Morgunblaðið - 03.04.2009, Qupperneq 23

MORGUNBLAÐIÐ FÖSTUDAGUR 3. APRÍL 2009
FYRIR Alþingi
liggur nú stjórn-
arfrumvarp um
breytingu á tekju-
skattslögunum. Ein
af þeim tillögum sem fram koma í
frumvarpinu er að innleiða skatt á
vexti sem erlendir aðilar fá
greidda hér á landi. Meðal annars
er því haldið fram í frumvarpinu
að skattlagning vaxta úr landi sé
nær almenn regla í okkar heims-
hluta. Staðhæfing þessi er hæpin í
ljósi þess að ekkert Norður-
landanna innheimtir almennt skatt
á vaxtagreiðslur til erlendra aðila
og að aðildarríki Evrópusam-
bandsins hafa innleitt vaxta- og
þóknanatilskipun sem hefur það að
markmiði að afnema afdrátt-
arskatt á vaxtagreiðslur milli fé-
laga innan sambandsins.
Aukinn kostnaður
fyrir íslenska lántaka
Í raun verða það íslenskir lán-
takendur sem bera munu afdrátt-
arskattinn af vaxtagreiðslunum.
Lánveitandi leggur upp með að fá
ákveðið endurgjald fyrir það fé
sem hann lánar. Ef kostnaður
eykst við að veita lánið veltir lán-
veitandinn kostnaðinum yfir á lán-
taka. Lánveitandinn hækkar
vaxtaálagið til að fá það sama í
tekjur og áður. Almennir skil-
málar skuldabréfa og lánasamn-
inga útgefnum á alþjóðlegum fjár-
málamarkaði fela flestir í sér
ákvæði um að ef afdráttarskattur
á vexti er innheimtur að þá greiði
lántaki hærri vexti til að tryggja
það að lánveitandi verði eins sett-
ur og ef enginn afdráttarskattur
væri innheimtur. Ekki þarf að fara
mörgum orðum um bagalegar af-
leiðingar þessa, sérstaklega í ljósi
núverandi efnahagsástands þar
sem erlent fjármagn er af skorn-
um skammti og fjármagnskostn-
aður er nú þegar að sliga innlend
félög. Um neikvæðar afleiðingar
þess að innheimta afdráttarskatta
á vaxtagreiðslur er m.a. fjallað af
OECD í greinargerð við tvískött-
unarsamningsmódel OECD. Í
frumvarpinu er því haldið fram að
vegna endurgreiðslu eða frádrátt-
arréttar, á grundvelli tvískött-
unarsamninga eða reglum í heima-
ríki móttakanda vaxta, ætti
skattbyrði lánveitanda ekki að
þyngjast þrátt fyrir skattlagningu
vaxtanna á Íslandi og þar af leið-
andi ætti heldur ekki að aukast
vaxtabyrði íslenska greiðandans.
Staðhæfing þessi er rétt að því er
varðar vaxtagreiðslur til móttak-
anda í ríki sem gerður hefur verið
við tvísköttunarsamningur er
kveður á um 0% afdráttarskatt af
vaxtagreiðslum. Á það við um 21
af þeim 36 ríkjum sem Ísland hef-
ur gert tvísköttunarsamning við.
Staðhæfingin er hins vegar hæpin
að því er varðar þau 15 tvískött-
unarsamningsríki sem eftir
standa. Ótalin eru þá áhrif breyt-
ingarinnar á vaxtagreiðslur til
móttakanda í einhverju þeirra 156
þjóðríkja sem Ísland hefur ekki
gert tvísköttunarsamning við,
þ.m.t. flest Asíuríki sem telja
verður líklega lánveitendur á kom-
andi árum.Telja verður að hér sé á
ferðinni ofmat á áhrifum endur-
greiðslu og frádráttarréttar.
Skattlagningin á Íslandi mun mið-
ast við greidda vexti (brúttó vaxta-
tekjur) en endurgreiðsla eða frá-
dráttur miðast yfirleitt við skatt af
nettó vaxtatekjum. Nefna má það
dæmi að erlendur banki fengi 1000
í vexti frá íslenskum lántaka og
sætti því á Íslandi skattlagningu
er næmi 150 (15%). Að því gefnu
að vaxtabyrði erlenda bankans af
fjármögnun lánsfjárins væri 950
næmu nettó vaxtatekjur hans
vegna lánsins 50. Að því gefnu að
skatthlutfall í heimaríki bankans
væri sama og á Íslandi yrði reikn-
aður skattur þar í landi á nettó
vaxtatekjurnar 7,5 (15% af 50).
Frádrátturinn takmarkaðist við
7,5. Ástæðan fyrir því frádrátt-
urinn takmarkast við 7,5 er sú að
það er sá skattur sem bankinn
ætti að greiða í skatt í sínu heima-
ríki af tekjunum frá Íslandi. Ef
heimaríki bankans veitti meiri frá-
drátt væri það að greiða fyrir
aukna skattlagningu á Íslandi.
Greinarhöfundum er ekki kunnugt
um neitt ríki sem er tilbúið að
fjármagna aukna skatta í öðru
ríki. Tap erlenda bankans af lán-
veitingunni yrði því 100 (50 í
tekjur – 150 í skatt), verði frum-
varpið að lögum. Skattgreiðslan á
Íslandi næmi því þreföldum raun-
verulegum tekjum bankans af lán-
inu. Að framangreindu virtu er
óraunhæft að ætla annað en að
lagabreyting þessi muni hafa um-
talsverð neikvæð áhrif á lána-
möguleika erlendis og vaxtakjör
erlendra lána.
Breytingar
Við samningu frumvarpa sem
breyta eiga lögum sem íþyngjandi
eru fyrir borgarana verður að
gera þær kröfur að vandað sé til
verka og að fram komi réttar upp-
lýsingar til grundvallar ákvarð-
anatöku löggjafans. Frumvarpi því
sem hér hefur verið gert að um-
ræðuefni er ekki ætlað að koma til
framkvæmda fyrr en í upphafi
næsta árs. Nægur tími er því til að
lagfæra frumvarpið. Skorað er á
Alþingi að samþykkja frumvarpið
ekki í núverandi mynd, heldur
vinna það betur og taka fyrir í
breyttri mynd á komandi haust-
þingi.
Eignarskattur
Umræða um hugsanlega upp-
töku eignarskatts hefur verið
áberandi í fjölmiðlum síðustu
daga. Í því samhengi hefur oft
verið vísað til þess að Norð-
urlöndin innheimti slíkan skatt.
Hið rétta er að einungis Noregur
innheimtir slíkan skatt. Af aðild-
arríkjum Evrópusambandsins er
það einungis Frakkland sem legg-
ur eignarskatt á þegna sína.
Álagning eignarskatts heyrir því
til undantekninga í okkar heims-
hluta og frá og með árinu 2001
hafa fimm ríki á Evrópska efna-
hagssvæðinu afnumið eignarskatt.
Löggjafinn afvegaleiddur
Símon Þór Jónsson
og Ágúst Karl Guð-
mundsson gera at-
hugasemdir við
stjórnarfrumvarp
um breytingu á
tekjuskattslög-
unum og lögum um
staðgreiðslu op-
inberra gjalda.
» Í raun verða það ís-
lenskir lántakendur
sem bera munu afdrátt-
arskattinn af vaxta-
greiðslunum.
Símon Þór
Jónsson
Símon Þór er forstöðumaður
skattasviðs KPMG. Ágúst Karl er
verkefnisstjóri á skattasviði KPMG.
Ágúst Karl
Guðmundsson
Í FYRRI grein um
Baugsmiðla benti ég á
að Jón Ásgeir hefði
notað sér ítök og eign í
Byr til að tryggja sér
völd í fjölmiðlaheim-
inum. Það gerðist eftir
bankahrunið þegar
hann keypti Frétta-
blaðið og Stöð 2 út úr
365 miðlum. Nú íhugar
ríkisstjórn að leggja ríkisstyrk til
sömu bankastofnunar. Kannski væri
bara hreinlegast að setja Jón Ásgeir
beint á fjárlög svo dýr sem hann er
að verða skattgreiðendum.
Á sínum tíma voru það núverandi
stjórnarflokkar sem lögðust ásamt
forseta Íslands í harða baráttu fyrir
frelsi Baugsveldisins til að drottna
yfir fjölmiðlaveldi landsmanna.
Lengi vel taldi ég að þar hefðu
Vinstri grænum aðeins orðið á mis-
tök en ef það er nú alvara Stein-
gríms J. að leggja Byr til úr rík-
issjóði sem svarar 20%
af bókfærðu fé fer ég
að efast. Það sem nú
stendur upp úr í þessu
er mikilvægi hins deyj-
andi Baugsveldis að
halda inni í krumlu
sinni fjölmiðlaveldi, sér
og sínum til varnar.
Nýlega benti ég á þá
ósvífni Fréttablaðsins
að birta alls ekki grein-
ar sem væru áróðri
blaðsins skeinuhættar
og benti á að blaðið
væri fjær ritfrelsi heldur en jafnvel
gömlu flokksblöðin, Þjóðviljinn, Al-
þýðublaðið og Tíminn. Fyrir skrif
þessi sem birtust á heimasíðu höf-
undar hlaut ég kárínur og árásir
nokkurra starfsmanna Baugs en
vitaskuld varð þar enginn til að
skammast sín, ekki frekar en á DV
þegar ritstjóri þar varð uppvís að
grófri misnotkun á fjölmiðli.
Fréttablaðið birtir dag hvern
þrjár til sex pólitískar viðhorfs-
greinar launaðra pistlahöfunda og
blaðamanna sinna en telur sig þess
umkomið að neita almenningi alfarið
að birta greinar hjá sér, ef þær koma
við kaun blaðsins. Við sem tilheyrum
stjórnmálaelítu landsins njótum
undanþágu en almenningur fær þar
ekki birtar greinar.
Þráfaldlega er ég af vinum var-
aður við að gagnrýna fjölmiðil, það
sé svo hættulegt og víst er að miðlar
Baugs svífast einskis í að hafa æru
og sóma af andstæðingum sínum.
Þar taka menn jafnvel ófrjálsri
hendi tölvuskjöl til ófræginar og út-
úrsnúnings.
Baugsmiðill og
ríkisstjórnin hans
Bjarni
Harðarson skrifar
um Baugsveldið
» Það sem nú stendur
upp úr í þessu er
mikilvægi hins deyjandi
Baugsveldis að halda
inni í krumlu sinni
fjölmiðlaveldi, sér og
sínum til varnar
Bjarni Harðarson
Höfundur er bóksali og býður sig
fram til Alþingis á L-lista
fullveldissinna í Reykjavík.
mbl.is
ókeypis
smáauglýsingar
SPARISJÓÐABANKI
ÍSLANDS HF.
TILKYNNING UM
GREIÐSLUSTÖÐVUN
Þann 23. mars 2009 veitti héraðsdómur Reykjavíkur
Sparisjóðabanka Íslands hf., kt. 681086-1379, Rauðarárstíg 27,
105 Reykjavik, heimild til greiðslustöðvunar.
Tómasi Jónssyni hrl. var falið að gegna starfi aðstoðarmanns á
greiðslustöðvunartímibili. Af þessum sökum og með vísan til
13. gr. laga nr. 21/1991 um gjaldþrotaskipti o.fl. er boðað til fundar
með lánardrottnum bankans. Fundurinn verður haldinn mánudaginn
9. júní 2009 kl. 10:00 árdegis að Rauðarárstíg 27, 105 Reykjavík.
Rétt til fundarsóknar eiga þeir sem eiga kröfu á hendur
Sparisjóðabanka Íslands hf.
Jafnframt tilkynnist að þinghald um heimild Sparisjóðabanka
Íslands hf. til greiðslustöðvunar verður háð í Dómhúsinu við
Lækjartorg, Reykjavík, mánudaginn 15. júní 2009 kl. 13:15 en
samkvæmt úrskurði héraðsdóms Reykjavíkur stendur heimild
bankans til greiðslustöðvunar fram til þess tíma.
Tómas Jónsson hrl., aðstoðarmaður Sparisjóðabanka Íslands hf.
við greiðslustöðvun.
• Hreinsar loft með sérstakri jónatækni
• Minnkar ryk og lykt í andrúmsloftinu
• Minnkar frjókorna- og dýraofnæmi
• Hreinsar allt að 56m3 rými
• Vottað af bresku ofnæmissamtökunum
• Fylling endist í allt að 2 mánuði
• Gengur fyrir 2xAA rafhlöðum
• Veggfesting fylgir
• Hljóðlaust
TILBOÐ Á TÆKI OG AUKAFYLLINGU
FULLT VERÐ 12.995
TILBOÐ KR. 9.995
UMBOÐSMENN UM LAND ALLT
lofthreinsitæki
Hreint loft með
EYRARVEGI 21 SELFOSSI - GARÐARSBRAUT 18A HÚSAVÍK - GLERÁRGÖTU 36 AKUREYRI - SUÐURLANDSBRAUT 26 REYKJAVÍK