Morgunblaðið - 21.07.2009, Side 4

4 FréttirINNLENT
MORGUNBLAÐIÐ ÞRIÐJUDAGUR 21. JÚLÍ 2009
Eftir Guðna Einarsson
gudni@mbl.is
MIKIL stemmning var við Háskóla
Íslands þegar alþjóðlega skátamót-
ið Roverway 2009 var sett þar í
gærmorgun. Einstök veðurblíða
setti svip sinn á athöfnina sem
skreytt var með fánaborg og log-
andi blysum.
Í mótinu taka þátt um 2.500 út-
lendir skátar og um 500 íslenskir á
aldrinum 16-26 ára.
Að lokinni setningu skiptust
mótsgestir í 52 sveitir með 50 skát-
um í hverri sveit. Næstu daga sinna
sveitirnar fjölbreyttum verkefnum.
Ein mun ganga á Hvannadalshnjúk,
aðrar á Hornstrandir, Heklu og
Sveinstind. Auk þess munu sveitir
fara í menningarferðir um Reykja-
vík, stunda ljósmyndun og kvik-
myndatöku, fara til Vestmannaeyja
eða Mývatns og kynna sér gerð
Latabæjarþáttanna.
Á föstudaginn kemur sameinast
hóparnir á Úlfljótsvatni. Þar verð-
ur reist 3.100 manna alþjóðlegt
skátaþorp sem standa mun fram á
þriðjudag í næstu viku. Þar verða
m.a. fimm kaffihús, hvert með sínu
sniði, víkingaþorp, listaþorp, þjóð-
félagsþorp, umhverfisþorp og
íþróttaþorp. Einnig verða vinnu-
hópar um stjórnmál, þjóðfélagsmál,
tækni og vísindi. Keppt verður í
margskonar íþróttum, listasmiðjur
haldnar og varðeldar, listsýningar
o.fl. Á sunnudag verður mikil
skemmtidagskrá með fjölbreyttum
skemmtiatriðum, menningar-
dagskrám og kynningarbásum frá
hinum ýmsu þátttökuþjóðum.
Benjamín Axel Árnason, fjöl-
miðlafulltrúi mótsins, sagði að mót-
ið væri aðeins opið þátttakendum
og boðsgestum. Mótið er á forræði
Evrópusamtaka skáta og lýtur
reglum þeirra. Það er hið þriðja
sinnar tegundar sem haldið er.
Fjölþjóðlegt 3.100 íbúa
þorp rís á Úlfljótsvatni
Eitt stærsta skáta-
mót, haldið á Ís-
landi, sett í gær
Morgunblaðið/Jakob Fannar
Roverway 2009 Mótið var sett við Háskóla Íslands í gærmorgun. Fánaborg og blys settu sterkan svip á athöfnina.
Yfir 3.000 skátar f́rá meira en 50 löndum á skátamóti
Morgunblaðið/Jakob Fannar
Alþjóðlegt Þátttakendur eru á aldrinum 16-26 ára og koma frá meira en 50
þjóðlöndum auk Íslands. Alþjóðaþorp mun rísa á Úlfljótsvatni.
Nefnd um endurskoðun umferð-
arlaga leggur til að Vegagerðin
fái heimild til að sekta ökumenn
ökutækja yfir 3,5 tonnum um
allt að 500 þúsund krónur brjóti
þeir gegn ákvæðum um akst-
urs- og hvíldartíma, búnað,
hleðslu eða heildarþyngd.
Tilgangurinn er að efla enn
frekar þátt Vegagerðarinnar í
hinu sérhæfða eftirliti sínu með
akstri ökutækja sem eru meira
en 3,5 tonn. Þá er leitast við að
færa ákveðna brotaflokka frá
því að vera andlag eiginlegra
fjársektarrefsinga yfir í að vera
grundvöllur stjórnvaldssekta
ákvarðaðra af Vegagerðinni.
Vegagerðin sektar
Eftir Andra Karl
andri@mbl.is
SAMKVÆMT drögum að frum-
varpi nýrra umferðarlaga verður
ökuleyfisaldur hækkaður upp í
átján ár, farþegatakmarkanir sett-
ar á unga ökumenn, leyfilegt
áfengismagn í blóði ökumanns
lækkað í 0,2‰ og í ríkari mæli
gripið til fangelsisrefsingar vegna
alvarlegra brota á umferðarlögum.
Lagt er til að aldurstakmörk
vegna ökuréttinda verði hækkuð í
áföngum til ársins 2014 þannig að
veita megi þeim ökuréttindi í
fyrsta sinn sem verða 17 ára á
árinu 2011, 17 ára og þriggja mán-
aða á árinu 2012, 17 ára og sex
mánaða á árinu 2013 og 17 ára og
níu mánaða á árinu 2014. Á árinu
2015 verði síðan 18 ára aldurs-
markið að fullu komið til fram-
kvæmda.
Færri farþegar helgarnætur
Jón Haukur Edwald, formaður
Ökukennarafélags Íslands, segir
þetta auðvitað hafa í för með sér
25% tekjuskerðingu þessi ár og
auðvitað detti út heill árgangur.
„En með þessu teljum við vera
hægt að ná þessu fram þannig að
það sé mildara gagnvart þeim sem
eru að bíða eftir bílprófi og einnig
okkur sem störfum í greininni –
þannig að hún verði ekki lögð niður
í eitt ár eða svo.“
Jón Haukur sem sat í nefnd um
endurskoðun umferðarlaga segir
tillöguna vissulega málamiðlun en
með henni er verið að samræma
sjálfræðis- og ökuleyfisaldur.
„Sjálfræðisaldurinn hefur verið
færður upp og eins og þetta er nú
erum við ekki með sjálfráða ein-
stakling við stýrið fyrsta árið.“
Þá er lagt til að áður en ökumað-
ur nái 20 árum verði honum óheim-
ilt að aka með fleiri en einn farþega
frá klukkan 23 til klukkan 9 að
morgni föstudag og laugardag.
Þetta gildi þó ekki ef farþegi er
barn ökumanns eða foreldri eða ef
um er að ræða akstur í neyð.
Ökuleyfisaldur hækkaður
 Hækkun í áföngum með fyrirsjáanlegri skerðingu á tekjum ökukennara
 Gert verður út um gráa svæðið þegar kemur að áfengisneyslu og akstri
Morgunblaðið/Kristinn
Umferð Nái tillögur fram að ganga
þurfa ökumenn að vera 18 ára.  Meira á mbl.is
Á FUNDI fjárlaganefndar í gær
lögðu fulltrúar stjórnarand-
stöðuflokkanna fram óskir sínar um
gögn og annað til að varpa ljósi á
framgang Icesave-málsins í nefnd-
inni. Utanríkismálanefnd fundaði
einnig um málið í gær.
Óskað var eftir því við Guðbjart
Hannesson, formann fjárlaganefnd-
ar, að Hagfræðistofnun Háskóla Ís-
lands gerði úttekt á fylgigögnum
fjármálaráðuneytisins og Seðla-
banka Íslands með Icesave-
samkomulaginu samkvæmt fram-
lagðri verkefnalýsingu. Felur hún
meðal annars í sér að fá Davíð Odds-
son, fyrrverandi seðlabankastjóra,
og Björgvin G. Sigurðsson, fyrrver-
andi viðskiptaráðherra, fyrir nefnd-
ina til að varpa ljósi á það hvort ís-
lensk stjórnvöld hafi skuldbundið
sig til greiðslu í aðdraganda og kjöl-
far bankahrunsins.
Á sama hátt er óskað eftir að fyrir
nefndina komi fulltrúar ensku lög-
mannsstofunnar Mischon De Reya
til að skýra aðkomu sína að málinu. Í
minnisblaði frá stofunni var sú skoð-
un látin í ljós að ríkið bæri ekki
ábyrgð á innistæðum Icesave.
Vilja fá leynigögn í hendur
Einnig er þess óskað að ýmis
gögn verði lögð fram, meðal annars
skjal utanríkisráðuneytisins um
skilning á hinu svokallaða friðhelg-
isákvæði og þýddum uppgreiðslu-
samningi við Breta sem hingað til
hefur verið haldið leyndum.
Undir beiðnina skrifa nefnd-
arfulltrúar allra stjórnarand-
stöðuflokkanna þriggja. Svara við
óskunum er beiðst samdægurs í
skriflegu formi.
„Það verður skoðað hvort það er
tími eða ástæða til að kalla eftir áliti
fleiri aðila,“ segir Guðbjartur Hann-
esson um ósk minnihlutans um út-
tekt Hagfræðistofnunar HÍ. Hann
segir markmið fundarins í gær hafa
verið að skoða hvað þyrfti til að
breiðari samstaða næðist um málið á
Alþingi. Óskir stjórnarandstöð-
unnar eru að sögn Guðbjarts í skoð-
un.
Nefndin mun funda áfram um Ice-
save á morgun en ekki er ljóst hve-
nær það verður afgreitt úr henni.
Hagfræðistofnun HÍ
taki út Icesave-málið
Morgunblaðið/Eggert
Þrældómur? Icesave mótmælt við
Alþingishúsið á Austurvelli.
Vilja Davíð og Björgvin fyrir fjárlaganefnd