Morgunblaðið - 18.11.2009, Síða 14

14 FréttirERLENT
MORGUNBLAÐIÐ MIÐVIKUDAGUR 18. NÓVEMBER 2009
ÖRYGGISVÖRÐURINN Toni Musulin, sem orð-
inn er hetja á netinu fyrir að ræna 11,6 milljónum
evra, gaf sig fram við lögreglu í Mónakó á mánu-
dag. Peningarnir eru hins vegar ekki allir komnir
í leitirnar. Lögregla fann níu milljónir evra í bíl-
skúr, sem Musulin hafði tekið á leigu undir fölsku
flaggi, tveimur dögum eftir ránið, en ræninginn
hefur ekkert látið uppi um hvar þær tvær millj-
ónir evra, sem eftir eru, er að finna.
Musulin framdi ránið 5. nóvember þegar hann
ók burt í brynvörðum bíl frá sænska öryggisfyrir-
tækinu Loomis með 49 sekki fulla af peningum á
meðan tveir félagar hans brugðu sér frá.
„Hann ætlar ekki að reynast samstarfsfús,“
veðrið þegar hann birtist. „Það er ráðgáta hvers
vegna hann kom til Mónakó og hann lét ekki svo
lítið að gefa okkur skýringu á því,“ sagði Andre
Muhlberger, yfirrannsóknarlögreglumaður í
furstadæminu.
Musulin er orðinn að andhetju á netinu og með-
al annars sagt að hann hafi framið „rán ald-
arinnar“. Á vefsvæðinu Facebook hefur verið
stofnuð aðdáendasíða þar sem hann er sagður
„hetja“ fyrir að hafa framið ránið „án byssu, án of-
beldis“. „Þú munt fá vel borgað fyrir aðeins þrjú
ár í fangelsi,“ sagði einn bloggarinn.
Musulin hafði unnið hjá Loomis í tíu ár og var
með tæpra 2.000 evra mánaðarlaun. kbl@mbl.is
Í HNOTSKURN
»Toni Musulin rændi 11,6milljónum evra (rúmlega 2,1
milljarði króna) og enn eru tvær
milljónir evra (tæpar 370 millj-
ónir króna) ófundnar.
»Lögregla hélt í upphafi aðhonum hefði verið rænt, en
áttaði sig á mistökunum þegar í
ljós kom að hann hafði tæmt
íbúðina sína og bankareikning
nokkrum dögum áður en ránið
var framið.
Gaf sig fram en milljóna enn leitað
 Toni Musulin rændi tveimur milljörðum króna og 360 milljónir eru ófundnar
 Kom óvænt fram í Mónakó  Á sér fjölmarga aðdáendur í netheimum
hafði fréttastofan AFP eftir
embættismanni í franska
dómskerfinu, sem bætti við að
hann ætti þriggja ára fangelsi
yfir höfði sér. Getgátur eru um
að Musulin ætli að segja sem
minnst, afplána sinn dóm og
sitja svo að þýfinu þegar hann
losnar úr fangelsi.
Lögreglu grunaði að Musul-
in myndi flýja til Balkanskag-
ans þar sem hann á fjölskyldu og Interpol hafði
sent út hjálparbeiðni til 185 landa. Yfirvöld í
Mónakó vissu hins vegar ekki hvaðan á sig stóð
Toni Musulin
FRÉTTASKÝRING
Eftir Boga Þór Arason
bogi@mbl.is
BARACK Obama, forseti Banda-
ríkjanna, sagði eftir fund með Hu
Jintao, forseta Kína, að þeir hygðust
vinna saman að því að alþjóðlegt
samkomulag næðist á loftslags-
ráðstefnunni í Kaupmannahöfn í
næsta mánuði um aðgerðir til að
stemma stigu við losun gróðurhúsa-
lofttegunda. Niðurstaða leiðtoga-
fundarins í Kína vakti vonir um að
hægt yrði að blása nýju lífi í samn-
ingaviðræðurnar fyrir ráðstefnuna.
Niðurstaða fundar forsetanna
virtist mun metnaðarfyllri en yf-
irlýsing leiðtoga samtaka Asíu- og
Kyrrahafsríkja, APEC, þ. á m.
Obama og Hu Jintao, á fundi þeirra
um helgina. Leiðtogarnir töldu þá að
erfitt yrði að ná lagalega bindandi
samkomulagi á loftslagsráðstefn-
unni vegna þess að tíminn væri
naumur. Þeir samþykktu mála-
miðlunartillögu frá Lars Løkke
Rasmussen, forsætisráðherra Dana,
um að stefnt yrði að viljayfirlýsingu
sem væri ekki lagalega bindandi.
Skref í rétta átt
Obama sagði eftir fundinn með
Hu Jintao í gær að þeir hefðu sam-
þykkt að beita sér fyrir því að samn-
ingaviðræðurnar í Kaupmannahöfn
bæru árangur. „Markmið okkar
þar … er ekki samkomulag að hluta
eða pólitísk yfirlýsing, heldur samn-
ingur sem nær til allra málefnanna í
samningaviðræðunum og sem hefur
tafarlaus hagnýt áhrif.“
Í sameiginlegri yfirlýsingu leið-
toganna sagði að samkomulagið í
Kaupmannahöfn þyrfti að fela í sér
markmið um minni losun gróður-
húsalofttegunda af hálfu auðugra
iðnríkja og yfirlýsingu um aðgerðir
til að draga úr losuninni í þróunar-
löndum. Samkomulagið þyrfti einnig
að kveða á um aukna fjárhagsaðstoð
við þróunarlönd, stuðla að tækniþró-
un sem drægi úr losun gróðurhúsa-
lofttegunda, hjálpa fátækum sam-
félögum að laga sig að breyting-
unum og efla verndun skóga.
Bandaríkin og Kína bera ábyrgð á
40% af heildarlosun koldíoxíðs í
heiminum og ágreiningur þeirra hef-
ur verið ein helsta fyrirstaða sam-
komulags.
Talsmenn umhverfisverndar-
samtaka sögðu að niðurstaða leið-
togafundarins væri skref í rétta átt
en þörf væri á meiri „pólitískum
vilja“ til að tryggja að loftslags-
ráðstefnan bæri árangur.
Stefna að samkomu-
lagi um minni losun
Niðurstaða fundar forseta Bandaríkjanna og Kína vekur von-
ir um að hægt verði að blása nýju lífi í samningaviðræðurnar
Forsetar Kína og Bandaríkjanna
segjast nú stefna að alþjóðlegu
samkomulagi sem nái til allra
deilumálanna í samningaviðræð-
unum um aðgerðir til að stemma
stigu við loftslagsbreytingum.
Reuters
Viðhafnarkvöldverður Barack Obama snæðir kvöldverð með Hu Jintao, forseta Kína (3. frá hægri), og Hillary
Clinton, utanríkisráðherra Bandaríkjanna (lengst til hægri), í Höll alþýðunnar í Peking í gær.
„Ég talaði við Hu forseta um þá
bjargföstu trú Bandaríkjamanna
að allir menn ættu rétt á grunn-
mannréttindum,“ sagði Barack
Obama eftir fundinn með forseta
Kína í gær. Í yfirlýsingu leiðtog-
anna sagði að ágreiningur væri
milli ríkjanna um mannréttindamál
en stefnt væri að samninga-
viðræðum um það í Washington
fyrir lok febrúar.
Obama hvatti kínversk stjórn-
völd til að hefja viðræður að nýju
við fulltrúa Dalai Lama, andlegs
leiðtoga Tíbeta, en viðurkenndi að
Tíbet væri hluti af Kína.
Forsetarnir hétu því að leysa
viðskiptadeilur ríkjanna og beita
sér gegn hvers konar verndar-
tollastefnu. Obama hvatti Kínverja
til að hækka gengi jensins, en þeir
hafa verið sakaðir um að halda því
lágu til að auka útflutning sinn á
kostnað annarra landa.
Hvatti Kínverja til viðræðna við Tíbeta
SÍÐUSTU vikur hafa sveitarfélög í
Danmörku eytt jafnvirði 650 millj-
óna íslenskra króna í kjörkort sem
eru í raun óþörf, að því er fram kem-
ur á fréttavef danska ríkisútvarps-
ins.
Sveitarstjórnarkosningar fóru
fram í Danmörku í gær og nær 4,3
milljónir manna voru á kjörskrá. Síð-
ustu vikur hafa kjósendurnir fengið
kjörkort í pósti vegna kosninganna.
Framleiðsla og dreifing hvers korts
kostar um það bil sex danskar krón-
ur, jafnvirði 150 íslenskra, að því er
fréttavefurinn hefur eftir Leif
Hernø, markaðsstjóra KMD, sem
framleiðir kortin. Þau kosta því
sveitarfélögin alls um 26 milljónir
danskra króna, sem svarar 650 millj-
ónum íslenskra.
Geta framvísað skilríkjum
Fréttavefurinn hefur eftir Hernø
að kjörkortin séu í raun óþörf að
mestu því að kjósendurnir geti kosið
án þess að framvísa þeim. „Menn
geta fengið að kjósa án kjörkorts,
þeir þurfa aðeins að framvísa sjúkra-
tryggingaskírteini og vegabréfi eða
ökuskírteini,“ sagði Hernø. „Það er
sjálfsagt hægt að hugsa sér að gera
þetta með öðrum hætti. Við höfum
sjálf hugmyndir um það. Til dæmis
er hægt að hugsa sér að kjörkortin
verði send út stafrænt.“
Hernø segir að megintilgangurinn
með því að senda kortin sé í raun að
minna kjósendur á kosningarnar.
Sveitarfélögin komast ekki hjá því
að senda kortin þar sem þeim ber
skylda til þess samkvæmt dönskum
lögum, að sögn fréttavefjar danska
ríkisútvarpsins.
Í kosningunum í gær voru alls
2.673 fulltrúar kosnir í 98 sveitar-
stjórnir og fimm svæðisráð. Um
10.290 manns voru í framboði.
Um 5,6% kjósendanna eru ekki
með ríkisborgararétt í Danmörku.
Ríkisborgarar frá Íslandi, Noregi og
aðildarlöndum Evrópusambandsins
fá sjálfkrafa kosningarétt í Dan-
mörku og íbúar frá öðrum löndum
geta einnig kosið hafi þeir haft fasta
búsetu í landinu í þrjú ár. Á meðal
erlendu ríkisborgaranna sem gátu
kosið í gær voru 20.314 frá Noregi og
Íslandi (0,5% kjósenda), 96.097 frá
ESB-löndum (2,2%) og 123.334 frá
löndum utan ESB (2,9%).
650 milljónir í
óþörf kjörkort
TÉKKAR og Slóvakar minntust þess með ýmsum viðburðum í gær að 20 ár
eru liðin frá flauelsbyltingunni sem varð kommúnistastjórn Tékkóslóvakíu
að falli eftir að hundruð þúsunda manna tóku þátt í tólf daga götumótmæl-
um. Fólk kveikir hér á kertum til minningar um byltinguna í Prag.
Reuters
Flauelsbyltingar minnst