Morgunblaðið - 16.04.2009, Blaðsíða 36
Eftir Jóhann Bjarna Kolbeinsson
jbk@mbl.is
„SEM barn sá ég svona myndir í
sjónvarpinu, og mér fannst þær
strax töluvert ólíkar öllum öðrum
áströlskum myndum sem ég hafði
séð,“ segir Mark
Hartley,
leikstjóri
heimildar-
myndar-
innar Not
Quite
Hollywood
sem frum-
sýnd verð-
ur á Bíó-
dögum
Græna ljóssins sem hefjast
um helgina. Myndin
fjallar um sérstaka gerð
ástralskra kvikmynda
sem gerðar voru á áttunda
og í byrjun níunda áratugar
síðustu aldar. Myndirnar voru
einu nafni kallaðar „ozploita-
tion“ og voru eins konar b-
myndir, uppfullar af kynlífi, of-
beldi og hryllingi.
„Ég fór að lesa mér til um
þessar myndir sem reyndist
reyndar frekar erfitt, enda lítið
til af upplýsingum um þær. Ég
komst að því að þær höfðu fengið
hræðilega dóma hjá gagnrýnendum,
mönnum fannst þetta léleg tilraun
Ástrala til þess að gera bandarískar
myndir,“ segir Hartley, en þekkt-
asta „ozploitation“ myndin er án efa
Mad Max sem Mel Gibson lék aðal-
hlutverkið í árið 1979. Að sögn Hart-
leys er hún þó ekki dæmigerð „ozp-
loitation“ mynd.
Voru vandaðar
Aðspurður segir Hartley að marg-
ir Ástralar skammist sín fyrir þessar
kvikmyndir í dag.
„Þær fengu líka flestar rosalega
slæma dóma á sínum tíma. Hins
vegar hefur þessi heimildarmynd
mín fengið nokkuð góða dóma og
það bendir til þess að fólk sé
reiðubúið til þess að sættast við
þessa grein kvikmyndagerðarinnar,
ef svo mætti að orði komast. Það er
mjög langt síðan þessar myndir voru
gerðar, og fólk er loksins að átta sig
á því í dag að margar þeirra voru
mjög vandaðar,“ segir Hartley.
Á meðal harðra aðdáenda „oz-
ploitation“ myndanna má nefna
bandaríska leikstjórann Quentin
Tarantino sem er einn aðalviðmæl-
andinn í Not Quite Hollywood.
„Fáir Ástralar áttuðu sig á því að
einhver utan landsteinanna þekkti
til þessara mynda. Það kom okkur
því mjög á óvart að maður á borð við
Quentin Tarantino
skildi gera það,“ segir
Hartley. „Tarantino
samþykkti að koma í
viðtal þegar við vorum
næstum hætt við að gera
þessa mynd vegna fjár-
hagserfiðleika. Það skipti
miklum sköpum að fá hann
til liðs við okkur, það opn-
aði ýmsa möguleika hvað
fjármögnun varðaði, og án
hans hefði myndin líklega aldr-
ei orðið til. En það kom skemmtilega
á óvart hvað hann veit mikið um
þessar myndir og hann kom með
marga athyglisverða punkta.“
Hartley var hvorki fleiri né færri
en tíu ár að gera Not Quite Holly-
wood og það segir hann að helgist
fyrst og fremst af erfiðleikum við
fjármögnun. Hann er hins vegar
kominn af stað með sitt næsta verk-
efni sem er einmitt endurgerð einn-
ar „ozploitation“ myndarinnar,
hrollvekjunnar Patrick frá 1978.
Kynlíf, ofbeldi og hryllingur
Heimildarmyndin Not Quite Hollywood frumsýnd á Bíódögum Græna ljóssins
Fjallar um tímabil í ástralskri kvikmyndagerð sem Ástralar vilja helst gleyma
Mark Hartley
Á meðal þekktustu „ozploita-
tion“ myndanna má nefna Alvin
Purple, Barry McKenzie Holds
His Own, Dead-End Drive In,
Long Weekend, Mad Max,
The Man from Hong Kong,
Patrick, Razorback,
Roadgames, Stork og
Turkey Shoot. Þá var
fjöldi þekktra banda-
rískra leikara fenginn til
að leika í myndum af
þessu tagi til að auka
vinsældir þeirra vest-
anhafs. Á meðal þeirra
má nefna Dennis Hop-
per og Jamie Lee Curt-
is.
Hopper og Curtis
36 MenningFÓLK
MORGUNBLAÐIÐ FIMMTUDAGUR 16. APRÍL 2009
Eftir Jóhann Bjarna Kolbeinsson
jbk@mbl.is
„ÞETTA er ein besta hátíð sem við
höfum haldið og það er ekki veikan
blett að finna. Þannig að fólk ætti að
grípa gæsina þegar verið er að bjóða
upp á eitthvað annað en Hollywood,“
segir Ísleifur Þórhallsson, fram-
kvæmdastjóri Bíódaga Græna ljóss-
ins sem hefjast á morgun. Alls verða
17 myndir sýndar á 17 dögum á há-
tíðinni sem fer fram í Háskólabíói.
Líkt og áður er mikið um heimild-
armyndir á hátíðinni, og segir Ísleif-
ur að þær séu hver annarri betri.
Miðasala á hátíðina hefst á midi.is
kl. 10 í dag, og kostar tíu miða passi
6.000 kr., en einnig er hægt að kaupa
miða á einstaka myndir. Ísleifur
bendir á að hver mynd verði ekki
sýnd oft, og hann hvetur fólk því til
að fylgjast vel með dagskránni.
Aðspurður segir Ísleifur hugs-
anlegt að þetta sé í síðasta skipti
sem hátíðin verði haldin, enda sé
reksturinn erfiður. Aðsókn hafi
minnkað þótt stöðugt sé kvartað yfir
því að framboð af „öðruvísi“ mynd-
um sé ekki nægjanlegt. Þá sé erfitt
að fá styrktaraðila, auk þess sem
gengið hjálpi ekki til. „Svo er nið-
urhalið að drepa okkur. Margir sem
ég tala við eru búnir að sjá þessar
myndir og það er meira að segja
Torrent-síða sem er haldið úti af ein-
hverjum Íslendingum, og þar er sér
svæði sem heitir Bíódagar þar sem
hægt er að horfa á 16 af þessum 17
myndum. Þannig að þetta niðurhal
er hætt að vera truflandi, það er far-
ið að kyrkja mann,“ segir Ísleifur.
17 bíómyndir á 17 dögum á
Bíódögum Græna ljóssins
Morgunblaðið/Ómar
Ísleifur Segir hátíðina eina þá allra bestu hingað til.
Framkvæmdastjórinn segir niðurhal bitna illa á hátíðinni
www.graenaljosid.is
Fólk
Eftir Arnar Eggert Thoroddsen
arnart@mbl.is
SPURNINGAÞÁTTURINN Popppunktur
naut mikilla vinsælda er hann var á dagskrá
Skjás eins árin 2002 til 2005. Þátturinn snýr
nú aftur í Ríkissjónvarpið í sumar og fer
fyrsti þátturinn af fimmtán í loftið föstu-
dagskvöldið 5. júní. Umsjónarmenn eru sem
fyrr þeir Dr. Gunni og Felix Bergsson.
„Ég er byrjaður að bóka bönd og það eru
allir mjög spenntir fyrir þessu,“ segir Felix.
„Það hefur komið fram ógrynni af nýjum
hljómsveitum í þessari Popppunktshvíld og
því af nógu að taka.“
Felix segir að hið góða safn Sjónvarpsins
gefi kost á skemmtilegum spurningum um
liðna popptíð. Og settið verður væntanlega
glæstasta Popppunktssettið til þessa?
„Ég vona það,“ segir Felix og hlær. „Ég
er ekki búinn að sjá neitt enn! En það er
næsta víst að þessi þáttur hefur aldrei snú-
ist um þessa ytri þætti, heldur fjörið í
hljómsveitunum og æsinginn í sjálfri keppn-
inni.“
Felix segir að samstarf þeirra Gunna
gangi eins og smurð vél en á sínum tíma
renndu þeir blint í sjóinn hvað það varðaði.
„Ég og Gunni komum auðvitað þannig séð
úr ólíkum áttum. Hann hafði t.d. gert óspart
grín að hljómsveitinni minni, Greifunum. En
eftir að Gunni tók þátt í Eurovision fór
þetta allt að meika meiri sens,“ segir Felix
og glottir.
Popppunktur í Ríkissjónvarpinu í sumar
Klárir Felix og Gunni með nýbónaða skalla. Þeir félagar
verða með Popppunkt í Ríkissjónvarpinu í sumar.
Opnunarmynd Bíódaga Græna
Ljóssins er heimildarmyndin Bobby
and Me sem fjallar um vináttu
Sæma Rokk við skáksnillinginn
Bobby Fischer. Eins og allir vita
eyddi Fischer síðustu ævidögum
sínum á Íslandi eftir að hérlend
stjórnvöld björguðu honum úr jap-
anskri prísund árið 2005 en Fischer
lést í janúar 2008.
Á meðal þess sem fram kemur í
myndinni er ævintýralegt samtal
Kára Stefánssonar, forstjóra Ís-
lenskrar erfðagreiningar, og
Bobby Fischers en að sögn þeirra
sem hafa séð myndina er samtalið á
pari við best skrifuðu samtöl Quent-
ins Tarantinos, hvort sem vísað er
til mynda á borð við Pulp Fiction
eða Reservoir Dogs.
Annars segir sagan að myndin
hafi upphaflega átt að vera um
Bobby Fischer einan en þegar á
hólminn var komið reyndist karlinn
of erfiður í umgengni auk þess sem
besta efnið virtist allt koma frá
Sæma Rokk. Kvikmyndagerð-
armennirnir stukku því á tækifærið
og skiptu aðalsöguhetjunni Fischer
út fyrir Sæma Rokk.
Bobby Fischer og Kári
Stefáns ræða málin
Guðrún Edda Þórarinsdóttir
hefur verið valin af EFP (European
Film Promotions) til vera í hópi 23
kvikmyndaframleiðenda sem taka
þátt í kynningarverkefninu „Fram-
leiðendur á ferð og flugi“ (Produ-
cers on the Move) sem fram fer á
kvikmyndahátíðinni í Cannes í maí.
Guðrún Edda var valin fyrir
framleiðslu sína á Sveitabrúðkaupi
Valdísar Óskarsdóttur en í Cannes
mun hún taka þátt í margvíslegum
pallborðsumræðum auk þess sem
ungu framleiðendunum verður gert
kleift að kynna næstu verkefni sín
og styrkja tengslanet við aðra evr-
ópska kvikmyndaframleiðendur í
leiðinni. Þetta er ekki í fyrsta sinn
sem íslenskur framleiðandi tekur
þátt í verkefninu en áður hefur
Hrönn Kristinsdóttir orðið þessa
heiðurs aðnjótandi.
Upprennandi fram-
leiðandi í Cannes