SunnudagsMogginn - 20.06.2010, Page 23

20. júní 2010 23
Cynthiu er umhugað um að halda menningu þjóðar sinnar á lofti og hefur
meðal annars sett saman rit um hefðir og siðir Zulu-kvenna er tengjast
kynþroska, tilhugalífi, giftingu og barneignum.
Þar segir meðal annars að getnaður og meðganga hafi áhrif á alla fjöl-
skylduna en tilvonandi móðir segir tengdamóður sinni fyrst að hún sé
þunguð. Hún lætur síðan son sinn vita og sest því næst niður með tengda-
dótturinni til að gefa henni góð ráð. Meðal þeirra er að forðast skuli að
sofa eða leggja sig yfir daginn því það geti orðið til þess að hin verðandi
móðir verði löt á öllum sínum komandi meðgöngum. Hún á frekar að hafa
nóg fyrir stafni til að koma í veg fyrir að hún verði syfjuð.
Þá er hinni verðandi móður ráðlagt að vera ekki sú fyrsta til að vakna á
morgnana og stíga út fyrir hússins dyr því þannig gæti hún orðið fyrir áhrif-
um illra afla eða anda sem nornir hafa skilið eftir sig um nóttina. Einnig er
henni ráðlagt að vera ekki í nálægð við lík því það geti valdið fósturláti eða
erfiðleikum á meðgöngu.
Um trúlofun segir meðal annars að hún sé bæði langur ferill og opinber.
Karlmaðurinn biður um hönd konu en það þykir skammarlegt að sam-
þykkja verðandi maka of snemma og því lætur konan ganga á eftir sér um
nokkurn tíma. Karlmaðurinn tekur einnig þátt í þessum leik, til dæmis við
opinberar athafnir eða hátíðahöld en þá er algengt að hann gefi þeirri sem
honum best líst á eitthvað úr sinni eigu, gjarnan hálsfesti eða annað í
þeim dúr.
Tilhugalíf og barneignir
séð aðra manneskju svanga án þess að
gera eitthvað.
Cynthia segir samfélagið ekki standa
jafnþétt saman og áður og af fátæktinni
leiði ýmiss konar vandamál. Það tíðkist
t.d. að ungt fólk selji blíðu sína til að eiga
fyrir mat og verji sig ekki sem skyldi. Það
leiði til útbreiðslu alnæmis og sé stór
ástæða fyrir því að alnæmi haldi áfram að
breiðast út í svo miklum mæli. Bestu
leiðina til að bæta hlutina segir Cynthia
vera að tala við fólk og gera því ljóst að
alnæmi sé banvænt. Efla þurfi forvarn-
arstarf og koma þeim skilaboðum áleiðis
til fólks að svo lengi sem það fari ekki í
próf geti það allt eins litið á sig sem al-
næmissmitað.
Cynthia vinnur nú að því að byggja
samfélagseldhús í Mbekweni þar sem
einnig verður miðstöð fræðslu- og for-
varnarstarfs. Húsið er þegar fullbyggt en
Cynthia vinnur stöðugt að því að afla fjár
til að geta keypt innanstokksmuni sem
nauðsynlegir eru til að hefja starfsemi. Á
meðan heimsækir hún fátækar fjöl-
skyldur og aðstoðar þær við það sem
þarf, allt frá því að kaupa mat til þess að
sjá til þess að fólk fái sómasamlega útför.
Einnig hefur hún stutt við barnaheimilin
í hverfinu og segir mikilvægt að styðja
við ungu kynslóðina til að hún geti gert
betur í framtíðinni.
Staða kvenna
„Fátækt er meira áberandi á þeim svæð-
um þar sem aðskilnaðarstefnan ríkti og
munurinn á fólki í bæjum og fátækra-
hverfum er mikill. Staða kvenna hér hef-
ur mikið með menntun að gera þar sem
hún gerir okkur kleift að skilja stefnur og
breytingar á við karlmenn, sem eykur
frelsi kvenna. Ómenntaðar eru konur
frekar álitnar óæðri og stundum í kirkj-
unni þegar verið er að gefa mat heyrir
maður konurnar hvetja til þess að karl-
mönnunum sé gefið fyrst að borða og
íhuga þá hvorki eldra fólk né börn. Slík-
ur hugsunarháttur er því enn ríkjandi
meðal sumra kvenna.
Ég hef aðstoðað konur við að búa til
ýmiss konar hluti úr perlum til að selja
ferðamönnum. Það er mikilvægt að þær
geti gert eitthvað sjálfar þannig að þær
hafi eitthvað fyrir stafni og fái borgað. Til
að kenna þeim hvernig á að búa til slíka
hluti hef ég fengið konur í heimsókn frá
mínu heimasvæði til að kenna þeim.
Einnig hef ég fengið dansarahópinn til að
syngja og dansa á ýmiss konar við-
burðum og safna þannig fjármagni til að
hægt sé að ljúka framkvæmdum og gefa
fólki eina góða máltíð á dag. Dansinn er
mjög karlmannlegur og söngvarnir eru
tengdir fæðingu, tilvonandi brúðkaupi,
uppskeru og öðru slíku,“ segir Cynthia.
Trúin gefur von
Cynthia lærði hagnýta sálfræði og lauk
mastersnámi og doktorsgráðu í Kanada.
Hún segist vera stolt af uppruna sínum
og meti það að vera af þeirri regnboga-
þjóð sem Guð skapaði. Trúin er henni
mikilvæg líkt og þeim sem minna mega
sín í Suður-Afríku. Hún segir trúna gefa
fólki von og að eftir þetta líf taki við líf
sem verði mun betra á himnum. Þá hafi
hún komist enn betur að því með ár-
unum hversu mikilvæg menning sín sé
og mikilvægi þess að viðhalda henni þar
sem menningin sýni í raun hver hún sé.
Kátar stelpur Styðja verður við ungu kynslóðina til að hún geti gert betur í framtíðinni.
’
Samfélagið stendur ekki jafnþétt saman og
áður og af fátæktinni leiða ýmiss konar
vandamál. Það tíðkast t.d. að ungt fólk selji
blíðu sína til að eiga fyrir mat og verji sig ekki sem
skyldi, sem síðan leiðir til útbreiðslu alnæmis.
Zulu danshópur Cynthia
tekur nokkur dansspor
með danshópnum frá Kwa-
Zulu-Natal héraðinu.
Zulu
stærsta
þjóðarbrotið
Flestir þekkja til Zulu vegna King
Shaka sem var konungur Zulu-
fólksins og álitinn upphafsmaður
Zulu-þjóðarinnar. Þegar hvíti mað-
urinn tók fyrst að koma til Suður-
Afríku stóð King Shaka ekki ógn af
honum eins og mörgum öðrum
konungum heldur heillaðist hann
af kunnáttu hvíta mannsins og
sendi stríðsmenn sína til að læra
eins mikið og þeir gætu af þessu
fólki. Út af litarhætti þeirra kallaði
hann hvíta fólkið swallows eða
svölur. King Shaka þótti mjög hug-
aður og barðist við aðra konunga
um völd. Þannig byggði hann upp
heimsveldi sitt sem varð sífellt
stærra og í gegnum það varð Zulu
stærsta þjóðarbrot svartra í Suður-
Afríku en þau næststærstu eru
hópar Xhoasas og Sotho.