Morgunblaðið - 17.04.2009, Síða 12

12 FréttirINNLENT
MORGUNBLAÐIÐ FÖSTUDAGUR 17. APRÍL 2009
Morgunblaðið/Ómar
Niðurníðsla Miðborg Reykjavíkur minnir sumstaðar meira á stríðshrjáða borg í rústum en á blómlega höfuðborg lands sem er nýkomið út úr góðærinu.
FRÉTTASKÝRING
Eftir Unu Sighvatsdóttur
una@mbl.is
HÚSIÐ á Vatnsstíg 4 sem tekið var
pólitískri hústöku er eitt af tugum
gamalla húsa sem staðið hafa auð og
ónotuð mánuðum saman í miðborg
Reykjavíkur. Í gegnum tíðina hafa
nágrannar þessara húsa gjarnan
kvartað um slæman frágang, um-
gang eiturlyfjaneytenda o.fl. sem
þykir ógna öryggi umhverfisins.
Lögreglan hefur, að sögn Sig-
urðar Helga Guðjónssonar for-
manns Húseigendafélagsins, oft ver-
ið treg til að skipta sér af þessum
umkvörtunum nágranna og sýnt
hústökufólki nokkurt umburðar-
lyndi fram að þessu. Mörgum þótti
reyndar nóg um aðgerðir lögreglu
nú þegar gripið var til vélsagar og
rúðubrota til að ná til hústökufólks-
ins, enda stendur húsið illa leikið eft-
ir og bætir ekki ásýnd miðborg-
arinnar sem þótti miður falleg fyrir.
Snorri Freyr Hilmarsson, formað-
ur Torfusamtakanna, segir einu leið-
ina út úr því ófremdarástandi sem
skapast hefur í miðborgina vera
skýrar áherslubreytingar í aðal-
skipulagi. „Það þarf að stöðva þetta
spádómsniðurrif í miðborginni, því
það hefur ekki leitt af sér neina end-
urnýjun, það eina sem hefur verið
gert í gegnum allt þetta þensluskeið
er að menn hafa braskað með reiti
og sett hús í drabb.“
Ekki bara töf borgarstjórnar
Að mati Snorra steig Reykjavík-
urborg fyrsta skrefið í ógæfuátt
þegar sameining lóða var heimiluð.
„Þá fer þetta allt í gang, að láta hús
viljandi drabbast niður og níðast á
nágrönnum.“ Snorri fullyrðir þannig
að verktakar hafi gripið til ýmissa
ráða til að lækka íbúðaverð á ná-
grannalóðum og fæla íbúa burt, þ. á
m. að leyfa fíklum viljandi að koma
sér fyrir á lóðunum og Sigurður
Helgi staðfestir að þessum aðferðum
hafi sumstaðar verið beitt.
Tíðum borgarstjóraskiptum og
óákveðni borgarstjórnar hefur m.a.
verið kennt um að framkvæmdir hafi
víða tafist í miðborginni. Hanna
Birna Kristjánsdóttir sagði hins-
vegar í mars 2008, þá formaður
skipulagsráðs, að lóðaeigendur
skildu ekki orðið nei og virtu ekki
byggingarmagn deiliskipulagsins.
„Það er ekki byggt af því að menn
eru alltaf að reyna að hámarka
byggingarmagnið og fara fram yfir
það,“ segir Snorri. „Þess vegna hefst
ferlið alltaf aftur og aftur, svo það er
ósanngjarnt að kenna borginni um.“
Hann segist þó bjartsýnn um að
nú sé tækifæri til að móta alfarið
nýja stefnu fyrir miðborgina. „Þann-
ig að grasrótarfjárfesting geti kom-
ist að, því þessi verktakastefna hef-
ur í raun haldið venjulegum
fyrirtækjum og fólki sem vill gera
eitthvað í miðborginni frá. Þessir
menn eru að níðast á umhverfi sem
þeir eiga ekki, heldur eru bara hluti
af.“
Miðborg í sárum góðæris
Sáralítil uppbygging var í miðborg
Reykjavíkur á löngu þenslutímabili
Morgunblaðið/Ómar
Vatnsstígur Er ekki friðað hús, en heimild til niðurrifs er ekki fengin.
EKKI er eðlilegt,
réttlátt eða jafn-
vel löglegt að
neytendur beri
einir skaðann af
gengishruninu og
verðbólgunni,
segir talsmaður
neytenda Gísli
Tryggvason.
Hann vill sjá al-
mennar aðgerðir
til að leiðrétta skuldastöðu húsnæð-
islántakenda og það með almennri
niðurfærslu lánanna, en þó ekki
endilega flatri.
„Taka þarf pólitíska ákvörðun um
málið af stjórnvöldum og með lög-
um,“ segir Gísli og vill því ekki gefa
upp nákvæma útfærslu fyrr en hann
hefur kynnt stjórnvöldum og stjórn-
málamönnum hugmyndirnar. „Ég
sendi þær fljótlega til umsagnar hjá
þeim.“
Gísli talaði á opnum fundi Sam-
taka heimilanna í gærkvöldi auk
Björns Þorra Viktorssonar lög-
manns, sem kynnti fyrirhuguð mála-
ferli gegn föllnu bönkunum vegna
brostinna forsendna húsnæðislán-
anna.
Gísli segir almennar aðgerðir eins
og hann nefni ákjósanlegri en sér-
tækar sem málaferlin falli undir.
„Málaferli eru þó að mínu mati
þrautalending en dýrt fyrir aðila
málsins; neytandann, bankann og
fyrir þjóðfélagið að taka svo sértækt
á þessu máli.“ gag@mbl.is
Neytendur
ekki einir
um skaðann
Talsmaður neytenda
vill niðurfærslu lána
Gísli
Tryggvason
Í GÆR var undirritaður samningur
milli Háskólans á Akureyri og sjáv-
arútvegs- og landbúnaðarráðuneyt-
isins um stofnun Sjávarútvegsmið-
stöðvar við Háskólann á Akureyri.
Kennsla í sjávarútvegsfræðum hófst
við Háskólann á Akureyri árið 1990
og hefur verið samfelld síðan.
Helstu verkefni Sjávarútvegsmið-
stöðvarinnar verða m.a. að afla og
miðla upplýsingum um sjávarútveg
milli fyrirtækja og samstarfsaðila,
stuðla að samvinnu við innlendar og
erlendar vísindastofnanir á sviði
sjávarútvegs, annast rannsóknir á
sjávarútvegi og safna upplýsingum
um sjávarútveg í gagnagrunn sem
nýtist í rannsóknum.
Sjávarútvegs-
miðstöð í HA
57
Fjöldi húsa sem stóðu auð
og ónýtt í miðborg
Reykjavíkur á síðasta ári.
1918
Óheimilt er að breyta hús-
um byggðum fyrr án leyf-
is Húsafriðunarnefndar
108
Aldur hússins við Vatns-
stíg 4, sem er byggt 1901.
Eftir Jónas Erlendsson
Fagridalur | Vegna slysahættu í
Reynisfjöru í Mýrdal hefur verið
sett upp skilti sem varar ferða-
menn við að fara of nærri sjónum.
Skiltið er á fimm tungumálum og
myndskreytt. Árið 2007 drukknaði
75 ára kona í Reynisfjöru þrátt
fyrir að leiðsögumaður hefði verið
búinn að vara fólk við hættunni af
sjónum, á síðasta ári voru nokkrir
ferðamenn hætt komnir í fjörunni
þegar þeir hugðust bjarga hval
sem var að reka og óðu út í sjó.
Eftir þessa atburði og ýmsa fleiri
hófust miklar umræður í fjöl-
miðlum um hvort ekki þyrfti að
merkja hættulega staði, en þó er
enginn einn aðili tilbúinn til að
taka á sig ábyrgð og skilgreina
hvaða staðir í náttúru Íslands séu
hættulegir og hverjir ekki og
sama gilti um kostnaðinn við að
koma upp merkingum. Að sögn
Sveins Pálssonar sveitarstjóra í
Mýrdalshreppi höfðu aðilar frá
Kynnisferðum samband við hann
síðastliðið haust og lýstu yfir
áhuga á að kosta gerð og uppsetn-
ingu viðvörunarskiltis í Reyn-
isfjöru en Kynnisferðir hafa reglu-
lega viðkomu í fjörunni. Á sama
tíma lýstu forsvarsmenn Hótels
Dyrhólaeyjar yfir áhuga á að
koma að málinu. Sveinn tók síðan
að sér að hafa samband við land-
eigendur, Slysavarnafélagið
Landsbjörg, Umhverfisstofnun og
Ferðamálastofu. Allir þessir aðilar
tóku síðan höndum saman með
þeim árangri, að nú er skiltið
komið í fjöruna. Af því tilefni var
efnt til smá samkomu í Reyn-
isfjöru þar sem Sveinn Pálson
rakti aðdraganda að tilkomu þessa
skiltis í fjörunni. Var að lokum öll-
um boðið til kaffidrykkju í kaffi-
húsinu í Görðum sem stendur nán-
ast á fjörukambinum.
Viðvörunarskilti í Reynisfjöru
Morgunblaðið/Jónas Erlendsson
Viðvörun! Breskir skólakrakkar skoða skiltið á leið sinni í Reynisfjöru.
Blönduós | Grágæsin SLN er komin
heim á Blönduós. Nú eins og að
minnsta kosti sl. 10 ár þá hefur þessi
frægasta gæs Blönduóss skilað sér
heim frá Bretlandseyjum í hagana
við Héraðshælið ásamt maka. Gæsin
skilar sér ætíð heim í kringum 14.
apríl ár hvert.
SLN er að öllum líkindum síðasti
fulltrúi gæsa sem merktar voru á
Blönduósi árið 2000. Margir eru á
því að merkja þurfi gæsirnar á ný til
að fylgjast megi með ferðum þeirra
og hegðunarmynstri.
Grágæsin
SLN komin
Gæsir SLN og maki halda tryggð
við Héraðshælið á Blönduósi
Morgunblaðið/Jón Sigurðsson
Fékk hland fyrir hjartað
mbl.is | SJÓNVARP