SunnudagsMogginn - 30.05.2010, Blaðsíða 24

24 30. maí 2010
hjónin erum að sættast við plötur sem við gerðum fyrir
30 árum. Við heyrum kannski gamalt lag með okkur í
útvarpinu og segjum hvort við annað: Þetta er ekki eins
slæmt og mig minnti!“
Þið hafið verið gift mjög lengi. Hver er lykillinn að
góðu hjónabandi?
„Við höfum ekki nennt að skilja! Nei, nei, þetta var
grín! Annars, ég veit ekkert um þennan lykil. Okkur
líður bara ágætlega saman. Í hjónabandi sem stendur í
áratugi hlýtur ýmislegt að koma upp á. Það er ekki
hægt annað, það er bara svoleiðis. Það er alltof mikið
um að fólk hlaupi í sundur þegar vandamál koma upp í
stað þess að leysa þau. Við Gaukur höfum leyst úr
vandamálunum og erum ánægð saman.“
Þurfti ekki að sperra mig
Hafðir þú mikinn metnað sem söngkona?
„Ég hef aldrei kallað mig söngkonu, það eru aðrir
sem hafa gert það. Ég kom fram á þeim tíma, 1967-69,
þegar söngur var að breytast úr miklum söng yfir í
þokkalegt raul. Sá söngstíll átti vel við mig, ég þurfti
ekkert að sperra mig enda hefði það ekkert þýtt. Ég hef
alltaf reynt að vanda mig, hvernig svo sem til hefur
tekist.
Hafði ég metnað? Ég vildi vissulega alltaf gera vel og
reyndi það en ég var ekki að springa úr söngkonumetn-
aði. Ég held að ég hafi tekið þessu öllu með mikilli ró.
Þetta starf átti af einhverjum ástæðum ágætlega við
mig. Það er engin ástæða til að verða vitlaus og fara að
líta stórt á sig þótt maður rauli einhver lög á sviði eða
syngi þau á plötu. Það má ekki gleyma því að söng-
starfið er vinna og þegar maður stendur uppi á sviði er
maður dálítið í sínum heimi. Fólkið í salnum er að
skemmta sér og við sem erum á sviðinu erum í
vinnunni. Þetta eru tveir ólíkir heimar.“
Þú varst mjög þekkt söngkona. Hvernig upplifðirðu
frægðina?
„Það var voða gaman! Ég er bara þakklát ef fólk
þekkir mig. Mér finnst það hlýlegt á okkar litla landi
þegar ókunnugt fólk heilsar manni eða víkur að manni
góðri kveðju. Það er ekkert annað um það að segja.“
Þú varst að syngja á tíma þegar margar flinkar
söngkonur nutu mikilla vinsælda og Ellý Vilhjálms
kemur þar fyrst upp í hugann. Var rígur á milli ykkar
söngkvennanna, vingjarnleg samkeppni eða kannski
engin samkeppni?
„Það var enginn rígur á milli söngkvenna. Enda var
ekki hægt að vera í samkeppni við Ellý, hún var best og
verður alltaf best. Ellý var alveg einstaklega músíkölsk,
eins og Vilhjálmur, bróðir hennar, og var fljót að læra
lög og texta. Hún hafði klassa. Var söngkona með
stórum stöfum. Hún hefði getað sómt sér hvar sem var í
heiminum. Maðurinn hennar, Svavar Gests, gaf út
hljómplöturnar okkar Ólafs Gauks og við kynntumst
þeim hjónum vel.“
S
vanhildur Jakobsdóttir var á sínum tíma ein
vinsælasta söngkona landsins og kom fram
með eiginmanni sínum, Ólafi Gauki, og hljóm-
sveit og söng inn á fjölda hljómplatna. Frá
árinu 1987 hefur Svanhildur verið í vinnu hjá Rík-
isútvarpinu sem þáttastjórnandi fjölmargra þátta. Nú
sér hún um þáttinn Stefnumót, sem er vikulegur tón-
listarþáttur þar sem flutt eru vinsæl dægurlög, gömul
og ný.
Þessi vinsæla söngkona er ekki tónlistarmenntuð og
lærði aldrei söng. „Ég var einu sinni sett í það að læra á
píanó, það gekk brösuglega, ég nennti því ekki og
fannst það hundleiðinlegt,“ segir hún. „En mér fannst
mjög gaman að syngja og sem ung stúlka kunni ég alla
helstu dægurlagatexta. Söngkonuferillinn kom til vegna
þess að ég kynntist Ólafi Gauki, 19 ára gömul. Hann var
ásamt þeim Hrafni Pálssyni og Kristni Vilhelmssyni að
stofna tríó í Þjóðleikhúskjallaranum og það vantaði
stelpu í framlínuna. Það var komið að máli við mig þar
sem ég vann í bókabúð Lárusar Blöndal í Vesturveri sem
þá var. Ég kunni svo sem ekkert að syngja en var með
gítarleikara mér við hlið sem sagði mér til. Ég var þæg
stúlka og hlýddi því. Enda vissi Gaukur hvað hann var
að gera, löngu orðinn landsfrægur hljóðfæraleikari. Ég
var aldeilis hundheppin þar. Ég held reyndar að hann
hafi líka verið heppinn að fá mig!
Við þekktumst ekkert þegar við byrjuðum að vinna
saman. Síðan eru mörg, mörg ár og við erum ennþá
saman.“
Lukkuleg samvinna
Var þetta ást við fyrstu sýn?
„Nei, en mér líkaði strax ágætlega við hann. Við urð-
um bestu vinir, það var alltaf gott að tala við hann og
líka hægt að þegja með honum, sem er mikilvægt. Sam-
bandið þróaðist og varð ástarsamband, sem var ekki
ætlunin því hann var í hjónabandi þegar ég kynntist
honum.“
Var þetta ekki erfitt?
„Jú, mjög erfitt, ég myndi ekki ráðleggja neinum að
fara í slíkt samband. Ég gerði það samt, var ung og vit-
laus. Eða kannski var ég bara svona gáfuð. Ég held að
hann hafi nú ekki verið mjög bundinn í þessu hjóna-
bandi, þannig að það var ekki eins og ég væri að breyta
miklu.“
Hvernig er að vinna svona náið með manninum
sínum, eins og þú gerðir?
„Við höfum alltaf verið mjög lukkuleg með þessa
miklu samvinnu. Gaukur stjórnaði tónlistinni og ég
gerði það sem gera þurfti í söngnum. Ég lærði líka á því
að hlusta á sjálfa mig. Auðvitað nennir maður ekki alltaf
að hlusta á sjálfan sig en maður verður að gera það ein-
staka sinnum til að átta sig á því hvað má betur fara.
Sjálf var ég aldrei alveg ánægð með mig. Ég vissi að það
væri alltaf hægt að gera betur. Það er fyrst núna sem við
Viðtal
Kolbrún Bergþórsdóttir
kolbrun@mbl.is
Hef aldrei kallað
mig söngkonu
Svanhildur Jakobsdóttir var 19 ára þegar hún hóf söngfer-
ilinn og varð skjótt ein af vinsælustu dægurlagasöngkonum
landsins. Í viðtali ræðir hún um söngferilinn og samstarfið
við eiginmanninn, Ólaf Gauk. Og svo hefur hún vitaskuld
skoðun á framlagi Íslands í Evróvisjón.