Morgunblaðið - 16.04.2009, Blaðsíða 12

12 FréttirINNLENT
MORGUNBLAÐIÐ FIMMTUDAGUR 16. APRÍL 2009
ÁGREININGUR er um það hvort sveitarstjórn
Skeiða- og Gnúpverjahrepps hafi kynnt íbúum til-
lögu að breytingum á aðalskipulagi með fullnægj-
andi hætti. Ekki var haldinn kynningarfundur um
breytinguna með sama hætti og þegar aðalskipu-
lagið sjálft var til afgreiðslu.
Kom þetta fram á fundi umhverfisnefndar Al-
þingis í gærmorgun. Atli Gíslason, þingmaður VG
og varaformaður nefndarinnar, segir lögskylt að
halda kynningarfund um breytingar á skipulagi áð-
ur en athugasemdafrestur rennur út. Það hafi ekki
verið gert. Eygló Harðardóttir, þingmaður Fram-
sóknarflokksins og fulltrúi í umhverfisnefnd, segir
að fram hafi komið að almennt væru ekki haldnir
kynningarfundir með íbúum þegar breytingar sem
þessar væru gerðar og því sæi hún enga ástæðu til
annars en að ráðherra staðfesti skipulagið. Atli seg-
ir breytinguna verulega þar sem nú sé gert ráð fyrir
tveimur virkjunum í stað einnar í fyrra skipulagi.
Fulltrúar Skeiða- og Gnúpverjahrepps og um-
hverfisráðherra voru kallaðir á fund umhverfis-
nefndarinnar til að fara yfir málið að ósk Eyglóar og
sjálfstæðismannanna Kjartans Ólafssonar og Jóns
Gunnarssonar sem einnig eiga sæti í nefndinni. Til-
efnið var breyting á skipulagi hreppsins sem nú er
til staðfestingar hjá umhverfisráðherra en hún er
gerð til að koma Holta- og Hvammsvirkjunum í
Þjórsá inn á skipulag. Atli Gíslason hefur gert at-
hugasemdir við skipulagið frá upphafi og fylgt þeim
eftir við Skipulagsstofnun og umhverfisráðherra,
með sama hætti og aðrar skipulagstillögur sem
gera ráð fyrir virkjunum í Þjórsá. Þegar þingmenn-
irnir óskuðu eftir fundinum báðu þau um að Atli
kæmi þangað sem hagsmunaaðili og kom formaður
nefndarinnar því á framfæri. Atli andmælti, taldi að
með því yrði brotið gegn tjáningar- og skoðanafrelsi
sínu, og sat fundinn sem kjörinn fulltrúi. Sveitarfé-
lagið hefur krafist þess að Kolbrún Halldórsdóttir
víki sæti sem umhverfisráðherra við afgreiðslu
málsins og þingmennirnir þrír hafa tekið undir þá
kröfu. Ráðherra mun sjálfur meta hæfi sitt.
„Ég hef mestar áhyggjur af því að VG sé að koma
í veg fyrir atvinnusköpun á Suðurlandi. Það er allt
gert til þess að stöðva þessar framkvæmdir,“ segir
Eygló. Tekur hún fram að með þessum orðum sé
hún meira að ræða um framgöngu Atla Gíslasonar
en ummæli Kolbrúnar Halldórsdóttur áður en hún
varð ráðherra. helgi@mbl.is
Morgunblaðið/RAX
Þjórsá Skipulaginu er breytt til að
koma fyrir nýjum virkjunum í Þjórsá.
Deilt um kynningu tillagna
 Tillögur um að taka Holta- og Hvammsvirkjun inn á skipulag voru ekki kynntar
á íbúafundi  Andstæðingar virkjana telja það ágalla á skipulagsferlinu
Hún var „skuggaleg“ biðröðin fyrir utan Bæjarins
bestu í miðbænum þegar nokkrir svangir vegfar-
endur tóku sér þar stöðu í vikunni. Annríkið er
jafnt og stöðugt við þennan vinsæla pylsuvagn
sem hefur staðið þarna í áratugi, á meðan ýmsar
byggingar í kring hafa horfið sjónum manna.
Morgunblaðið/Golli
Beðið eftir bæjarins bestu pylsum
FRÉTTASKÝRING
Eftir Magnús Halldórsson
magnush@mbl.is
ÓSTÖÐUGLEIKI hefur einkennt
viðskipti með íslensku krónuna und-
anfarin misseri. Krónan hefur
veikst töluvert frá 1. febrúar eða
sem nemur rúmlega 13 prósentum.
Þar vega þungt vaxtagreiðslur til
eigenda jöklabréfa. Sérstaklega
voru þær íþyngjandi í mars. Á sama
tíma beitti Seðlabankinn sér lítið
fyrir því að stuðla að styrkingu með
inngripum á gjaldeyrismarkað. Í
mars námu inngrip Seðlabanka Ís-
lands um 200 milljónum en þau
námu um 1,5 milljörðum í febrúar.
Hinn 11. mars var gengisvísitalan
186 en hún hefur veikst umtalsvert
undanfarin misseri og er nú rúm-
lega 220. Við eðlilegar aðstæður,
sem svo sannarlega eru ekki fyrir
hendi nú, hafa ýmsir áætlað að
gengisvísitalan eigi að vera 130 til
150 stig.
Skuldir fyrirtækja í erlendri
mynt hafa hækkað að undanförnu í
krónum talið vegna veikingarinnar.
Skuldastaða margra þeirra er slæm
og hafa bankarnir í raun haldið í
þeim lífi að undanförnu, samkvæmt
heimildum Morgunblaðsins.
Þórhallur Ásbjörnsson, hjá grein-
ingardeild Kaupþings, segir umsvif
á gjaldeyrismarkaði ekki vera mikil.
Seðlabanki Íslands geti haft afger-
andi áhrif. „[Seðla]bankinn hefur
haft mikil áhrif á gjaldeyrismarkað,
með tiltölulega litlum fjárhæðum.
Gengið styrktist nokkuð við þau
inngrip en bankinn er nánast horf-
inn út af markaði nú. Þetta hefur
leitt til þess, meðal annars, að krón-
an hefur veikst að undanförnu,“
segir Þórhallur. Hann bendir þó á
að vísbendingar sjáist nú um að
Seðlabankinn sé að auka umsvif sín
á markaðnum til þess að styrkja
gengið. Meðal annars stóð Seðla-
bankinn í gjaldeyrisviðskiptum fyrir
um 1,5 milljónir evra í gær og á
þriðjudag sem leiddi til þess að
krónan styrkist um 1,6 prósent.
Þrátt fyrir jákvæðan við-
skiptajöfnuð í hagkerfinu, það er
meiri útflutning heldur en innflutn-
ing, hefur sú staðreynd ekki haft
áhrif á krónuna til styrkingar. Þar
vega meðal annars þungt að tekjur
af stórum útflutningsgreinum, þar á
meðal sjávarútvegi, eru minni vegna
þess að markaðsverð hefur lækkað.
Jón Bjarki Bentsson, hagfræð-
ingur hjá Íslandsbanka, segir stöðu
jöklabréfa inni í kerfinu einnig hafa
áhrif á krónuna til veikingar. Vaxta-
greiðslur til eigenda séu háar.
„Vaxtagreiðslurnar geta verið
íþyngjandi fyrir krónuna og veikt
hana,“ segir Jón Bjarki.
Eigendur jöklabréfanna eru ým-
ist einstaklingar eða stofn-
anafjárfestar, en engar tæmandi
upplýsingar eru þó til um hverjir
eru eigendur jöklabréfanna í hag-
kerfinu. Bréfin hafa auk þess skipt
um eigendur, ekki síst frá hruninu í
október. Talið er að um 70 prósent
af jöklabréfunum séu í eigu ein-
staklinga, sem meðal annars geta
verið viðskiptavinir í einstaklings-
þjónustu í erlendum bönkum, og
síðan um 30 prósent í eigu stofnana-
fjárfesta eins og fjárfestingarsjóða.
Óstöðugleiki krónu mikill
 Velta á gjaldeyrismarkaði hefur minnkað mikið frá því bankarnir hrundu í október  Litlar hreyf-
ingar á markaði hafa mikil áhrif vegna lítilla viðskipta  Krónan hefur veikst um 13% síðan í febrúar




 

 



    



 

          
!"#"
$" %"$
 
&'







 
 (
(
(
 ' 

 )*
+,
+*
-,
-*
,
*
. /  / . . 0 & 1 2
 
'  




UMFERÐ bíla um Hvalfjarðar-
göngin um síðustu páska var með
því mesta síðan göngin voru opnuð
fyrir rúmum 10 árum.
Alls fóru 39.559 bílar um göngin
frá miðvikudegi fyrir páska til
mánudags, þ.e. annars í páskum.
Þetta gerir 6.593 bíla að meðaltali á
sólarhring. Sambærileg umferð
páskana 2007 var 35.798 bílar, eða
5.966 bílar að meðaltali á sólar-
hring.
Umferð að aukast
Gylfi Þórðarson, framkvæmda-
stjóri Spalar, segir að það kunni að
hafa einhver áhrif að páskarnir hafi
verið í mars í fyrra en í apríl í ár.
Hins vegar sé ljóst, að umferð um
göngin sé aftur að aukast, eftir
talsverðan samdrátt seinni hluta
síðasta árs. Samdrátturinn þá var
ekki síst rakinn til þess hve bens-
ínverð var hátt.
Nefnir Gylfi þessu til sönnunar
að meðalumferð dagana 1.-14. apríl
s.l. hafi verið 5.869 bílar á sólar-
hring samanborið við 5.161 bíl
sömu daga í fyrra.
Þetta renni stoðum undir þær
spár manna, að Íslendingar hyggi á
aukin ferðalög innanlands í krepp-
unni. sisi@mbl.is
Líflegir
páskar í
göngunum