Morgunblaðið - 21.07.2009, Side 5

FARÞEGAÞOTA United Airlines af
gerðinni Boeing 767 á leið frá
London til Chicago fékk að lenda
með skömmum fyrirvara á Kefla-
víkurflugvelli í gær vegna reyks í
stjórnklefa. Lenti vélin áfallalaust
klukkan 14:44 en mikill viðbúnaður
var við lendinguna. Var öllu tiltæku
björgunarliði komið í viðbragðs-
stöðu. Um borð voru 190 manns. Til
öryggis stigu farþegar út úr vélinni
meðan hún var enn á flugbrautinni
og voru þeir ferjaðir með rútum í
flugstöðina.
Vélin var dregin að flugstöðinni
og ástand hennar kannað. Reiknað
er með að hún geti haldið áfram för
sinni í dag.
skulias@mbl.is
Lent Flugvél United á Keflavíkur-
flugvelli skömmu eftir lendingu.
Mikill viðbúnaður
vegna reyks í flugvél
Fréttir 5INNLENT
MORGUNBLAÐIÐ ÞRIÐJUDAGUR 21. JÚLÍ 2009
Eftir Rúnar Pálmason
runarp@mbl.is
NÝ þátttökumet voru sett í Óshlíð-
arhlaupi og Vesturgötuhlaupinu sem
þreytt voru á Vestfjörðum um
helgina. Ríflega 300 manns hlupu í
keppnishlaupunum og um 100
manns tóku auk þess þátt í skemmti-
skokki á Ísafirði. Ljóst má vera að
hlaupahátíðin fyrir vestan hefur
rækilega fest sig í sessi.
Óshlíðarhlaupið var haldið á föstu-
dag og keppt í bæði 10 km og hálfu
maraþoni. Þátttakendur voru alls
130. Úrslitin má nálgast á vefnum
www.fossavatn.com.
Öflug hlaupaætt
Í Vesturgötuhlaupinu er bæði
keppt í 12 og 24 km hlaupi. Meðal
helstu tíðinda var að í 12 km keppni
kvenna urðu mæðgur í tveimur efstu
sætunum, þ.e. Aníta Hinriksdóttir,
13 ára, vann en móðir hennar, Bryn-
dís Ernstsdóttir, varð í öðru sæti. Þá
vann Martha Ernstsdóttir, systir
Bryndísar, 24 km keppni kvenna.
Sigmundur Þórðarson hlaupa-
stjóri var hæstánægður með hvernig
til tókst. „Þetta gekk frábærlega.
Það var fullur bær af yndislegu fólki
og þvílíkt gott veður.“ Fjöldinn væri
til marks um mikla hlaupavakningu
og bætti við í léttum dúr að það hefði
örugglega haft áhrif að Martha
Ernstsdóttir og Jón Halldór Odds-
son giftu sig á laugardaginn, daginn
fyrir Vesturgötuhlaupið.
Þátttökumet á hlaupahátíð
 Aldrei meiri þátttaka í Óshlíðarhlaupinu og Vesturgöt-
unni á Vestfjörðum  Mæðgur fremstar í 12 km hlaupi
24 km eftir Ræst er í 24 km hlaupi í Vesturgötu í Stapadal. Alls tók 201 þátt
í hlaupinu en skipuleggjendur reikna með yfir 300 manns á næsta ári.
N Ý T T
2 0 % k y n n i n g a r a f s l á t t u r
Ármúla 10 | sími: 5689950 | www.duxiana.com
TILBOÐ 2 DUX 1001/Original 90x200cmXtandard yfirdýna 180x200cmAscot höfuðgafl og rykfaldur
Aðeins
kr. 420.000
3 litir: Beige, brúnt og svart
Takmarkað magn
ÁGÚST Kvaran lauk 175 kíló-
metra hlaupi sínu um Kjalveg á
laugardaginn. Tók hlaupið fjóra
daga og hljóp hann því rúmlega
heilt maraþon dag hvern að með-
altali. Á leiðinni bar Ágúst við-
legubúnað sinn, mat og fatnað, á
sér. Hlaupið hófst við afleggjara
af þjóðvegi númer 1 inn á Kjal-
veg á miðvikudag og lauk við
Gullfoss síðdegis á laugardag.
Blíðskaparveður fylgdi Ágústi
alla leiðina.
Fyrr í ár hljóp Ágúst Sahara-
eyðimerkurmaraþonið Marathon
des Sables. Er það hlaupið á sex
dögum og telur 254 kílómetra.
skulias@mbl.is
Lauk 175 km hlaupi
á fjórum dögum
EKIÐ var á Toyota Yaris-bifreið í
Tjarnargötu síðdegis í gær. Bíll-
inn skemmdist töluvert. Sá sem
olli tjóninu stakk af frá vettvangi.
Að sögn lögreglu eru mál af
þessu tagi afar algeng og oft
komi fyrir að ökumenn stingi af
frá miklu tjóni sem þeir valda á
bílum.
Morgunblaðið/Eggert
Illa farinn Skemmdirnar á bifreið-
inni voru umtalsverðar.
Ók á bíl og stakk
af frá vettvangi