Morgunblaðið - 03.04.2009, Blaðsíða 11
Fréttir 11INNLENT
MORGUNBLAÐIÐ FÖSTUDAGUR 3. APRÍL 2009
LYFJAGREIÐSLUNEFND hefur
endurskoðað verð á lyfinu tysabri
sem er notað fyrir MS-sjúklinga.
Endurskoðunin er til samræmis við
meðalverð á lyfinu í samanburð-
arlöndunum Danmörku, Noregi,
Svíþjóð og Finnlandi. Verðlækk-
unin er að raunvirði um 18,5%. Má
gera ráð fyrir að um sé að ræða 18
milljóna kr. lækkun á árskostnaði á
heildsöluverði miðað við sölu lyfs-
ins á síðasta ári.
Ódýrara tysabri
fyrir MS-sjúklinga
Í FYRRADAG voru stofnuð íbúa-
samtök í Norðlingaholti. Um 50
manns mættu á stofnfund samtak-
anna sem haldinn var í Norðlinga-
skóla. Ákveðið var á fundinum að
stofnfélagaskrá félagsins yrði opin
til 6. júní nk. og liggur hún frammi í
Norðlingaskóla. Formaður samtak-
anna var kjörinn Jón Óli Sigurðs-
son og varaformaður Hildur Ingv-
arsdóttir. Hægt er að koma
ábendingum til samtakanna á net-
fangið jonoli@simnet.is.
Ný íbúasamtök
HVALASKOÐUNARSAMTÖK Ís-
lands hafna alfarið þeim tillögum
sem hvalveiðimenn og starfsmenn
Hafrannsóknastofnunar setja fram
um „afmörkun svæða til hvalaskoð-
unar“. Tillagan ber þess merki að
Hafró hefur frá upphafi verið mál-
pípa hvalveiðimanna, segir í álykt-
un. „Hvalaskoðunarsamtök Íslands
krefjast þess að sjávarútvegs-
ráðherra skipi nefnd óháðra vís-
indamanna sem fær er um að koma
með tillögu um fyrirhugaða af-
mörkun svæða fyrir hvalaskoðun.“
Hafna svæðum
fyrir hvalaskoðun
HÁSKÓLARÁÐ Háskólans á Ak-
ureyri samþykkti í gær nýjar regl-
ur sem fela í sér að akademísk
starfsemi háskólans verður eft-
irleiðis skipulögð í einingum sem
nefnast fræðasvið og deildir. Sam-
kvæmt þessu skiptist háskólinn í
þrjú fræðasvið; heilbrigðisvís-
indasvið, hug- og félagsvísindasvið
og viðskipta- og raunvísindasvið.
Breyttur háskóli
STUTT
Borgarfjörður | Í síðustu viku var haldin vígslu- og opnunar-
hátíð í nýju húsnæði leikskólans Andabæjar á Hvanneyri. Var
öllum nágrönnum og velunnurum skólans boðið í heimsókn til
að vera við formlega opnum skólans.
Páll S. Brynjarsson, sveitarstjóri í Borgarbyggð, afhenti
Valdísi Magnúsdóttur leikskólastjóra lyklavöld að nýju hús-
næði. Sr. Flóki Kristinsson blessaði bygginguna. Leikskólinn
er þriggja deilda og getur rúmað hátt í sjötíu leikskólanem-
endur.
Margar góðar gjafir bárust og færðu meðal annars nem-
endur Grunnskóla Borgarfjarðar á Hvanneyri leikskólanum
stafrófið og ávaxtamyndir, sem nemendur grunnskólans unnu.
Andabær opinn
fyrir börnum
Morgunblaðið/Davíð Pétursson
Gjafir Við vígslu- og opnunarhátíðina færðu nemendur Grunnskóla Borgarfjarðar á
Hvanneyri leikskólanum stafrófið og ávaxtamyndir, sem þeir höfðu unnið.
Opnunarhátíð nýs leikskóla