Morgunblaðið - 21.07.2009, Blaðsíða 16
16 FréttirERLENT
MORGUNBLAÐIÐ ÞRIÐJUDAGUR 21. JÚLÍ 2009
GEIMFARARNIR á Apollo 11, sem
urðu fyrstir til að stíga fæti á tungl-
ið, vilja að Bandaríkjamenn stefni
að því að senda menn til Mars nú
þegar 40 ár eru liðin síðan geimfar
þeirra lenti á tunglinu.
Neil Armstrong og Michael Coll-
ins, sem báðir eru 78 ára að aldri,
og Edwin „Buzz“ Aldrin, 79 ára,
komu fram við athöfn í bandaríska
flug- og geimferðasafninu í Wash-
ington og ræddu síðan við Barack
Obama forseta í tilefni af afmælinu.
Aldrin hvatti bandaríska þingið
og þjóðina til að nota tunglferð-
arafmælið sem hvatningu til að
hefja undirbúning geimferðar til
Mars. „Apollo 11 er táknmynd þess
sem dugmikil þjóð getur gert þegar
við leggjum mikið á okkur og
vinnum saman,“ sagði hann.
„Bandaríkjamenn – eigið þið ykkur
enn stóra drauma? Hafið þið enn
trú á sjálfum ykkur?“ spurði hann
þjóð sína. „Ég skora á næstu kyn-
slóð og leiðtoga þjóðarinnar að
svara: Já, við getum þetta.“
Vilja að Bandaríkjamenn
sendi geimfara til Mars
Haldið upp á 40 ára afmæli fyrstu tunglferðarinnar
Reuters
Geimur Áhöfn Apollo 11. Buzz Aldrin til vinstri, Michael Collins og Neil
Armstrong fagna því að 40 ár eru liðin frá því maðurinn steig á tunglið.
ELÍSABET Bretadrottning fylgdist með svanaeftirlitsmönnum þegar þeir
tóku þátt í árlegri svanatalningu í ánni Thames í gær. Athöfnin er rakin til
tólftu aldar þegar algengt var að konungsfólk borðaði svani og allir
hnúðsvanir í Thames töldust eign konungsfjölskyldunnar. Talningin fer
fram þriðju vikuna í júlí ár hvert og eru þá svanir veiddir, merktir og látnir
lausir undir stjórn embættismanns sem gegnir því hlutverki að telja svans-
unga og sjá til þess að svönum fækki ekki. Einnig er leitað að merkjum um
meiðsli eða sjúkdóma á svönunum til að kanna ástand stofnsins.
Aldagamalli hefð viðhaldið
Reuters
Ástand svanastofnsins
kannað í Thames-á
Eftir Boga Þór Arason
bogi@mbl.is
STUÐNINGURINN við Barack
Obama mælist nú minni en 60% í
fyrsta skipti frá því að hann tók við
embætti forseta Bandaríkjanna í
janúar og óánægjan með frammi-
stöðu hans í mikilvægum málum
hefur aukist verulega, ef marka má
nýja viðhorfskönnun.
Ný könnun ABC og Washington
Post bendir til þess að 59% Banda-
ríkjamanna séu ánægð með störf
Obama í forsetaembættinu, tíu pró-
sentustigum færri en í vor þegar
fylgi forsetans var mest og sex
stigum færri en í samskonar könn-
un fyrir mánuði.
Rétt rúmur helmingur að-
spurðra, eða um 52%, kvaðst vera
ánægður með frammistöðu Obama
í efnahagsmálum, átta prósentu-
stigum færri en þegar stuðning-
urinn við hann var mestur. Stuðn-
ingurinn við stefnu Obama í
heilbrigðismálum hefur minnkað úr
57% í 49%. Um 44% aðspurðra
sögðust vera óánægð með stefnu
forsetans í þessum málaflokki,
fimmtán prósentustigum fleiri en í
vor.
Obama hefur þurft að takast á
við mörg erfið vandamál og búist
er við að heilbrigðismálin verði
honum sérlega erfið vegna and-
stöðu á þinginu við loforð hans um
umbætur á sjúkratryggingakerfinu.
Könnunin bendir til þess að
stuðningurinn við repúblikana á
þinginu hafi aukist en hann er þó
enn lítill. Aðeins 36% aðspurðra
sögðust vera ánægð með störf
repúblikana og 58% óánægð.
Stuðningurinn við þá hefur aukist
um sex prósentustig frá því í vor
og um ellefu stig á einu ári.
Vinsældir
Baracks Obama
minnka til muna
Vaxandi óánægja
með störf forsetans í
helstu málaflokkum
Reuters
Í vörn Obama stendur frammi fyrir
erfiðri baráttu á þinginu.
VÍSINDAMENN á Grænlandi eru
að þróa aðferðir við að nota há-
karlakjöt til að framleiða lífrænt
eldsneyti. Marianne Willemøs Jørg-
ensen, sem stjórnar rannsókninni á
vegum Tækniháskóla Danmerkur,
segir að hægt sé að nota þúsundir
tonna af hákarlakjöti og fisk-
úrgangi til að framleiða rafmagn
eða kynda hús.
Rannsóknin fer fram í bænum
Uummannaq, sem er með 2.450
íbúa, og vísindamennirnir telja að
um 13% af orkunotkun bæjarins
geti komið frá eldsneyti sem unnið
er úr hákarlalýsi.
Samtök grænlenskra útvegs-
manna fagna
rannsókninni og
segja að þús-
undir hákarla
drepist í veið-
arfærum græn-
lenskra skipa á
ári hverju og
þeim sé kastað í
sjóinn. Samtökin
segja að hákarlinn sé ekki í útrým-
ingarhættu en umhverfisvernd-
arsamtök eru ekki hrifin af rann-
sókninni. Þau segja að lítið sé vitað
um ástand hákarlastofnsins og
hvetja Grænlendinga til að nýta
frekar sjálfbæra orkugjafa.
Hákarlinn notaður
í lífrænt eldsneyti
ALBERTO Fuji-
mori, fyrrum for-
seti Perú, var í
gær dæmdur í sjö
og hálfs árs fang-
elsi fyrir spill-
ingu. Fujimori
sem var forseti á
árunum 1990–
2000 var fundinn
sekur um að hafa
greitt einum helsta aðstoðarmanni
sínum, Vladimiro Montesino, 15
milljónir Bandaríkjadala úr opinber-
um sjóðum. Fujimori hafnaði því að
greiðslurnar væru glæpsamlegar og
hefur áfrýjað dómnum.
Samkvæmt perúskum lögum er
ekki hægt að afplána marga dóma í
einu, heldur gildir sá lengsti þegar
um margar sakfellingar er að ræða.
Þetta þýðir að Fujimori mun hvorki
afplána nýjasta dóminn né sex ára
dóm sem hann fékk áður fyrir brot á
mannréttindum, en hann afplánar
nú þegar 25 ára fangelsisdóm fyrir
að hafa fyrirskipað morð á 25 manns
meðan hann var við völd. Sá dómur
markaði tímamót þar sem þetta var í
fyrsta sinn sem réttað var yfir lýð-
ræðislega kjörnum fulltrúa í róm-
önsku Ameríku í eigin heimalandi
vegna mannréttindabrota.
sigrunrosa@mbl.is
Rúm sjö
ár fyrir
spillingu
Fujimori, fyrrum for-
seti Perú, dæmdur
Alberto Fujimori
TUTTUGU og
tveggja ára
Lundúnabúi lést
nýverið á
sjúkrahúsi eftir
að hafa verið
neitað um lifr-
arígræðslu.
Maðurinn
hafði verið lagð-
ur inn á Há-
skólasjúkrahúsið
í London vegna áfengiseitrunar
tíu vikum áður. Hann hafði verið
áfengissjúklingur frá þrettán ára
aldri. Töldu heilbrigðisyfirvöld
ekki hægt að víkja frá ströngum
reglum um líffæragjafir, sem
krefjast þess að líffæraþegi hafi
ekki drukkið áfengi sex mánuðum
fyrir aðgerðina.
Fékk ekki
lifur og dó
Reglur Uppfyllti
ekki skilyrði.
BRÚÐGUMAR, vopnaðir AK-47
rifflum, syngja þjóðlög við fjölda-
brúðkaup sem fram fór í Sanaa,
höfuðborg Jemens, í gær. Um 160
hjón voru gefin saman í brúðkaupi
sem góðgerðarsamtök stóðu fyrir.
Vopnaðir í hjónaband
Reuters