SunnudagsMogginn - 15.08.2010, Blaðsíða 27

Klettarnir sex: Soffía, Guðlaug Ó, Hrefna, Berglind, Laufey og Guðlaug Bó.
Að leika í Sirkus Skara Skrípó árið 1996 með Sigurjóni.
Mamma, Gísli bróðir, Gestur Guðjónsson skáld og Kristjana í Þórsmörk.
Með Ragnheiði Lóu, bestu dóttur í heimi.
Sungið í sunnudagskaffi hjá Agnari Má og Gauti sonur hans Agnars klappar með.
Með Höbbu vinkonu við útskrift úr Söngskólanum.
Sem Bella trúður með Barböru og Úlfari.
Í starfsmannapartíi Ekkó með Heru Björk.
Rétt rúmlega ársgömul í stúdíói Gests. Á fermingardaginn með pabba.
Afi Arnold og amma Kristjana á útskriftardaginn.
Djassgeggjari
af guðs náð
Elín Krista systurdóttir og Ragnheiður systir.
Úr myndaalbúminu
Kristjana Stefánsdóttir söngkona
byrjaði tónlistarferilinn 7 ára á Sel-
fossi og hefur sungið alla tíð síðan.
K
ristjana Stefánsdóttir er fædd á Selfossi 25. maí 1968. Hún
bjó fyrstu æviárin í Fossvoginum í Reykjavík en fluttist
svo á Selfoss 7 ára gömul, en þar má segja að fyrstu tón-
listarskrefin hafi verið stigin því hún byrjaði strax í kór
og hætti ekki fyrr en árið sem hún útskrifaðist sem stúdent frá Fjöl-
brautaskóla Suðurlands en það var annan í jólum 1989.
Á unglingsárunum tróð hún upp í kabarettsýningum Leikfélags
Selfoss og stofnaði ballhljómsveitina Karma sem hún starfaði með til
haustsins 1989. Kristjana nam söng í Söngskóla Reykjavíkur og út-
skrifaðist þaðan 1996. Það sumar tók hún þátt í sýningunni Sirkus
Skara Skrípó í Loftkastalanum. Um haustið fór hún svo til Hollands
til að nema djasssöng og hlaut BA-gráðu frá Konunglega listaháskól-
anum í Haag í Hollandi árið 2000.
Eftir það flutti hún heim og hefur starfað sleitulaust síðan sem tón-
listarmaður og nú síðustu ár einnig sem trúður og tónskáld í Borgar-
leikhúsinu en þar túlkar hún trúðinn Bellu í Grímuverðlaunasýning-
unni Jesús litli. Kristjana er einnig móðir og á dótturina Ragnheiði
Lóu sem er á áttunda aldursári. Kristjana mun syngja á Jazzhátíð
Reykjavíkur þann 26. ágúst næstkomandi en þar mun hún heiðra
djasshefðina og það besta úr amerísku söngbókinni ásamt þeim Agn-
ari Má Magnússyni, Valda Kolla og Scott McLemore.
15. ágúst 2010 27