Morgunblaðið - 03.04.2009, Síða 34

34 MenningFRÉTTIR
MORGUNBLAÐIÐ FÖSTUDAGUR 3. APRÍL 2009
KÓLUMBÍSKI
rithöfundurinn
Gabriel García
Márquez hefur
síðustu áratugi
gnæft eins og risi
yfir bókmennta-
landslag Róm-
önsku Ameríku,
höfundurinn sem
spyrtur hefur
verið við hug-
takið „töfraraunsæi“ allar götur síð-
an skáldsagan Hundrað ára einsemd
kom út og sló í gegn. Nú er García
Márquez á 82. aldursári og að sögn
The Guardian hefur hann ekki skrif-
að neitt að ráði síðan síðasta bók
hans, er nefnist Minningar um döpru
hórurnar mínar í íslenskri þýðingu,
kom út fyrir fimm árum. Nú hefur
umboðsmaður hans, Carmen Bal-
cells, sagt að hún búist ekki við að
García Márquez skrifi neitt meira.
Aðdáendur hans hefur grunað
þetta en vonir kviknuðu á síðasta
ári, þegar annar kólumbískur höf-
undur fullyrti að García Márquez
ynni að nýrri skáldsögu. Umboðs-
maðurinn hefur blásið á þær vonir
og undir það tekur ævisöguritari
García Márquez, Gerald Martin.
Hann sagði blaðamanni að hann ef-
aðist um að nokkuð nýtt eftir nóbels-
verðlaunahafann kæmi út meðan
hann lifði.
„Ég efast líka um að Gabo muni
skrifa fleiri bækur. Það er ekkert að
sjá eftir, því það voru örlög hans sem
rithöfundar að njóta þess að ljúka
glæsilegum rithöfundarferli glæsi-
lega, mörgum árum áður en lífi hans
lýkur,“ segir Martin.
Hjartað vantar
Fyrir nokkrum mánuðum sagði
García Márquez aðdáendum í
Mexíkó að ritstörfin hefðu slitið hon-
um út. „Það reynist mér mjög erfitt
að skrifa bækur,“ sagði hann.
García Márquez hafði áður sagt
að 2005 væri fyrsta árið sem hann
hefði ekki skrifað eina einustu línu.
„Með þeirri reynslu sem ég bý yfir
gæti ég skrifað nýja skáldsögu án
vandamála, en fólk myndi sjá að
hjarta mitt væri ekki í verkinu.“
Sagt er að nokkur eldri óútgefin
handrit séu í fórum höfundarins en
ekkert hefur verið ákveðið hvort
eða hvenær þau verða gefin út.
García Már-
quez hættur
að skrifa
Gabriel García
Márquez
Í DAG kl. 12 verður opnuð sýn-
ing á verkum Jóns Axels
Björnssonar myndlistarmanns
í safnaðarheimili Neskirkju við
Hagatorg.
Á sýningu Jóns Axels verða
aðallega olíumálverk en nokk-
uð er nú um liðið síðan hann
sýndi slík verk síðast.
Sýningin stendur til sept-
ember en hún er liður í þeirri
stefnu Neskirkju að nýta frábært rými safn-
aðarheimilis kirkjunnar til að kynna verk ís-
lenskra listamanna. Síðasta saltfiskmáltíð þess-
arar föstu verður og á borð borin undir borðræðu
sr. Sigríðar Guðmarsdóttur.
Myndlist
Jón Axel sýnir
í Neskirkju
Jón Axel Björnsson
Heimshorna-
flakkarinn og of-
urböskarinn,
hinn eini sanni
Leo Gillespie
heiðrar landann
eins og svo oft
áður með hlýrri
spilamennsku sinni, en í þetta sinnið treður hann
upp á Sjávarbarnum, Grandagarði. Hefjast tón-
leikarnir kl. 21. Líf böskarans er oft einmanalegt
en svo verður ekki í kvöld því að honum til halds
og trausts verður bassaleikarinn Þorleifur Guð-
jónsson, sem er þekktur fyrir spilamennsku með
Bubba Morthens og KK. Meðfram ljúfum tónum
er boðið upp á blúsað sjávarréttahlaðborð.
Tónlist
Leo og Þorleifur
á Sjávarbarnum
Leo og Þorleifur
HALLA Helgadóttir, graf-
ískur hönnuður og fram-
kvæmdastjóri Hönn-
unarmiðstöðvar Íslands,
heldur fyrirlestur í Ketilhúsinu
á Akureyri í dag kl. 14.50.
Fyrirlesturinn mun fjalla um
óvissuferðina sem vinna hönn-
uðarins er og hverju hönnun og
hugvit getur áorkað.
Halla mun tala um starf sitt
sem hönnuður og nýstofnaða Hönnunarmiðstöð
Íslands sem hún stýrir.
Fyrirlesturinn er hluti af fyrirlestraröð Verk-
menntaskólans á Akureyri, Listasafnsins á Ak-
ureyri og Menningarmiðstöðvarinnar í Grófargili.
Hönnun
Hugvitið, hönnunin
og óvissuferðin öll
Halla Helgadóttir
Eftir Einar Fal Ingólfsson
efi@mbl.is
ÞETTA á ekki að vera yfirlitssýning
– þetta er bara einn vinkill af mörg-
um sem ég er að fást við,“ segir Guð-
rún Kristjánsdóttir myndlistarmað-
ur. Hún hefur leitt mig um báðar
hæðir Hafnarborgar, þar sem hún
opnar á morgun sýninguna Veð-
urskrift, sýningu sem er æði fjöl-
breytileg og birtir margar hliðar á
listakonunni. Þess vegna spurði ég
hvort þetta væri ekki einskonar yf-
irlitssýning.
Um árabil hefur Guðrún leitað
markvisst til náttúrunnar og vakið at-
hygli fyrir persónuleg myndverk þar
sem efniviðurinn er meðal annars
fjallshlíðar með snjósköflum, þoka og
blámi fjallanna.
Guðrún skiptir sýningunni í
þrennt. Á efri hæðinni er umfangs-
mikil innsetning, Veðurlag. Steindór
Andersen heyrist tóna vísur sem
Guðrún valdi og Hróðmar I. Sigur-
björnsson samdi tónverk við. Graf-
ískar myndir, sem vísa til eldri verka
Guðrúnar af fjallshlíðum, hreyfast á
vegg í miðjum sal og endurkastast á
gler á útveggjunum.
„Ég er að skoða þessa síbreytilegu
teikningu veðursins,“ segir Guðrún.
„Ég hugsa um þetta eins og skrift
gegnum tíðina.“
Svo mikið í sarpinum
Ljósmyndahluti sýningarinnar er á
neðri hæðinni og kallast Veðursögur.
Þar segir af hreti á glugga, snjó sem
er að bráðna og hverfa, fjallshlíðum
og einmana vopnlausum útrásarvík-
ingi.
„Sumt af þessu eru stillur úr
myndbandsverkum,“ segir Guðrún
þar sem hún leiðir mig um. „Ég á svo
mikið í sarpinum. Hér eru hlutar úr
hinu og þessu. Í þessari mynd þarna
er ég að skoða bláma fjallanna,“ segir
hún og bendir, „og í þessum er ég að
skoða skæni á drullupollum og það
sem speglast í þeim. Þetta er ægilega
hversdagslegt – það er vinnan mín að
taka þetta úr hversdagsleikanum.“
Í innsta salnum eru Veðurskrif-
stofur. Þar er m.a. skoðað hvernig
veðrið skrifar nýja og nýja mynd í
fjallshlíðar og er það borið saman við
endurskriftir íslenskra handrita.
Þarna eru sýningarstjórinn Birta
Guðjónsdóttir og Oddný Eir Ævars-
dóttir, heimspekingur, dóttir Guð-
rúnar, að raða saman myndum, ljós-
ritum og textum í innsetningu. „Hér
er bókverk í uppsiglingu,“ segir Guð-
rún og bætir við: „Þetta á ekki að
vera yfirlitssýning.“
Veður og skrift er efni sýningar sem Guðrún Kristjánsdóttir opnar í Hafnarborg
Skoðar síbreyti-
lega teikningu
Morgunblaðið/Einar Falur
Fjallasafn Guðrún hugar að verkum áður en glerið fer yfir. Fjær eru dóttir
hennar, Oddný Eir Ævarsdóttir, og sýningarstjórinn, Birta Guðjónsdóttir.
Í HNOTSKURN
» Sýning Guðrúnar Kristjáns-dóttur, Veðurskrift, verður
opnuð í Hafnarborg í Hafnarfirði
á morgun, laugardag, kl. 15.
» Á sýningunni eru innsetn-ingar, hljóðverk, málverk,
myndbönd og ljósmyndir.
LITLA ljóðahátíðin verður haldin í
fyrsta skipti í kvöld og á morgun í
Populus Tremula á Akureyri. Mark-
miðið með hátíðinni er, að sögn að-
standenda, að gefa heilsteypta mynd
af íslenskri ljóðlist ár hvert og bjóða
upp á spennandi viðburði fyrir unn-
endur ljóðsins.
„Menningarstarf á Akureyri hefur
verið mjög öflugt undanfarin ár;
margar áhugaverðar sýningar á
Listasafninu og mikil gróska í tónlist-
inni, svo dæmi séu tekin. En okkur
finnst vanta upp á að bókmenntirnar
séu í hávegum hafðar í hinu lifandi
menningarlífi; ekki bara hér fyrir
norðan heldur á Íslandi almennt,“
sagði Gunnar Már Gunnarsson, tals-
maður hátíðarinnar, í samtali við
Morgunblaðið.
Byrjað er smátt, en af litlum neista
verður oft mikið bál, eins og segir í
kvæðinu; stefnt er að því að festa há-
tíðina í sessi sem árlegan bókmennta-
viðburð á Norðurlandi, utan hefð-
bundins kynningartíma
bókmenntanna.
Og þrátt fyrir hógværð við nafna-
val er dagskráin ekki lítil, þótt stutt
sé. „Húsnæðið í kjallara Listasafns-
ins er reyndar lítið og nálægðin er
einmitt það sem við erum að sækjast
eftir; að andrúmsloftið verði þægi-
legt, bæði fyrir flytjendur og gesti.“
Á hátíðinni koma fram Þórarinn
Eldjárn, Þorsteinn frá Hamri, Ing-
unn Snædal, Gyrðir Elíasson, Jón
Laxdal, Aðalsteinn Svanur og Magn-
ús Sigurðsson auk þess sem Eiríkur
Örn Norðdahl verður með víd-
eóinnlegg. Þá fer fram „lítið málþing“
um ljóðlist þar sem Þorvaldur Þor-
steinsson og Kristján Kristjánsson
fjalla um ljóðagerð á 21. öld.
Gunnar Már segir kostnað tölu-
verðan. „Það er miklu dýrara að
halda svona hátíð hér en í Reykjavík
en við vorum svo heppnir að menn-
ingarsjóðir hér fyrir norðan styðja
vel við bakið á okkur.“ Og þeir sem
leitað var til um að koma fram á há-
tíðinni voru allir mjög jávæðir strax.
„Það var miklu auðveldara að fá fólk
til að koma en ég hafði gert ráð fyrir.“
Skipuleggjendur hátíðarinnar eru
þrír; Gunnar, Atli Hafþórsson og
Hjálmar Stefán Brynjólfsson. Vert er
að geta þess að aðgangur að öllum
viðburðum hátíðarinnar er ókeypis.
skapti@mbl.is
Stórmenni ljóðsins á lítilli hátíð
Morgunblaðið/Kristinn
Hátíð Þorsteinn frá Hamri er einn þeirra sem lesa úr eigin verkum.
Heilsteypt mynd af íslenskri ljóðlist
kynnt á Populus Tremula á Akureyri
Íslendingar
eru stríðsmenn
og kunna að standa sig
í svona ástandi36
»
Föstudagur kl. 21: Ljóðakvöld í
Populus Tremula. Ingunn Snædal,
Jón Laxdal og Þórarinn Eldjárn.
Eiríkur Örn Norðdahl flytur víd-
eóljóðagjörning,
Laugardagur kl. 14: Málþing um
ljóðlist. Kristján Kristjánsson út-
gefandi: Útgáfa ljóða á 21. öldinni.
Þorvaldur Þorsteinsson rithöf-
undur: Ljóðlist 2.0-2.1 (frá upp-
hafningu til upphafs and back
again).
Laugardagur kl. 21: Ljóðakvöld
í Populus Tremula. Aðalsteinn
Svanur Sigfússon, Gyrðir Elíasson,
Magnús Sigurðsson og Þorsteinn
frá Hamri.
Ljóðskáldin munu öll lesa úr
verkum sínum og ráða því sjálf
hvað verður á boðstólum.
Ljóðskáldin fá
lausan taum