SunnudagsMogginn - 15.08.2010, Blaðsíða 12

12 15. ágúst 2010
Laugardagur
Bragi Guðmundsson Hún kemur
eins og ferskur vindur á hverju
hausti þessi ljúfa tilfinning, hatrið á
Manchester United.
Sunnudagur
Sigríður Inga Sigurðardóttir var að
horfa út um gluggann og hélt hún
sæi sel. En … þetta var einhver
kall að synda!
Þriðjudagur
Friðrik Friðriksson
Tók Ironman Light í
dag: 10 k hlaup, 27 k
hjól og 1 k sund. Tók svo eina íbú-
fen til öryggis. Fjölskyldan lék svo í
tónlistarmyndbandi hjá Hafdísi
Huld þar sem Margrét fór á kostum
og sló út sviðsvana foreldrana.
Föstudagur
Þórunn Birna Guðmundsdóttir Nýj-
asta nýtt í vinkonuhópnum: skokk,
sund eða hjólað og endað í heita
pottinum í hverfislauginni … nýtt
hverfi í hverri viku!! Sundlaug
Garðabæjar … DONE!
Stefán Baldursson
gleymdi brúðkaups-
afmælinu aftur í ár.
Huggunin í ár að kon-
an mundi ekki eftir
því heldur. Hvað segir það okkur?
Fésbók
vikunnar flett
Var það rétt ákvörðun að taka
Spaugstofuna af dagskrá?
Spaugstofan hefur verið á skjám lands-
manna síðastliðin 24 ár. Margir myndu
segja að þetta væri komið gott og tími til
kominn að þessi fasti liður á RÚV yrði
tekinn út fyrir eitthvað nýtt og ferskt.
Ég er ekki sammála því, ég veit ekki bet-
ur en að þessir kröftugu orkuboltar hafi
alltaf verið með puttann á púlsinum og
alltaf tóku þeir fyrir nýtt efni hverrar
líðandi stundar í hverjum einasta þætti.
Hvað gerist þegar þeir verða teknir af
dagskrá? Hver ætlar að gagnrýna sam-
félagið okkar með jafn frumlegum hætti
og þeir? Vissulega gæti ég svo sem stillt á
útvarp Sögu og hlustað á þunglynd
gamalmenni kvarta yfir áferð klósett-
pappírsins sem Bónus selur eða álíka
áhugaverða gagnrýni um hvað mætti
laga á Íslandi í dag.
Spaugstofan hafði mikil áhrif á ís-
lenskt samfélag. Þeir notuðu grín til að
deila á ýmislegt sem hrjáði samfélagið
sem er auðvitað tilvalið til þess að fá fólk
til þess að hlusta því þegar fólk horfir á
eitthvað kómískt er það opnara og mót-
tækilegra heldur en ef það horfir á alvar-
lega umræðu í Kastljósi eða Silfur Egils.
Mjög oft opnuðu þeir augu manns fyrir
ýmiss konar atburðum sem fóru framhjá
manni í fjölmiðlum. Þeir bentu okkur
oft á alls konar uppátæki stjórnmála-
manna, blésu þá svo upp í nýjan og
hlægilegan búning sem endurspeglaði í
raun ádeilu á atvikið eða manneskjuna
sjálfa.
Núna er einmitt tíminn þar sem hvað
mest er að gerast í íslensku samfélagi,
bankahrun, spilling, eldgos, Jónína Ben
og Gunnar í Krossinum! Núna er tíminn
þar sem það ætti að vera hvað mest að
gera hjá þeim Spaugstofukörlum. Svo er
ákveðið að taka þá af dagskrá? Er ekki í
lagi? Hvað með það þó að þeir séu dýrir í
framleiðslu? RÚV er með nógu mikið af
skítaefni sem enginn horfir á sem þeir
geta bara hent út í staðinn. Í alvöru. Eða
er ég kannski bara ein um það að hafa
engan áhuga á að vita mörk dagsins eða
skemmta mér yfir bíómynd með talandi
hundi á laugardagskvöldi?
Ég er ung og ég geri mér fulla grein
fyrir því sem uppistandari að minn
húmor nær ekki alltaf til hinna eldri
kynslóða svo sem eins og ömmu minnar
eða mömmu minnar. Nú virðist sem
heimurinn snúist einungis um að það sé
séð til þess að unga fólkinu sé skemmt.
Gott og vel, ekki leiðinlegt fyrir mig sem
unga manneskju, hins vegar heldur
leiðinlegt fyrir konu eins og ömmu mína
sem er orðin áttræð blessunin. Hún
elskar Spaugstofuna, enda fylgist hún
með öllum fréttum og veit nákvæmlega
hvað er að gerast í dag í heiminum, á Ís-
landi. Á hvað á hún að horfa á núna og
hlæja að? Steindanum okkar? Ég er ekki
viss um að hún myndi endast heilan
þátt. Spaugstofuhúmorinn var ávallt að
mínu mati stílaður meira inn á eldri
kynslóðina, sem er gott vegna þess ekki
eru þeir margir íslensku grínþættirnir
sem stíla inn á þennan stóra markaðs-
hóp. Svo skal ekki gleyma að Spaug-
stofan var langvinsælasti sjónvarps-
þáttur Íslandssögunnar.
MÓTI
Þórdís Nadia
Óskarsdóttir
Uppistands-
stelpa
E
f við lítum á grínsöguna í Bret-
landi þá má næstum nefna hvaða
grínista sem er allt frá Peter Sell-
ers til Ricky Gervais, allir hófu
þeir feril sinn ungir hjá BBC. Þetta á líka við
um grínhópa eins og Monty Python, The
Young Ones og League of Gentlemen. Þeir
fengu sitt uppeldi á BBC en „útskrifuðust“
síðan til einkarekinna sjónvarpsstöðva eða í
bíómyndirnar sem sannarlega þurftu á vin-
sældum þeirra að halda.
Svona var þessu líka farið á sínum tíma á
RÚV. Árið 1987 hóf ungur grínhópur þar
störf undir nafninu Spaugstofan. Þetta var
samansafn efnilegra grínista sem urðu fljótt
vinsælustu grínistar landsins. Þættirnir 89
og 90 á Stöðinni voru ómissandi og allir
vildu Spaugstofuna kveðið hafa. Sig-
urgangan gekk allar götur til ársins 1992
þegar þeir færðu sig yfir á Stöð 2.
Skömmu síðar fóru enn yngri grínistar að
hasla sér völl innan veggja RÚV og var und-
irritaður þar á meðal. Það má því segja að á
þessum tímabili, allt frá því Spaugstofan
hóf göngu sína 1987 til ársins 1995, hafi
RÚV í raun og sann starfað eins og Rík-
issjónvarpsstöð ætti að starfa með ungum
grínistum, þ.e. gefa þeim tækifæri til að
blómstra og láta þá útskrifast svo yfir á
sjónvarpsstöð sem þarf meira á establiser-
uðum vinsældum að halda. En þessi þróun
fór í öfuga átt árið 1996 þegar „gömlu
mennirnir“ í Spaugstofunni hættu á Stöð 2
og komu aftur á RÚV og sópuðu með því
okkur ungu grínurunum yfir til Stöðvar 2.
Kom ekki að sök fyrir okkur en kom hins-
vegar mikið að sök fyrir alla þá hugsanlegu
og væntanlegu ungu grínista sem hefðu
getað fengið „RÚV uppeldið“, líkt og
Spaugstofan og við höfðum fengið. En það
er ekki við Spaugstofuna sjálfa að sakast.
Þeir gerðu bara sitt. Urðu eldri. Gerðu grín
að sér yngri mönnum. Þeir urðu að mjólk-
urkú fyrir auglýsingatekjur. Nokkrir dag-
skrárstjórar komu og fóru og enginn hafði
kjark í að slátra þessari mjólkurkú.
Þegar við bættist svo tal um að þeir fé-
lagar væru „nauðsynlegir“ vegna þess að í
hverju lýðræðisríki væri mikilvægt að gera
grín að valdamönnum fór umræðan að
snúast um eitthvað annað en akkúrat það
hvers vegna þeir Pálmi, Örn, Siggi, Rand-
ver og Karl væru einu mennirnir á öllu
landinu sem gætu haldið slíku prógrammi
lifandi. Þessi málflutningur var mjög
ríkjandi í kringum hrunið. Nú sem aldrei
fyrr væri Spaugstofan „nauðsynleg“. Á
sama tíma hafði Morgunblaðið farið í mjög
þarfa andlitslyftingu þegar hinum 75 ára
gamla Sigmund var skipt út fyrir hinn mun
fyndari og beittari skopteiknara Halldór
Baldursson.
En það er önnur saga og kannski þýðir nú
voða lítið að reyna að bera hið íslenska RÚV
saman við BBC. Væri nærtækara að líkja
RÚV við pólskt auglýsingasjónvarp þar sem
bandarískar sápur, ódýrir spurningaþættir
og söngvakeppnir ráða ríkjum í afþreying-
unni. Líkjum Stöð 2 frekar við BBC.
Þó að ég hafi í fimmtán ár verið mjög
fylgjandi því að Spaugstofan hætti á RÚV
finnst mér lítill mannsbragur á uppsögn
þeirra nú. Allt gert í skjóli niðurskurðar og
hvað á að koma í staðinn? Nýr spurn-
ingaþáttur?
MEÐ
Sigurjón
Kjartansson
Handritshöfundur,
tónlistarmaður og
háðfugl