Morgunblaðið - 18.11.2009, Blaðsíða 15

Daglegt líf 15
MORGUNBLAÐIÐ MIÐVIKUDAGUR 18. NÓVEMBER 2009
Eftir Svanhildi Eiríksdóttur
Reykjanesbær | „Mér finnst íslensk
hönnun í prjónfatnaði skara fram úr.
Ég hef kynnt mér prjónhönnun bæði
í Noregi og í Bandaríkjunum. Og ís-
lensku prjónablöðin eru svo flott að
þar er margt sem mig langar til að
prjóna,“ sagði Guðrún Hallgríms-
dóttir prjónakona sem kom ásamt
vinkonu sinni, Eydísi Þórsdóttur, á
prjónakvöldi í Virkjun eitt fimmtu-
dagskvöld fyrir skemmstu. Þar hitt-
ast um 70 konur annað hvert fimmtu-
dagskvöld, prjóna, skrafa og skiptast
á skoðunum um þessa vinsælu iðju.
Það small hátt í prjónunum sem
mundaðir voru í Virkjun á síðasta
prjónakvöldi þegar blaðamaður
Morgunblaðsins leit þar inn. Prjóna-
kvöldunum var komið á til þess að
svara þörf tuga kvenna sem vildu
koma saman og deila sameiginlegum
áhuga. „Þannig var að Valgerður
Guðmundsdóttir, menningarfulltrúi
Reykjanesbæjar, hafði samband við
mig eftir að Þórunn Friðriksdóttir
og Hallfríður Matthíasdóttir höfðu
viðrað þá skoðun við hana að koma á
prjónakvöldum,“ sagði Harpa Jó-
hannsdóttir sem lengi stjórnaði
handverksmarkaði Gallerýs Bjargar.
Þegar starfsemin þar fór í frí skap-
aðist grundvöllur til að koma prjóna-
kvöldunum á og Hörpu bauðst að-
staða í Virkjun.
„Það hefur verið mikil prjónavakn-
ing í samfélaginu og við erum mjög
ánægðar með aðsóknina. Hér eru að
koma yfir 70 konur á kvöldi, alveg frá
10 ára stelpum sem koma með
mæðrum sínum og upp í áttræðar
konur. Við erum alltaf með ein-
hverjar kynningar á prjónakvöld-
unum, enda svo ótrúlega mikið til af
prjónavörum,“ sagði Harpa, sem
stjórnaði af röggsemi ásamt Þórunni
og Hallfríði.
Þráðurinn tekinn upp að nýju
„Ég hef alltaf haft gaman af því að
prjóna og sauma og gerði nokkuð af
því hér áður fyrr. Svo var ég upp-
tekin við barnauppeldi og lagði
handavinnuna til hliðar. Fyrir um
hálfu ári tók ég upp þráðinn að nýju.
Það var fyrst og fremst þessi mikla
prjónavakning í samfélaginu sem
ýtti við mér. Ég er enn í barnaupp-
eldi og námi þar að auki,“ sagði Ey-
dís í samtali við blaðamann. Hún
prjónaði peysu með kassamynstri og
klæddist einni heimaprjónaðri. „Ís-
lenskar prjónavörur eru mjög dýrar
og þegar ég sá allar þessa flottu
prjónavörur á ferðalögum um landið
í sumar langaði mig til að fara að
prjóna aftur. Ég er því að byrja aftur
eftir margra ára hlé,“ sagði Guðrún
sem kvaðst jafnframt hafa notið leið-
sagnar Eydísar, m.a. við að prjóna
kápu á dóttur sína sem var á prjón-
unum.
Eins og sást á breiðum hópnum, er
prjón fyrir alla og aldrei of seint að
læra iðjuna eða taka þátt í prjóna-
kvöldunum. Þær konur sem blaða-
maður ræddi við voru allar mjög
ánægðar með framtakið, sögðu að
gott væri að hitta aðrar konur við
sömu iðju, skiptast á skoðunum og fá
leiðsögn. Umsjónarkonurnar Harpa,
Þórunn og Hallfríður vinna öll sín
störf við prjónakvöldin í sjálfboða-
vinnu, en frjáls framlög eru þegin
fyrir kaffi og meðlæti svo hægt sé að
bjóða upp á léttar veitingar á þessum
kvöldum.
„Svo margt
sem mig langar
til að prjóna“
Sjálfboðaliðar Þórunn Friðriksdóttir, Harpa Jóhannsdóttir og Hallfríður
Matthíasdóttir eru ánægðar með prjónavakninguna.
Stór hópur kvenna tekur þátt í
prjónakvöldum í Virkjun á Ásbrú
Morgunblaðið/Svanhildur Eiríksdóttir
Þráðurinn tekinn upp Vinkonurnar Eydís Þórsdóttir og Guðrún Hallgrímsdóttir leyfðu sköpunargleðinni að njóta sín á prjónakvöldi í Virkjun eitt fimmtudagskvöld fyrir skemmstu.
Tvö prjónakvöld verða fram að
jólum, 19. nóvember og 3. des-
ember. www.virkjun.net.
Greiðslujöfnun íbúðalána
Lán Íbúðalánasjóðs verða greiðslujöfnuð frá og með 1. desember 2009
Áætluð lækkun á mánaðarlegri greiðslubyrði er allt að 17%
Afþakka þarf greiðslujöfnun fyrir 20. nóvember
Nánari upplýsingar ásamt tilkynningu um afþökkun er að finna á vefsíðu Íbúðalánasjóðs
Borgartúni 21 | 105 Reykjavík | Sími : 569 6900, 800 6969
www.ils.is