Morgunblaðið - 18.11.2009, Side 4

4 FréttirINNLENT
MORGUNBLAÐIÐ MIÐVIKUDAGUR 18. NÓVEMBER 2009
Eftir Þórð Gunnarsson
thg@mbl.is
SAMÞYKKTAR forgangskröfur í
þrotabú Landsbankans eru 1273,5
milljarðar króna, en heildarupphæð
forgangskrafna er 2,857 milljarðar.
Þetta kemur fram í kröfuskrá slit-
astjórnar Landsbankans sem Morg-
unblaðið hefur undir höndum. Heild-
arupphæð krafna sem lýst var í
þrotabú bankans nemur tæplega
6.500 milljörðum króna, en ekki hef-
ur verið tekin afstaða til nærri því
allra krafnanna. Heildarfjöldi krafna
var um 12.000.
Langflestir lífeyrissjóða landsins
lýstu kröfum í þrotabúið. Lang-
stærstu kröfuna gerir Stapi lífeyr-
issjóður, ríflega 38 milljarða, en
samanlögð krafa lífeyrissjóða var
um 100 milljarðar króna.
Fjöldi fyrrverandi starfsmanna
lýsir kröfu í bú skilanefndarinnar, en
stærsta samanlagða krafan kemur
frá Steinþóri Gunnarssyni, fyrrum
framkvæmdastjóra verðbréfasviðs
Landsbankans, en heildarkrafa hans
nemur 490 milljónum króna. Nær
allar þær forgangskröfur sem hafa
verið samþykktar nú þegar eru til-
komnar vegna Icesave-innlánareikn-
inganna, enda langstærstu einstöku
kröfurnar í búið komnar frá breska
og hollenska innistæðutrygg-
ingasjóðunum. Stærsta einstaka
krafan er frá hinum breska, og nem-
ur 925 milljörðum króna. Miðað við
nýjustu upplýsingar um verðmat
eigna Landsbankans munu end-
urheimtur eigna vegna greiðslu á
Icesave nema um 87-94%, og því er
ljóst að þeir sem eiga launakröfur
munu ekki fá mikið upp í þær. Engin
launakrafa hefur verið samþykkt
enn sem komið er. Páll Benedikts-
son, talsmaður skilanefndar Lands-
bankans, segir að reiknað sé með 5-7
árum í að vinna úr eignum Lands-
bankans. Hins vegar verði byrjað að
greiða inn á höfuðstól Icesave-
skuldarinnar jafnóðum og eins fljótt
og unnt er, en fyrstu greiðslur eru
háðar því hvaða samkomulagi ís-
lensk stjórnvöld ná.
6.500 milljarða kröfur
 Heildarkröfur lífeyrissjóða nema rétt tæplega 100 milljörðum, þar af á Stapi
ríflega þriðjung  Skilanefnd gefur sér 5-7 ár til að vinna úr eignum þrotabúsins
Heildarkröfur í þrotabú Lands-
bankans nema um 6.500 millj-
örðum króna, og þar af nema for-
gangskröfur tæplega 2,900
milljörðum. Innan við helmingur
þeirra hefur verið samþykktur.
Morgunblaðið/Sverrir
Háar kröfur Langflestir lífeyrissjóða landsins lýstu kröfum í þrotabú Landsbankans. Hæstu kröfuna gerir Stapi líf-
eyrissjóður, ríflega 38 milljarða, en samanlögð krafa lífeyrissjóða í búið var um 100 milljarðar króna.
Kröfur einstaklinga
Hannes Smárason
fyrrum forstjóri FL Group 1.200
Steinþór Gunnarrson
framkvæmdastjóri verðbréfasviðs 490
Bjarni Þ. Bjarnason
forstöðumaður fyrirtækjaráðgjafar 368
Yngvi Örn Kristinsson
forstöðumaður hagfræðisviðs 230
Ingólfur Guðmundsson
einstaklings- og markaðssviði 215
Haukur Haraldsson
framkvæmdastjóri rekstrarsviðs 147
Ívar Guðjónsson
forstöðumaður eigin fjárfestinga 72
Knútur Hauksson
forstjóri Heklu 32
Tölur eru í milljónum króna
Lykiltölur
Heildarkröfur:
6.458
milljarðar króna
Heildarforgangskröfur:
2.857
milljarðar króna
Samþykktar forgangskröfur:
1.273,5
milljarðar króna
Stærsta einstaka krafa:
925
milljarðar króna