Morgunblaðið - 21.07.2009, Side 1

Þ R I Ð J U D A G U R 2 1. J Ú L Í 2 0 0 9
STOFNAÐ 1913
196. tölublað
97. árgangur
Landsprent ehf.
MBL.IS
Morgunblaðið
hvar sem er
hvenær sem er
95
ára
mbl.is
«DAGLEGTLÍF Á BARNALANDI
VEL MEÐ FARIÐ FERÐA-
STRAUJÁRN TIL SÖLU
« FYNDIN Í TEIKNIMYNDUM
Scrat í Ísöldinni
slær alla aðra út
Eftir Helga Bjarnason
helgi@mbl.is
KATRÍN Júlíusdóttir iðnaðarráð-
herra telur það vel koma til greina að
Landsvirkjun útvegi álveri Norðuráls
í Helguvík orku. Það verði þá tíma-
bundið, þar til HS orka og Orkuveita
Reykjavíkur sem samið hafa um að
selja orku til álversins samkvæmt
upphaflegum áformum geti útvegað orkuna. Ráðherra
telur einnig koma til greina að lífeyrissjóðir, orkukaup-
endur og fleiri geti sameinast um að fjármagna einstaka
virkjanir í einkaframkvæmd.
Öll orkufyrirtækin eiga í erfiðleikum með að fjár-
magna virkjanir fyrir stóriðjufyrirtækin vegna lánsfjár-
kreppunnar. Norðurál hefur óskað eftir því að Lands-
virkjun komi að Helguvíkurverkefninu til að brúa bilið.
Raforkan þyrfti að koma úr neðri hluta Þjórsár sem
stjórn Landsvirkjunar hefur tekið frá fyrir aðra upp-
byggingu en stóriðju á Suður- og Vesturlandi. Þá er í
stjórnarsáttmála ríkisstjórnarinnar kveðið á um að eng-
ar ákvarðanir verði teknar um virkjanir í neðri hluta
Þjórsár fyrr en ný rammaáætlun um vernd og nýtingu
náttúrusvæða liggur fyrir. Hún á að koma fram í vetur.
Á hinn bóginn lofaði ríkisstjórnin fyrir skömmu, við
gerð stöðugleikasáttmálans, að greiða götu framkvæmda
vegna álvera í Helguvík og Straumsvík. „Kappkostað
verður að engar hindranir verði af hálfu stjórnvalda í
vegi slíkra framkvæmda eftir 1. nóvember.“  11
Útilokar ekki að Landsvirkjun selji orku til Helguvíkur
Leita leiða til fjármögnunar
Katrín Júlíusdóttir
ALÞJÓÐLEGA skátamótið Roverway 2009 var sett
framan við Háskóla Íslands í gærmorgun. Undan-
farið hafa streymt til landsins skátar á aldrinum 16-
26 ára. Erlendir þátttakendur eru um 2.500 talsins
og koma frá meira en 50 löndum, auk um 500 ís-
lenskra skáta sem taka þátt í mótinu. Næstu daga
skiptist hópurinn í 52 sveitir sem fást við fjölbreytt
verkefni eftir nokkrum meginþemum. Á föstudag
mun alþjóðlegt þorp rísa á Úlfljótsvatni. Þar verður
fjölbreytt dagskrá. Á sunnudag verður karnival
auk þess sem þátttakendur frá hinum ýmsu þjóðum
munu setja upp kynningarbása. Um 250 íslenskir
skátaforingjar stýrðu undirbúningi mótsins en
mótsstjóri er Ásta Bjarney Elíasdóttir. | 4
Morgunblaðið/Jakob Fannar
Yfir 3.000 skátar frá
meira en 50 löndum
Eftir Þorbjörn Þórðarson
thorbjorn@mbl.is
MEÐAL þeirra sem koma til með að eign-
ast hlut í Kaupþingi og Íslandsbanka eru
stærstu erlendu
lánveitendur gamla
Kaupþings og
Glitnis. Í tilviki
Kaupþings er um
að ræða þýska
bankann Deutsche
Bank. Hjá Glitni er
japanski bankinn
Sumitomo Mitsui
einn stærsti kröfu-
hafinn meðal lán-
veitenda, sam-
kvæmt heimildum
Morgunblaðsins,
og verður hann
hluthafi í Íslandsbanka. Aðrir sem eignast
hlut í bankanum eru breski bankinn Royal
bank of Scotland og þýsku bankarnir HSH
Nordbank og DekaBank.
Skuldabréfaeigendur stærstir
Skuldabréfaeigendur eru samt stærstu
kröfuhafar bankanna. Skuldabréf föllnu
bankanna hafa verið að seljast á miklum
afföllum á markaði. Vita skilanefndirnar
ekki hverjir eigendur þeirra eru því frest-
ur til að lýsa kröfum í þrotabú gömlu
bankanna rennur ekki út fyrr en í haust,
31. október hjá Kaupþingi og 26. nóv-
ember hjá Glitni. Bandarískir fagfjár-
festar, þ.á m. vogunarsjóðir, hafa verið að
kaupa slík bréf samkvæmt upplýsingum
frá miðlurum.
Tilkynnt var í gær að ríkissjóður myndi
leggja bönkunum þremur til hlutafé sem
nemur 270 milljörðum króna. Í tilviki
Kaupþings og Íslandsbanka munu síðan
skilanefndirnar kaupa það til baka.
Ef samkomulagið gengur eftir verður
Íslandsbanki alfarið í eigu kröfuhafanna
og í tilviki Kaupþings gæti þetta hlutfall
orðið 87%. Skilanefndirnar munu stýra
bönkunum í umboði kröfuhafanna.
 Fjölþjóðlegt eignarhald | 12
Í faðm
erlendra
bankarisa
Deutsche Bank og
Sumitomo í hópnum
Í HNOTSKURN
»Allar inn-stæður eru
tryggðar í sam-
ræmi við gild-
andi reglur.
»Skilanefndirstýra bönk-
um í umboði
kröfuhafa.
 HÆKKANDI
hlutabréfavísi-
tölur um allan
heim eru í The
Financial Times
taldar fyrirboði
þess að kreppan
sé á undanhaldi.
Þórður Frið-
jónsson, forstjóri
Kauphallar Ís-
lands, tekur undir það.
Áætlanir hafi gert ráð fyrir að
hlutabréfamarkaðurinn færi að
rétta úr kútnum í lok næsta árs.
Það væri hins vegar óvissu háð og
undir ríkinu komið. Hann taldi
æskilegast að fyrirtæki í ríkiseigu
yrðu boðin út á almennum markaði
til að tryggja sem dreifðast eign-
arhald. Jafnvel mætti sjá fyrir sér
um 30-40 fyrirtæki á hlutabréfa-
markaði í lok árs 2010. »2
Vísbendingar um að
kreppan sé nú á undanhaldi
Þórður Friðjónsson
 LÖGMENNIRNIR Ása Ólafsdóttir
og Ástráður Haraldsson gagnrýna
málflutning Eiríks Tómassonar og
Ragnars H. Hall um Icesave-málið í
grein í Morgunblaðinu í dag. Skrifa
þau m.a. að í lögum segi hvergi að
kröfur Tryggingasjóðs innstæðueig-
enda standi framar öðrum kröfum.
Indriði H. Þorláksson segir Icesave-
samningana engu breyta um forgang
sjóðsins. Minnihluti fjárlaganefndar
hefur óskað þess að Hagfræðistofn-
un HÍ geri úttekt á fylgigögnum
samningsins. »4, 13 og 20
Kröfur innistæðutrygg-
ingasjóðs ekki rétthærri
 Undanfarnar
vikur hafa verið
með þurrustu
tímabilum um
allt vestanvert
landið og raunar
víðar, að sögn
Trausta Jóns-
sonar veðurfræð-
ings. Er úrkoma
frá 24. júní ekki
nema 6 mm í
Reykjavík. Hjá Orkuveitu Reykja-
víkur hafa menn líka orðið varir við
þessa þróun því rennslistoppar nú
eru hærri en í venjulegri sumar-
viku. Hæstur var toppurinn raunar
í gær er hann var 1.200 sekúndu-
lítrar, miðað við 900 sekúndulítra á
venjulegum sumardegi. »8
Þurrkurinn mælanlegur
á vatnsnotkuninni
Sumarblóm Þola
þurrkinn illa.
KARLMAÐUR á þrítugsaldri, sem
olli stórhættu þegar hann ók stoln-
um bíl í gegnum Reykjavík og upp í
Hvalfjörð með lögreglu á hælunum
á sunnudag, hefur áður gerst sekur
um sambærilegt ódæði, samkvæmt
heimildum Morgunblaðsins. Mað-
urinn hlaut dóm fyrir ofsaakstur og
í kjölfar skýrslutöku í gær var hann
færður á Litla-Hraun til afplánunar
refsingar vegna hans.
Í júní 2007 sinnti maðurinn ekki
stöðvunarmerkjum lögreglu þegar
hann ók norður Vesturlandsveg á
um 160 km hraða. Hann jók hrað-
ann og ók upp í Hvalfjörð þar sem
hann ók á allt að 200 km hraða.
Lögreglumönnum tókst að þvinga
bifreið hans út af veginum skammt
frá botni fjarðarins, norðan við
Brynjudalsá. Í kjölfarið neitaði
hann að yfirgefa bílinn og ógnaði
lögreglumönnum með klaufhamri.
Maðurinn, sem slasaðist nokkuð
á sunnudag þegar hann var stöðv-
aður við Svínadalsafleggjara, var
útskrifaður af Landspítalanum í
gærmorgun. Hann var í skýrslu-
töku í gærdag, allt þar til hann var
fluttur á Litla-Hraun. | 9
Ökuníðingur lék sama
leik fyrir tveimur árum