SunnudagsMogginn - 04.09.2011, Side 33

4. september 2011 33
Bjarni Haukur er með fleira á sinni könnu
en Pabbann og Afann. Hann vinnur nú að
nýju leikverki með uppistandsívafi sem ætl-
að er erlendum ferðamönnum á Íslandi.
Nefnist verkið How to Become Icelandic in
60 Minutes og verður flutt á ensku. Verkið
verður frumsýnt í Hörpunni næsta vor.
„Eins og allir vita erum við Íslendingar
mestir og bestir í öllu sem við tökum okkur
fyrir hendur og synd að miðla þeim eig-
inleikum ekki til útlendinga sem hingað
koma,“ segir Bjarni mátulega alvarlegur á
svip. „Að vísu er ekki hægt að neita því að
við höfum gert „taktísk mistök“ en það
breytir ekki því að við stöndum öðrum þjóð-
um framar. Við höfum til dæmis unnið stríð.
Það er meira en Frakkar geta sagt.“
Bjarni segir þetta verk lengi hafa búið
innra með sér en nú hafi hann ákveðið að
láta slag standa.
Ekki liggur fyrir hvort Bjarni mun sjálfur
leika í sýningunni en það verður skoðað út
frá stöðu annarra verkefna með vorinu.
„Hugsanlega byrja ég en síðan tekur ein-
hver annar leikari við.“
Leiðbeinir erlendum
ferðamönnum
Peter Sellers, Jim Carrey. Mín reynsla er
sú að menn hlæja alveg jafnmikið að
Pabbanum á Íslandi og í Slóveníu.“
Hann segir það heldur ekki spilla fyrir
að sýningin er auðveld í uppsetningu,
aðeins einn leikari á sviðinu.
Spurður um aðlögun kveðst Bjarni
leyfa hana upp að vissu marki. Þannig
hafi Þjóðverjar fengið að bæta inn í sína
uppfærslu viðbrögðum nokkurra val-
inkunnra hershöfðingja við það að
verða feður, svo sem Júlíusar Sesars og
Napóleóns Bónaparte. „Það var mjög
fyndið,“ segir Bjarni og bætir við að
þarna sé muninum á Íslendingum og
Þjóðverjum ágætlega lýst. Hinn venju-
legi Íslendingur setji sig dags daglega
ekki í spor Sesars. „Þjóðverjar eru auð-
vitað mun stærri þjóð en við,“ segir
hann sposkur.
Afinn líka á hvíta tjaldið
Framhaldið af Pabbanum, einleikurinn
Afinn, var frumsýnt í Borgarleikhúsinu í
upphafi þessa árs og verður þráðurinn
tekinn upp að nýju nú í september. Eftir
áramót leggur Afinn síðan leið sína til
Akureyrar og á fleiri staði á lands-
byggðinni. Sigurður Sigurjónsson fer
sem fyrr með hlutverk afans.
Í framhaldinu mun Afinn svo leggjast
í víking en Bjarni staðfestir að búið sé að
selja sýningarréttinn til nokkurra landa.
„Það mál er á frumstigi enda fer Afinn
eðli málsins samkvæmt hægar yfir en
Pabbinn. En hans tími mun koma.“
Bjarni upplýsir að þeir Ólafur Egill
séu þegar farnir að leggja drög að kvik-
myndahandriti byggðu á Afanum sem
ætti að verða tilbúið næsta sumar.
„Ólíkt Pabbanum er meiningin að gera
mynd um Afann hér heima með Sigga
Sigurjóns í aðalhlutverki. Jafnframt
munum við kanna áhugann erlendis.“
Ekki er ofsögum sagt að Bjarni Hauk-
ur sé allt í öllu þegar þeir feðgar, Pabb-
inn og Afinn, eru annars vegar. Hann
semur verkin, lék í öðru þeirra, leik-
stýrði hinu og annast svo sölu þeirra til
útlanda.
Hann hlær þegar þetta ber á góma.
„Þetta er svo sem ekkert einsdæmi.
Astrid Lindgren – án þess að ég sé á
nokkurn hátt að bera mig saman við
hana – var lengi vel eigin forleggjari á
morgnana og skrifaði svo eftir hádegi.“
– En hún hoppaði ekki upp á leiksvið
á kvöldin!
„Nei, nei, það er alveg rétt,“ svarar
Bjarni hlæjandi. „En á meðan ég ræð við
þetta og hef gaman af því kvarta ég
ekki. Ég er líka með fleira fólk með mér
í þessu, Íslendinga og útlendinga, og fæ
góða ráðgjöf og aðstoð. Það er engin leið
að komast yfir þetta einn.“
Pabbinn og Afinn verða ekki einu
meðlimir fjölskyldunnar sem sprottin er
úr hugarfylgsnum Bjarna Hauks Þórs-
sonar en þriðji einleikurinn er enn
óskrifaður. Mun hann fjalla um yngstu
kynslóðina, barnið eða unglinginn.
„Hugsa ekki allir í þrí- eða fjórleikjum í
dag, hvort sem það er Jón Kalman,
George Lucas eða Sveppi? Verð ég ekki
að gera það líka?“
Það er nú líkast til.
Sigurður Sigurjónsson snýr aftur í Afanum í
Borgarleikhúsinu í haust.
Morgunblaðið/Golli
Morgunblaðið/Kristinn
Skar og skarkali | 4
Þorgrímur Kári Snævarr