SunnudagsMogginn - 06.12.2009, Qupperneq 22

22 6. desember 2009
Morgunblaðið/Kristinn
Aðför að sálinni
Einelti er ein dapurlegasta birtingarmynd
mannlegra samskipta. Enda þótt umræða um
einelti hafi opnast á umliðnum árum á fjöldi
fólks ennþá um sárt að binda af þeim sökum,
ekki síst grunnskólabörn sem oftar en ekki
eiga erfitt með að bera hönd fyrir höfuð sér.
Einelti
Signý Gunnarsdóttir
signyg@mbl.is
Hvað er einelti?
Það er skilgreint sem einelti
þegar einstaklingur sem er
sterkari líkamlega og/eða
félagslega beitir annan ein-
stakling síendurteknu áreitni
sem hann á erfitt með að
verjast. Sár af völdum eineltis
geta fylgt þolandanum ævilangt
og í verstu tilfellunum leitt til
sjálfsvígs.
Er munur á stríðni
og einelti?
Það er talað um stríðni þegar ein-
staklingi eða hópi barna er skapraun-
að af öðrum einstaklingi eða hópi.
Stríðni þarf ekki að magnast upp í
einelti þó að það gerist stundum.
Það er því mikilvægt að stöðva alla
stríðni áður en hún fær tækifæri til
að þróast í eitthvað annað og verra.
Staðreyndir um einelti
Rannsóknir sýna að um fimm þúsund börn eru lögð í einelti hér á landi
á hverju ári og eru það að meðaltali um tvö börn í hverjum bekk. Afleið-
ingar eineltis geta fylgt þolandanum ævina á enda og eru þolendur líklegir til að
flosna upp úr námi og eiga oft erfitt með að fóta sig á vinnumarkaðnum. Þolendur
eru einnig líklegri til að eiga við geðræn vandamál að stríða á lífsleiðinni. Mikið hefur
samt sem áður breyst á Íslandi með aukinni vitundarvakningu og segist
Þolákur H. Helgason, framkvæmdastjóri Olweusaráætlunarinnar á Íslandi, sjá
mikinn mun í þeim skólum sem hafa starfað eftir áætluninni síðan 2002. Árlega eru
lagðar kannanir fyrir nemendur þeirra skóla sem starfa eftir Olweus og er eineltið
áberandi að minnka í þeim skólum sem hafa tekið þátt í starfinu frá upphafi.