Morgunblaðið - 19.07.2009, Blaðsíða 19
rætast
19
MORGUNBLAÐIÐ SUNNUDAGUR 19. JÚLÍ 2009
„Loksins er komin fram sanngjörn
og heiðarleg leið fyrir tónlistarmenn
til að dreifa tónlist sinni. Þjónusta
TuneCore er aðgengileg, auðskilin
og gerir notandanum kleift að gera
allt upp á eigin spýtur. Þá bregst
öflugt stoðteymið þegar í stað við
öllum hnökrum. Ég hef verið að
koma TuneCore á framfæri við alla
tónlistarmenn og hljómsveitir sem á
vegi mínum verða en gengur mis-
jafnlega að sannfæra fólk vegna
þess að það heldur að þetta sé of
gott til að vera satt. Það er rangt.
Þetta er í raun og veru bæði satt og
gott.“
Þannig lýsir Roger O’Donnell, fyrr-
verandi hljómborðsleikari rokksveit-
arinnar The Cure, kynnum sínum af
vefútgáfunni TuneCore.
Það var Jeff nokkur Price sem
setti TuneCore á laggirnar árið 2005
og eru höfuðstöðvar fyrirtækisins í
New York. Tilgangurinn var að hafa
milligöngu um dreifingu og sölu á
efni tónlistarmanna, m.a. á iTunes,
AmazonMP3, Zune Marketplace,
Rhapsody og eMusic. TuneCore er
frábrugðið öðrum aðilum á mark-
aðnum að því leyti að fyrirtækið
þiggur engar prósentur af sölu efnis
og á ekki útgáfuréttinn heldur lista-
maðurinn sjálfur.
Það er ekki undir TuneCore komið
hversu fljótt netverslanirnar taka við
nýju efni en á heimasíðu fyrirtæk-
isins, tunecore.com, kemur fram að
það taki á bilinu eina til sex vikur.
Amazon uppfærir efni hraðast –
vikulega.
En hvað skyldi þetta kosta?
Það fer eftir umfangi útgáfunnar.
Vilji menn aðeins koma einu lagi á
framfæri greiða þeir fast gjald, 9,99
dollara, á ári, burtséð frá því hvað
laginu er dreift í margar netversl-
anir. Það gera 1.270 krónur. Séu
menn með fleiri lög, jafnvel heila
plötu, er árgjaldið 19,98 dollarar eða
2.550 krónur. Við það bætast 99
cent (127 kr.) fyrir hverja verslun
sem viðskiptavinurinn velur og hvert
lag sem hlaðið er upp á TuneCore en
það gjald er bara greitt einu sinni.
Tökum dæmi: Vilji tónlistarmaður
láta TuneCore dreifa fyrir sig tveim-
ur lögum til iTunes í Bandaríkjunum
greiðir hann 21,96 dollara fyrir. Eftir
það þarf hann að greiða 19,98 doll-
ara á ári meðan lögin eru ennþá
inni.
Fyrir stóra sem smáa
Yfirlýst stefna TuneCore er að
gera stórum sem smáum kleift að
dreifa tónlist sinni og hafa þúsundir
listamanna þegar fært sér þjónustu
fyrirtækisins í nyt. Fyrsti við-
skiptavinurinn var enginn annar en
Frank Black, forsprakki Pixies, og
nýlega fékk Nine Inch Nails Tune-
Core til að hafa milligöngu um sölu
á plötu sinni Ghosts I-IV í Ama-
zonMP3-netversluninni. Vakti sú ráð-
stöfun mikla athygli.
Aðrir nafnkunnir listamenn sem
hafa nýtt sér þjónustu TuneCore eru
Aretha Franklin, Paul Westerberg og
Izzy Stradlin, sem í eina tíð var í
Guns N’ Roses.
Frumkvöðull Frank Black úr Pixies var fyrsti viðskiptavinur TuneCore.
EKKI OF GOTT TIL AÐ VERA SATT
Ein bókanna sem Gunnar Gunnarsson
ljósmyndari hefur gefið út fyrir at-
beina Blurb nefnist Mannamyndir og
er einskonar yfirlit yfir feril hans sem
spannar ríflega tvo áratugi. Gunnar
starfaði lengi hjá Fróða og síðar Birt-
íngi og hefur tekið ógrynni portrett-
mynda gegnum tíðina. Margar mynd-
anna í bókinni hafa birst áður, aðrar
ekki.
Fólkið á myndunum á það sameig-
inlegt að hafa af einni eða annarri
ástæðu verið í fjölmiðlum og eru
myndirnar teknar við ýmis tækifæri.
Meðal viðfangsefna Gunnars eru Páll
Óskar Hjálmtýsson, Ólafur Ragnar
Grímsson, Kristján Jóhannsson,
Laddi, Linda Pétursdóttir, Sjón, Davíð
Oddsson, Elías Mar, Magnús Schev-
ing og Rósa Ingólfsdóttir. Ljósmynd/Gunnar Gunnarsson
Ljósmynd/Gunnar Gunnarsson
Ljósmynd/Gunnar Gunnarsson
MYNDIR AF
MÖNNUM
@
Fréttir
á SMS