Morgunblaðið - 17.04.2009, Side 40

40 MenningFÓLK
MORGUNBLAÐIÐ FÖSTUDAGUR 17. APRÍL 2009
 Nýjasta lag hljómsveitarinnar
Hjaltalín var í fyrradag boðið til
frís niðurhals á tónlistarbloggsíðu
Árna Þórs Jónssonar kvikmynda-
gerðarmanns og tónlistarspekúl-
ants (syrdurrjomi.blogspot.com).
Lagið kallast „Suitcase Man“ og er
skemmst frá því að segja að það var
halað niður oftar 1.200 sinnum á
einum sólarhring. Tónlist.is hvað?!
Heitasta tónlistar-
bloggið í dag
Fólk
Eftir Jóhann Bjarna Kolbeinsson
jbk@mbl.is
„NÚ fer maður að koma undan vetri, og fer að losa sig við þetta,“
segir Björn Hlynur Haraldsson leikari sem hefur vakið mikla at-
hygli fyrir vígalegan skeggvöxt að undanförnu. Fólk spyr leik-
arann stöðugt út í skeggið, sem hann segir aðallega til komið af
leiklistarlegum forsendum.
„Þegar þetta er orðið svona mikið er þetta svolítið eins og að
vera með gifs, fólk spyr af hverju, hvernig er þetta, hve lengi
og svona. Svo var þetta komið á það stig að fólk var
komið með rosalega mikla snertiþörf. Það fannst mér
full langt gengið þannig að ég trimmaði það aðeins
niður,“ segir Björn Hlynur.
Það er annars að frétta af kappanum að annað
kvöld verða allra síðustu sýningar á leikverki hans,
Dubbeldusch, í Hafnarfjarðarleikhúsinu. „Það er loka- og
svo loka-lokasýning. Það verður sem sagt ein klukkan ell-
efu, það seldist upp klukkan átta þannig að við ákváðum að
hafa aðra seinna um kvöldið,“ segir Björn Hlynur, en hægt
er að nálgast miða á hhh.is eða midi.is. Leikritið var frum-
sýnt í samstarfi við Leikfélag Akureyrar norðan heiða í
mars í fyrra, en hefur svo verið sýnt í Hafnarfirði síðan í
desember.
Björn Hlynur hefur fleiri járn í eldinum um þessar mundir,
en hann leikur eitt af aðalhlutverkunum í Sædýrasafninu
sem nú er sýnt í Þjóðleikhúsinu, og verður svo sett upp í
Frakklandi í maí. Þá fer hann með Vesturporti til
Danmerkur í júní, þar sem Woyzeck verður sett
upp. Sem sagt: nóg að gera.  Leaves hélt tónleika á Sódómu
Reykjavík í fyrradag og ekki var að
sjá á frammistöðu hennar að hún
væri að skríða úr híði. Leaves-liðar
léku langt og gott sett og drógu
fram lög af tveimur fyrri breið-
skífum sínum og svo væntanlegri
plötu. Kjartan Ólafsson, Ampop-
limur, hjálpaði til við flutninginn og
úti í sal fylgdist faðir hans stoltur
með, sjálfur Ólafur F. Magnússon.
Ný sveit Bigga, kennds við Maus,
Króna, lék á undan. „Rokkuð og
hrá Maus“ hraut af vörum einhvers
og fannst mönnum sem Biggi hefði
fundið tónlistarlegum fótum sínum
forráð á nýjan leik.
Laufgaðar krónur á
Sódómu Reykjavík
 Sprengjuhöllin og Sin Fang Bo-
us troða upp á Grand Rokk í kvöld
undir merkjum Grapevine og Gogo-
yoko en á undan þeim hyggst Hauk-
ur Heiðar söngvari Diktu leika nýtt
sóló-efni sem hann hefur verið að
undirbúa fyrir fína og fræga fólkið
í Hollywood, en þangað heldur
Haukur Heiðar fljótlega.
Þéttur pakki
á Grandinu í kvöld
Eftir Arnar Eggert Thoroddsen
arnart@mbl.is
MYNDIN kallast á frummálinu
Låt den rätte komma in og er að
forminu til hryllingsmynd/
vampírumynd. Inn í hana fléttast
þó vel ígrundaðar samfélagslegar
pælingar og sterk ástarsaga. Þessi
„auka“ lög gefa henni aukna vigt
og hafa gert það að verkum að
myndin hefur farið sigurför um
heiminn. Um leið er myndin firna-
vel heppnuð sem spennuhryllir, þau
fræði á tandurhreinu, og því er am-
erísk endurgerð þegar í vinnslu.
Nema hvað.
Sagan segir af tólf ára strák,
Óskari, sem býr í ömurlegu út-
hverfi í Stokkhólmi og sætir hann
einelti. Hann vingast við stúlku
sem er nýflutt í hverfið en hún
reynist vera vampíra. Sterk vinátta
tekst með þeim og áður en langt
um líður fer að sjóða upp úr and-
legum pottum þeirra beggja.
„Fólk gýtur á mig augum“
Það er feiminn og kurteis 13 ára
strákur sem svarar heimasímanum
sínum í Svíþjóð. Hann er óöruggur
en samt fullur sjálfstrausts, líkt og
menn eru á þessum umbrotaaldri.
Við tökum upp ensku sem hann
klárar vel, þó að hann kalli stund-
um í pabba sinn þegar eitthvað
vefst fyrir honum.
Myndin var frumsýnd í Svíþjóð
fyrir um hálfu ári og var Kåre val-
inn úr hópi 4.000 ungleikara. Hann
hefur ferðast vítt og breitt um Sví-
þjóð í kjölfar myndarinnar og segir
hann að enginn hafi átt von á svona
góðum viðtökum.
„En ég trúi mikið á myndina og
þetta kom mér því heldur ekki á
óvart.“
En er frægðin farin að taka sinn
toll?
„Það kemur fyrir að fólk gýtur á
mig augum í strætó,“ segir Kåre
með hægð. „En það er lítið verið að
tala við mig. Það hefur bara gerst
tvisvar.“
Auðvitað Hollywood
Kåre er nú nemi í tónlistarskóla
og segist ekkert sérstaklega illa
haldinn af leiklistarbakteríunni,
þrátt fyrir farsæld myndarinnar.
„Mér fannst þetta ekki sér-
staklega erfitt þannig. Sumar senur
voru erfiðari en aðrar – en ég kom
mjög reynslulítill í þetta og ég held
að það hafi unnið með mér, ef eitt-
hvað er. Það var eitt grátatriði og
þá hugsaði ég um köttinn minn
sem dó. Allar senur voru þaulæfðar
áður en farið var af stað í tökur,
það var ekki verið að spinna neitt.“
Spurður hvort hann myndi
stökkva á stóra rullu í Hollywood
byðist honum það, segist hann
sannanlega opinn fyrir öllu. Tónn-
inn í röddinni er hógvær, en um
leið er hann uppfullur af botnlausri
bjartsýni unglingsins sem sér ekki
nokkra einustu hindrun framundan.
„Ég myndi ekki segja nei,“ segir
hann og hlær kurteislega, nánast
hissa á spurningunni. „Ég er til í
að prófa hvað sem er. Það er margt
og mikið sem mig langar til að
gera.“
Let the Right One In / Låt den
rätte komma in er sýnd í Sambíó-
unum.
Viðtal við sænska vampíru
 Sænsk vampírumynd frumsýnd í dag  Sló í gegn í Svíþjóð og sýnd í yfir 55
löndum  „Mynd sem ég trúi á,“ segir kornungur aðalleikarinn Kåre Hedebrant
Vampíruvinur „Allar senur voru þaulæfðar … það var ekki verið að spinna neitt,“ segir Kåre Hedebrant.
Þó að Hedebrant geri lítið úr
fyrri reynslu á leiksviðinu átti
hann þó sæmilega stóra rullu
fyrir fjórum árum sem sjálfur
Emil í Kattholti. Lék hann
óknyttastrákinn í leikritinu Emil
i Lönneberga. Gagnrýnendur
hafa lokið miklu lofsorði á
frammistöðu hans í Let the
right one in, hann gefi Óskari
feimið og hlédrægt yfirbragð en
um leið sé ímynd hans hrollvekj-
andi og sumpart furðuleg.
Emil blóðsuga?
Án hvers geturðu ekki verið?
Tónlistar og tölvunnar.
Hvar læturðu helst til þín taka á heimilinu?
Á baðherberginu. Konan kemur ekki nálægt
því :)
Hversu pólitískur ertu á skalanum frá 1-10?
5. Er s.s. ekki á leiðinni á þing.
Er þungarokkið ekki bara fyrir heilalausa
gúmmígæja?
Jú. Næsta spurning. He He. Nei, sumar
hljómsveitir í þungarokkinu hafa á að skipa
hljóðfæraleikurum sem myndu gera hvaða
klassíska virtuós sem er og hvaða 20. aldar
tónskáld sem er öfundsjúkt. Tala menn ekki
um að Wagner hafi verið fyrsti þungarokk-
arinn?
Hvernig myndir þú vilja deyja?
Án þess að eiga einhver mál eftir óuppgerð við
fortíðina.
Hvaða þungarokkari fer mest í taugarnar á
þér?
Söngvarinn í Suicidal Tendencies. Man varla
eftir að hafa séð myndbönd með þeim, þar
sem hann er ekki hoppandi um eins og froskur
á sviðinu. Fínn söngvari samt.
Myndarlegasti kvenmaðurinn fyrir utan
maka?
Keira Knightley.
Hvaða bók lastu síðast?
Er að lesa The God Delusion eftir Richard
Dawkins.
Kanntu þjóðsönginn?
Ekki get ég sagt það, nema í pörtum. Am-
eríkuvæðing landans hefur meira að segja
gert það að verkum að ég kann frekar þann
bandaríska en þann íslenska. Go figure.
Metallica eða Motörhead?
Motörhead! Metallica hætti að vera Metal fyr-
ir löngu síðan og sagði kirfilega skilið við tón-
listarrætur sínar í lok níunda áratugarins.
Nýjasta platan nær ekki að bæta upp fyrir
fyrri afhroð. Motörhead eru Motörhead, hafa
alltaf verið Motörhead og verða það um
ókomna framtíð. Lemmy er kóngurinn!
Af hverju spilar þú ekki badminton? (Spurt af
Tinnu Helgadóttur, Aðalsmanni síðustu viku):
Ég spila badminton! Á meira að segja tvær
medalíur fyrir afrek mín með spaðann. Er þó
að mestu búinn að leggja hann á hilluna. Er
samt einhver sem er til í að leigja með mér
völl?
METALLICA ER EKKI METAL!
AÐALSMAÐUR ÞESSARAR VIKU ER ÞUNGAROKKSGÚRÚINN ÞORSTEINN KOLBEINSSON
EN HANN STENDUR FYRIR ÞUNGAROKKSHLJÓMSVEITAKEPPNI NÚ UM HELGINA.
Karlmannlegur Björn Hlynur er fúlskeggjaður.
Björn Hlynur stöðugt spurður um skeggvöxtinn