyrir slíku og ef fleiri en
einn skákmaður séu efstir og jafn-
ir þurfi að fara fram úrslitakeppni,
til að útkljá sigurvegara mótsins.
Helgi er að flestu leyti ánægður
með Reykjavíkurskákmótið að
þessu sinni og segir að Listasafn
Reykjavíkur sé heppilegur staður
fyrir svona mót. Mótið nú sé veik-
ara en oft áður, enda fjárhags-
staðan erfið eins og allir vita. Mót-
ið sé elsti alþjóðlegi viðburðurinn
sem tengist nafni Reykjavíkur að
því er hann best viti og þar hafi
teflt margir sterkustu skákmenn
heims. Hann telji að hlúa þurfi bet-
ur að mótinu í framtíðinni.
Helgi segir að það sé ánægjuefni
hve ungum skákmönnum hafi
gengið vel í mótinu. Eins hafi ung-
ar skákkonur hækkað umtalsvert í
stigum og séu á mikilli siglingu.
sisi@mbl.is
Efstur Héðinn Steingrímsson
Morgunblaðið/Ómar
Nýtt nafn í hóp ís-
lenskra sigurvegara
ALLS bárust Vinnumálastofnun sjö tilkynningar
um hópuppsagnir í mars, þar sem sagt var upp
samtals 357 einstaklingum.
Þrjár tilkynningar voru úr fjármálastarfsemi,
frá Straumi Burðarási, SPRON og Sparisjóða-
bankanum, með samtals 84% þeirra sem sagt var
upp með þessum hætti. Þrjár uppsagnir voru í
verslun og viðgerðum og ein uppsögn í mann-
virkjagerð. Gert er ráð fyrir að hluti þeirra starfs-
manna, sem misstu starf sitt í SPRON, fái vinnu
hjá MP banka, sem yfirtekur að hluta starfsemi
sparisjóðsins. Því gæti heildartala endanlegra
uppsagna vegna SPRON lækkað um 50 manns, að
mati Vinnumálastofnunar. Einnig er nokkur
óvissa um fjölda uppsagna hjá Straumi Burðarási
og hvenær þær komi til framkvæmda. Vinnumála-
stofnun telur að heildartala uppsagna verði því
trúlega innan við 300 manns.
Helstu ástæður uppsagna eru rekstrarerfiðleik-
ar, verkefnaskortur og endurskipulagning. Ef litið
er á allar tilkynntar hópuppsagnir, sem borist
hafa síðustu mánuði og koma til framkvæmda á
árinu 2009, má sjá að flestir misstu vinnuna í febr-
úar, eða yfir 1.100 manns. Rúmlega 1.000 misstu
vinnuna í janúar og tæplega 500 manns í byrjun
mars. Ríflega 200 manns munu missa vinnuna í
byrjun apríl, rúmlega 100 manns í maí og á bilinu
70-95 í júní til september. sisi@mbl.is
357 var sagt upp í hópuppsögnum
Morgunblaðið/Ómar
Byggt á upplýsingum frá Veðurstofu Íslands
Veður víða um heim kl. 18.00 í gær að ísl. tíma °C Veður
Reykjavík 6 súld Lúxemborg 3 heiðskírt Algarve 8 heiðskírt
Bolungarvík 1 snjókoma Brussel 3 heiðskírt Madríd 4 léttskýjað
Akureyri 2 slydda Dublin 9 heiðskírt Barcelona 10 súld
Egilsstaðir 1 alskýjað Glasgow 8 léttskýjað Mallorca 9 skýjað
Kirkjubæjarkl. 5 alskýjað London 9 alskýjað Róm 12 skýjað
Nuuk -9 skýjað París 1 heiðskírt Aþena 14 skýjað
Þórshöfn 3 alskýjað Amsterdam 0 þoka Winnipeg -5 alskýjað
Ósló 0 skýjað Hamborg 2 léttskýjað Montreal 2 skýjað
Kaupmannahöfn 6 skýjað Berlín 1 heiðskírt New York 5 léttskýjað
Stokkhólmur 5 heiðskírt Vín 4 heiðskírt Chicago 5 alskýjað
Helsinki 3 skýjað Moskva 2 þoka Orlando 16 heiðskírt
Hægt er að lýsa skoðun á ritstjórnar-
greinum Morgunblaðsins á slóðinni
http://morgunbladid.blog.is/
HALLDÓR STAKSTEINAR
VEÐUR
3. apríl Fjara m Flóð m Fjara m Flóð m Fjara m Sólarupprás Sólsetur
REYKJAVÍK 0.01 3,2 6.33 1,3 12.48 2,7 19.00 1,3 6:38 20:25
ÍSAFJÖRÐUR 2.14 1,7 8.56 0,6 15.20 1,3 21.23 0,6 6:38 20:35
SIGLUFJÖRÐUR 4.14 1,1 10.56 0,4 17.37 1,0 23.19 0,6 6:20 20:18
DJÚPIVOGUR 3.32 0,8 9.26 1,4 15.46 0,7 22.28 1,7 6:06 19:56
Sjávarhæð miðast við meðalstórstraumsfjöru Sjómælingar Íslands/Morgunblaðið
Á laugardag
Sunnan 8-15 m/s og skúrir eða
slydduél en hægari og bjartviðri
á norðaustanverðu landinu. Hiti
víða 1 til 6 stig.
Á sunnudag
Austanátt og rigning eða
slydda með köflum, einkum
sunnanlands. Hiti breytist lítið.
Á mánudag
Norðanátt og snjókoma en úr-
komulítið sunnantil. Kólnandi
veður.
Á þriðjudag og miðvikudag
Útlit fyrir norðlæga átt með élj-
um en bjart með köflum fyrir
sunnan. Fremur kalt í veðri.
VEÐRIÐ NÆSTU DAGA
SPÁ KL. 12.00 Í DAG
Norðaustan 10-18 norðvestantil
á morgun, annars víða 8-13.
Rigning með köflum og fremur
hlýtt. Hiti á bilinu 2 til 8 stig.