Morgunblaðið - 03.11.2009, Side 5

5
MORGUNBLAÐIÐ ÞRIÐJUDAGUR 3. NÓVEMBER 2009
hvernig farið er í skuldaúrvinnslu
fyrirtækja og þær eiga að gilda al-
mennt. Ég ætlast til þess að hvert og
eitt mál og þetta í heild sinni þoli allt
gagnrýna skoðun og ég geri ekki ráð
fyrir öðru en menn í bönkunum séu
sér meðvitandi um það. En það væri
að æra óstöðugan og beinlínis rangt,
ef ráðherra færi að blanda sér inn í
einstök mál. Ég trúi því ekki að það
séu menn að biðja um.“
Morgunblaðið/Kristinn
Fjármálaráðherra Steingrímur J.
Sigfússon segir að það væri að æra
óstöðugan, ef ráðherra færi að
blanda sér inn í einstök mál.
BJARNI Benedikts-
son, formaður Sjálf-
stæðisflokksins, segir
að bönkunum og
stjórnvöldum hafi al-
gjörlega mistekist að
skapa traust á banka-
kerfinu, þannig að fólk
skilji hvers vegna sum-
ir tapa sínu eignarhaldi
á fyrirtækjum, aðrir fái
felldar niður skuldir og
enn aðrir standi
frammi fyrir því að
bankarnir selji kröfur
sínar til annarrar fjár-
málastofnunar.
Bjarni nefnir sem
dæmi að fjármálastofnun hafi selt
kröfur á hendur World Class til ann-
arrar fjármálastofnunar á sama tíma
og eigendur World Class hafi verið
að semja um skuldir sínar. Skuld-
irnar séu nú til innheimtu í annarri
fjármálastofnun en þar sem til
skuldarinnar var stofnað. „Vitanlega
setja svona vinnubrögð menn út af
laginu,“sagði Bjarni í samtali við
Morgunblaðið í gær.
Alvarlegt að mistekist hefur að
skapa traust á ferlinu
„Mér finnst það alvarlegt að það
hefur mistekist að skapa traust á því
ferli sem fer af stað í bönkunum við
að endurskipuleggja skuldastöðu
fyrirtækjanna. Það á
að vera skiljanlegt og
gegnsætt af hverju
eignarhaldið er í sum-
um tilvikum tekið af
mönnum, af hverju
menn fá í sumum til-
vikum felldar niður
skuldir og í þriðja lagi
af hverju menn geta í
sumum tilvikum keypt
sig aftur inn í rekstur
sem er á leiðinni í
þrot.“
Bjarni segir að ef
marka megi frétta-
flutning í Morg-
unblaðinu í gær og á
Stöð 2 í fyrrakvöld, þá sé þetta að
gerast:
„Eigendur Haga hafa tapað eign-
arhaldi félagsins að fullu, en þeir fá
að kaupa til baka 60% í félaginu gegn
sjö milljörðum króna.“
– Er þetta réttlætanlegt að þínu
mati, þegar þú setur það í samhengi
við það sem gerðist sl. vetur, þegar
fyrrverandi eigendur Árvakurs hf.
urðu að afskrifa eign sína í félaginu
að fullu og hverfa frá félaginu sem
eigendur, áður en Íslandsbanki sam-
þykkti að afskrifa ákveðnar skuldir
og selja svo félagið í opnu útboði til
hæstbjóðanda?
„Nei, vitanlega ekki. Þar var um
gegnsætt ferli að ræða, en sam-
kvæmt því sem nú virðist vera að
gerast í Kaupþingi og víðar, ef
marka má fréttir, þá er stjórnvöld-
um og stjórnendum bankanna al-
gjörlega að mistakast að skapa
traust og gegnsæi í þessu ferli, þann-
ig að stórar ákvarðanir eins og þess-
ar séu gerðar skiljanlegar,“ sagði
Bjarni.
Þetta verður að vera við-
skiptaleg ákvörðun
– Er það forsvaranlegt að selja
gömlum eigendum Haga 60% eign-
arhlut fyrir sjö milljarða króna?
„Ég hef engar forsendur til að
meta verðin í þessu máli Haga. En
ég held að það sé skynsamlegt sem
menn hafa verið að leggja upp með,
að gefa eigendum félaganna tæki-
færi. Ef eigendum félaganna eru
ekki gefin tækifæri til að koma inn
með nýtt fjármagn, þá munu menn
alltaf lenda á afar gráu svæði. Þetta
verður að vera viðskiptaleg ákvörð-
un og ég held að við værum komin
aftur út á hættulegar brautir ef við
stjórnmálamenn ætlum að segja:
Það eru þessir menn sem mega vera
með og hinir ekki.“
– Slík fordæmi hafa nú þegar ver-
ið gefin, ekki satt?
„Mikið rétt, en ég er ekki viss um
að þau séu af hinu góða. Hvar ætla
menn að draga línuna? Við erum að
nálgast botninn í þessari kreppu. Á
þessu ári eða því næsta munum við
væntanlega finna viðspyrnu. Í fram-
haldi af því mun eiga sér stað mikil
verðmætaaukning í íslensku við-
skipta- og atvinnulífi. Við þurfum því
að hugleiða það núna, hvort við vilj-
um að sú verðmætaaukning lendi öll
í höndum erlendra kröfuhafa, í gegn-
um eignarhald þeirra á bönkunum,
eða hvort við viljum sjá verðmæta-
aukninguna sitja eftir á Íslandi.
Glitnir er þegar kominn í eigu er-
lendra lánardrottna og allt stefnir í
að erlendir lánardrottnar eignist
einnig Kaupþing innan tíðar. Eign-
arhald á Eimskip er nú komið í
hendur útlendinga, þeir eiga sömu-
leiðis um helminginn í Iceland Air.
Ef svona heldur áfram, halda útlend-
ingar áfram að koma hingað og hirða
upp íslensk fyrirtæki, þegar verð-
gildi þeirra er í sögulegu lágmarki
og þegar við göngum í gegnum
næsta hagvaxtarskeið getur vel svo
farið að sú verðmætaaukning sem
verður til samhliða vaxandi kaup-
mætti og hagvexti, hlaðist upp meira
og minna í höndum erlendra aðila.
Við þurfum að finna milliveg á
milli þess að laða hingað til lands er-
lenda fjárfestingu og þess að end-
urskipuleggja skuldir fyrirtækjanna
með þeim hætti, að áfram verði um
eðlilegt íslenskt eignarhald að ræða í
íslensku atvinnulífi.“
agnes@mbl.is
Fá að kaupa 60% í Högum
fyrir sjö milljarða króna
Bjarni Benediktsson, formaður Sjálfstæðisflokksins,
segir að mistekist hafi að skapa traust á bönkum
Bjarni Benediktsson
HVERS VEGNA VELUR ÞÚ ICELANDAIR?
• Allar áhafnir um borð hjá Icelandair eru íslenskar.
• Allar flugvélar í flota Icelandair eru skráðar á Íslandi.
• Allt viðhald á flugvélum Icelandair er á Íslandi.
HUGURINN BER ÞIG AÐEINS HÁLFA LEIÐ
BERÐU SAMAN VERÐ OG ÞJÓNUSTU
NÆST ÞEGAR ÞÚ FLÝGUR