Morgunblaðið - 04.06.2009, Side 8

8 FréttirINNLENT
MORGUNBLAÐIÐ FIMMTUDAGUR 4. JÚNÍ 2009
Öryggi Guðmundur Örn Gunnarsson, forstjóri VÍS, afhendir Rannveigu
Rist, forstjóra Alcan á Íslandi, viðurkenninguna í Straumsvík í gær.
ALCAN á Íslandi hlaut í gær viðurkenningu frá Vátryggingafélagi Íslands,
VÍS, fyrir góðan árangur í öryggismálum. Í tilkynningu frá Alcan kemur
fram að ríflega þrjár milljónir vinnustunda hafi verið unnar á athafna-
svæði álversins án alvarlegs vinnuslyss. Sá árangur sé með því besta sem
þekkist í álverum í Evrópu.
„ISAL hefur náð framúrskarandi árangri í öryggismálum á undan-
förnum árum og það er okkur bæði ljúft og skylt að sýna með áþreif-
anlegum hætti að eftir þessum árangri er tekið,“ segir Guðmundur Örn
Gunnarsson, forstjóri VÍS, í tilkynningu sem Alcan sendi frá sér.
VÍS verðlaunar Alcan fyrir öryggismál
VIÐ skólaslit Tónlistarskóla Skaga-
fjarðar nýverið var ungu og efnilegu
tónlistarfólki m.a. úthlutað styrkjum
úr minningarsjóðum.
Veittur var styrkur í fimmta sinn
úr minningarsjóði Jóns Björnssonar,
tónskálds og kórstjóra frá Hafsteins-
stöðum í Skagafirði. Sjóðurinn varð
til með útgáfu hljómdisks árið 2003,
með úrvali laga eftir Jón í tilefni 100
ára árstíðar hans. Að þessu sinni
rann styrkurinn til Birgis Þórs Ingv-
arssonar gítarleikara, sem stundað
hefur nám við Tónlistarskóla Skaga-
fjarðar frá unga aldri. Það var Eiður
Guðvinsson, stofnandi sjóðsins og
aðstandandi útgáfunnar, sem af-
henti Birgi Þór styrkinn.
Þá voru veittir styrkir úr minn-
ingarsjóði Aðalheiðar Erlu Gunn-
arsdóttur frá Syðra-Vallholti til
nemenda er luku 10. bekk, fyrir góð-
an árangur og ástundun. Styrkinn
fengu þau Reynir Snær Magnússon,
gítar- og trommuleikari, Margrét
Árnadóttir, þverflautu- og píanó-
leikari, og Bjarnveig Rós Bjarna-
dóttir þverflautuleikari.
Nemendur skólans voru 293 í vet-
ur og kennt á fimm stöðum.
Styrkur Birgir Þór Ingvarsson með styrkinn úr minningarsjóði Jóns Björns-
sonar, ásamt Eiði Guðvinssyni, stofnanda sjóðsins.
Tónlistarnemar í
Skagafirði styrktir
Ljósmynd/Feykir
NOKKUR meiri-
hluti svarenda
sem tóku afstöðu í
nýrri skoðana-
könnun Capacent
Gallup telur að
leggja eigi frekar litla eða mjög litla
áherslu á aðildarviðræður við Evr-
ópusambandið. Einnig kom fram að
yfirgnæfandi meirihluti eða um 95%
telur aðkallandi að leysa fjárhags-
vanda heimila og fyrirtækja.
Telja 41,9 prósent æskilegt að
hefja aðildarviðræður við ESB en
44,3% eru á öndverðri skoðun. 13,8%
svöruðu hvorki né. Könnunin var
gerð fyrir Heimssýn, samtök sjálf-
stæðissinna. Svohljóðandi spurning
um aðildarviðræður við ESB var
lögð fyrir: Hversu mikla eða litla
áherslu finnst þér að ný ríkisstjórn
eigi að leggja á að hefja aðild-
arviðræður við Evrópusambandið?
21,9% svöruðu að leggja ætti mjög
mikla áherslu á aðildarviðræður,
20% frekar mikla áherslu, 11,9%
sögðu að leggja ætti frekar litla
áherslu á viðræður við ESB og 32,3%
mjög litla áherslu á það.
Könnunin fór fram 20.-27. maí og
var netkönnun. Úrtakið var 1.284 og
svarhlutfall 65,3%.
Meiri áherslu
á heimili en ESB
AÐALFUNDUR Heyrnarhjálpar, fé-
lags heyrnarskertra á Íslandi, hald-
inn 28. maí 2009, lýsir yfir þungum
áhyggjum vegna textaleysis frétta á
íslenskum sjónvarpsstöðvum.
„Félagið skorar á menntamála-
ráðherra og ríkisstjórnarflokkana,
sem kenna sig við jafnrétti og fé-
lagshyggju, að gera strax úrbætur
með öryggis- og upplýsingarsjón-
armið heyrnarskertra og heyrnar-
lausra í huga,“ segir m.a. í ályktun.
Vilja textaðar fréttir
NÚ í vor tók nýtt háskólasetur til
starfa á Suðurlandi. Háskólasetur
Suðurlands hefur tvær starfsstöðv-
ar. Önnur er í húsnæði gamla leik-
skólans Glaðheima við Tryggva-
götu á Selfossi og hin starfsstöðin er
í höfuðstöðvum Landgræðslu ríkis-
ins í Gunnarsholti á Rangárvöllum.
Fyrirhugað er að meginviðfangs-
efni Háskólaseturs Suðurlands
verði á sviði landnýtingar. Starfs-
menn setursins eru nú tveir en einn-
ig stunda 5 meistara- og dokt-
orsnemar rannsóknir sínar í
tengslum við setrið.
Forstöðumaður er dr. Tómas
Grétar Gunnarsson vistfræðingur.
Nýtt háskólasetur
Eftir Halldór Armand Ásgeirsson
haa@mbl.is
HÁVÆR ágreiningur ríkir nú milli
landeigenda nokkurra jarða í
Þykkvabæ í Rangárþingi ytra og
Karls Ólafssonar í Háfi um landskik-
ann Borgartúnsnes, sem einnig er
nefndur Eyrar. Skikinn liggur vest-
an við Þykkvabæinn.
Þykkbæingar telja sig eiga rétt til
landsins og hafa þar stundað kart-
öflurækt en Karl hefur sáð korni yfir
enda telur hann sig eiga landið þar
sem það hafi aldrei verið undanskilið
eignarjörð hans Háfi. Nokkrir jarð-
eigendur í Þykkvabæ hafa nú kært
athæfi Karls til sýslumannsins á
Hvolsvelli.
„Það má segja að það sé komið á
kartöflustríð milli okkar Þykkbæ-
inga og „Kalla kartöflukóngs“. Það
eru til ýmis gögn um það að Þykkva-
bæingar eigi Borgartúnsnes; til er
gömul kvittun þess efnis að landið
hafi verið selt frá Háfi árið 1951 fyrir
966 krónur og einn eyri og í þing-
lýstu afsali frá sama ári, þegar jörðin
Háfur var seld, er þess skilmerki-
lega getið að Borgartúnsnes hafi
ekki fylgt kaupunum,“ segir Markús
Ársælsson í Hákoti.
Lögbann fellt úr gildi
„Faðir minn keypti Háf árið 1951
en hann skrifaði aldrei undir þetta
afsal sem Þykkbæingar báru svo
fyrst fyrir sig fyrir 12 árum – það
kannaðist enginn við það og við til-
kynntum þá sýslumanni að öll notk-
un á þessu landi væri óheimil,“ segir
Karl Ólafsson í Háfi. „Þegar við í
Háfi byrjuðum svo að nota landið ár-
ið 2003 fengu Þykkbæingar lögbann
á okkur. Dómari felldi það hins veg-
ar úr gildi vegna þess að Þykkbæ-
inga skorti lögvarða hagsmuni til
málsins – þ.e. vegna þess að þeir áttu
ekkert í landinu!“
Langvarandi deila
Ágreiningurinn er djúpstæður og
á sér langa sögu. Borgartúnsnes
varð séreign eigenda jarðarinnar
Háfs við landskipti á Fiskivatnseyr-
um árið 1938. Faðir Karls Ólafssonar
keypti þá Háf árið 1951 og þar má
segja að rót deilunnar liggi – fylgdi
Borgartúnsnes þeim kaupum?
Þykkbæingar halda því fram að
landspildan umdeilda, sem liggur
milli Borgartúns og Háfshverfis rétt
austan við Þjórsá, hafi alla tíð verið í
notkun þeirra og þeir hafi keypt
landið af fyrri eiganda Háfs árið
1951. Þeir segja einnig að til séu
margvísleg gömul gögn til sönnunar
á því að eigendur Háfs hafi í gegnum
tíðina ekki talið sig eiga tilkall til
Borgartúnsness.
„Það hefur aldrei verið neitt vafa-
mál í augum neins að landið hefur til-
heyrt Þykkbæingum og við erum
orðnir mjög þreyttir á þessu máli.
Landeigendur í Háfi hafa aukinheld-
ur aldrei kært Þykkbæinga fyrir að
nota landið,“ segir Markús.
Karl Ólafsson segir á hinn bóginn
að telji Þykkbæingar sig geta tekið
landið gerist þeir sekir um þjófnað
enda hafi landið ávallt heyrt undir
Háf. „Landið var aldrei selt frá okk-
ur í Háfi og þetta vita yfirvöld hér
enda felldi dómur lögbann Þykkbæ-
inga úr gildi síðast þegar þetta mál
kom upp.“
Bændur í Þykkvabæ
heyja „kartöflustríð“
Morgunblaðið/Sigurður Bogi
Kartöflurækt Fjölmargir bændur í og við Þykkvabæ stunda kartöflurækt.
Þeim hefur þó fækkað á seinni árum. Myndin tengist ekki efni fréttarinnar.
 Korni sáð yfir kartöflur í deilum bænda á milli  Skoðun
beggja deiluaðila að jarðskiki hafi lengi verið í þeirra eigu
  




 

   

  
  
  

   


Frá utanríkismálanefnd Alþingis
UtanríkismálanefndAlþingis gefur þeim sem þess óska kost á að senda skriflegar athugasemdir
við þingsályktunartillögur er varða umsókn um aðild að Evrópusambandinu sem nefndin hefur
nú til umfjöllunar.
Nefndin veitir viðtöku umsögnum og erindum frá félögum, samtökum og einstaklingum á net-
fangið esb@althingi.is. Vinsamlegast athugið að undirritað frumrit umsagnar óskast jafnframt
sent nefndinni. Umsagnir og erindi þurfa að berast nefndinni fyrir 15. júní nk. Ekki er hægt að
tryggja úrvinnslu umsagna sem berast eftir þann tíma.
Tillögurnar er að finna á vefslóðunum:
http://www.althingi.is/altext/137/s/0038.html og
http://www.althingi.is/altext/137/s/0054.html.
Utanríkismálanefnd Alþingis
Póstfang:
Skrifstofa Alþingis – nefndasvið
Austurstræti 8-10
150 Reykjavík